|
خطبت 6 بنات والسبب الحريم
كل مرة اخطب اعجب وارتاح لها لانه ماعندي طلبات ابي بنت استر عليها وتستر علي بس المشكلة في امي واخواتي وقريباتي
هذي قصيرة وهذي سمرة وهذي شايفه نفسها وهذي مراهقة وهذي حاره صدقوني كل ال6 ارتحت لهم الا وحده واتفقت امي واخواتي انها مناسبة وانا قالت لا انا مو مرتاح لها بس طلب اشوفه ثانية وجلست اكلمها مع ولي امره بس عجزت ارتاح وصليت صلاة الاستخارة ونفس المشكلة ال5 صليت صلاة الاستخارة وارتاح لهم بس امي تقول لا مانبيهم اخاف اوافق واتندم بعدين يعيروني ساده انك ماخذت راينا والله تعبت لي شهر وانا محروم من النوم بس افكر فيهم وكل وحده اشوفه يتعلق قلبي فيها ابي حل |
انت الي بتتزوجها مو اهلك
استخير واستخير وان مارتحت انسحب بهدوء لاتكلم اهلها واسكتوا وارجع بفكرك من الي ارتحت لها اكثر من الي قبل واستخير مره ثانيه لهالي قبل انسحبت منها واجزم وقل كلمه وحده (طبعا عقب الاستخاره) ابي فلانه الفلان (وهذا ان كان مابها شي يقدح فيها) والله يوفقك |
الحل وانا اختك,, صلِ صلاة الاستخارة وخذ الاربع كلهن :41 بس كل وحدة يوم مو جميع وبالتوفيق ان شاء الله : 12 |
انت اللي بتتزو ج مو اهلك وبعدين رح شفه ولا يشوفونه اهلك اصلا احس موضة قديمه الحريم يروحون يشوفون وخل شخصيتك مستقلة
بصراحه الله يعين اللي بتاخذك شكلك تتاثر بكلام اهلك الله يهديك ويوفقك |
الله ييسر أمرك الأهل مالهم حق يفرضونه عليك والدبره ماهب عند أهلك بهاالأمور بعدين وشلون يالبيب أهلك مايبونه ويقولون به عيوب خلقية وتروح تشوفه |
ابنوه نقطه لك ولمن هو بحالتك
ان كنت تعرف ان اهلك من النوع العنيد والي يتمم كلمته و(به شوي هه) فلا ترجع لل 5 البنات الي قبل لانك لو اخذت وحده منهن وهن بالاصل اهلك مطلعين عذاريب بهن فلا توهق بنت الناس لان فيه بعض الحريم تحقد على البنت وهي مالها دخل فراح يقللون من شانها وبيصورون مااقتنعوا بها (وتصير حرب نفسيه لزوجتك منهن) فكان اهلك من هالنوع فاخطب من جديد والسابعه لا يهمك رايهن كان به عذاريب تافهه وخذ راي وخيرة ربك (استخير ) واجزم ولابد ان تقوي رايك عند اهلك ولا يجرك احد يمين ويسار والله يوفقك |
أخي الفاضل .. الاستخاره : تكون قبل الإقدام على الشيء .. !! وليس من شروطها أنك ترتاح .. فهذه طريقة اتبعها كثير من العوام وهي خاطئة .. وإنما الطريقة هي : أنك أقدمت وخطبت من العائلة الفلانية وبعد ذلك قالوا لك تعال شف البنت وبعد ما رأيت البنت .. هنا تصلي الاستخارة وتقدم وليس بشرطاً أن ترتاح أو ما ترتاح وإنما إذا صليت الاستخارة وأقدمت فإن كان فيها خيراً لك فبإذن الله ستتير أمورك ، وإن كان فيها شراً لك فبإذن الله أن الله سيمنعك عنها بأي طريقة .. أتمنى لك التوفيق .. واسمع كلام الأخت ( بدر الدجى ) تراوه أزين لك .. |
الله يوفقك ,, وخذ اللي ترتاح لها انت مو اهلك رح يتزوجون ..
|
اسمع كلام أبو ربا ولايهمك حتسي الحريم
... |
اسهج اهلك وتعيرهم وصل صلاة الاستخاره وربي يسهلك امورك
|
اقتباس:
الاخت جايه تنصح ولا تحرش والله حريم اخر زمن شف وانا اخوك اذا الاخيره ماارتحت لها لا تقربها ابد ومولازم شوفه ثانيه للبنت الحمدلله شف غيره لاانه ممكن تشوفها وما تعجبك وهذا هو الاقرب حسب كلامك وحاول تاخذ بكلام وحده من الحريم الي حولك الي انت فعلان تثق برايها والله يوفقك |
من جدك تتزوج وحده ماارتحت لها ؟!
ليش من بيتزوجها انت والا اهلك ان تزوجت اي وحده انت مااقتنعت فيها فهو ظلم لها ولك حرام عليك تتزوجها وتظلمها معك وانت من الاول ماارتحت لها خاصه انك استخرت اكثر من مره اعتذر منهم قل ماصار نصيب والحمدلله اقتباس:
ايش موقف اهل البنت وابوها وهي نفسها من الحركه هذي على اعصابها ماتدري هم موافقين عليها والا لا ع الاقل تعرف انه ماصار نصيب احسن من الانسحاب لان الانسحاب ياثر بالبنت بشكل كبير جدا بتفكر للدرجه هذي مو قادر ولايتعذر ويقول ماصار نصيب واهلها بيفكرون كثير هم الناس جازمين والا ايش ليتنا نفكر بغيرنا مثل مانفكر بانفسنا |
والله يانتم يالشباب لاقينه ( الشوفة الشرعية ) الواحد ماوده يجزم يقول خل نشوف أكثر دامه حلال .. خخخخخخ
تراي أمزح .. |
تبي الصراحة .. شكلك رخوا شوي .. وحل مشكلتكـ بيدك .. الي بتزوج إنت ماهي أمك ولا أخواتك ..؟؟ إن شاء الله لو بتتزوج جدار ..! ماله أحد دخل فيك .. |
| الساعة الآن +4: 01:52 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.