بريدة ستي - أم علي انصكت وبدت تطلع متخرمات (تكملة ابو علي منسدح )6

بسم الله الرحمن الرحيم

أم علي: بس ياام فهد طقتين بالراس توجع أنا ألاقيها من الشغاله ولا من ابو علي وأغلقت السماعه

وصعدت الى غرفتها

وبعد ما رجع ابو علي من صلاة الفجر اخبرته بخبر الشغاله انزعج ابو علي كثيرا

خاصة حينما اخبرته انها اغلقت الباب دونها فقال لها :

انتي مهبوله ياام علي وشلون تقفلين الباب بالمفتاح

طيب اذا رجعت وشلون تدخل ؟

أم علي: ومن قالك اني ابيها تدخل ! انا خلاص ماابغاها

وشلون تبين ادخل بيتي شغاله تسرح وتمرح على كيفها كل ليله !!

قال ابو علي الحين وين تروح الشغاله انتي ماتدرين انها على كفالتي

واني أنا المسؤل لو صار لها شئ ....

أم علي : اعرف بس الشغاله هذي لايمكن تدخل بيتي مرة ثانيه .....

خرج ابو علي وهو يردد لا حول ولا قوة الا بالله ولما ابتعد قليلا

نادت عليه ام علي وقالت تعال .....

أنت مو قايل انك تبي تتزوجها ؟؟

ليش ماتزوجتها وسترت عليها عشان ماتروح تدور رجال ........ ولا عشان انها ماصارت حلوه

(أم علي انصكت وبدت تطلع متخرمات )

استدار ابو علي واتجه نحو الباب وهو يقول حسبي الله ونعم الوكيل

جلست ام علي تفكر بعد خروجه وتقول في نفسها ليش انا قلت تسذا أحس اني تسرعت

ليش ماصبرت واشوف وش يصير ...... ثم ترد على نفسها وتقول : انا تصرفت بدون تفكير

لاني كنت متخربطه بعد ماقالت لي ام فهد انهم شافوا حرمه مع ابو علي

بعدين ام فهد هي اللي قالت لي قفلي عليها الباب وانا الى الحين مانمت عشان كذا انا متوتره

وشلون اصلح غلطتي مع ابو علي ؟ وشلون ابنام وابو علي زعلان ؟

هاتفت ابوعلي بالجوال لكنه قفل بوجهها ولم يرد عليها وضاق صدرها زياده

وبدأت تصعد الدرج وتنزل ماتدري وش تسوي وتقول كل هذا من ام فهد حسبي الله عليها

ثم نامت من دون ان تشعر بنفسها ولم تستيقظ الا بعد صلاة الظهر

نزلت واذا البيت هادي الشغاله غير موجود وابو علي غير موجود وهي ماتدري وش صار على الموضوع