بريدة ستي - لاعادت على غمزت العين يالربع

السلآم عليكم ..

وانآ جآلس اتمشى بالمنتدى .. كل شوين قآمز بلي موضوع .

قلت خلن اقرط لي سآلفه من عرض هالسوآلف .. من بآب الونآسه

هذى سآلفه صآرت علي حدى هالسنيوآت .. الله لآ يعيده ..

مره انآ وخويي .. عزمنا جآر لنآ قردتن القراده ..
وحلف علينآ .. يقول بوه وآحد من عيآل خآلته . صآدم له بعير .
وسلم .

ويقولون صآرت به رقله الله لآ توآثمنآ ..
ويآ قآلو له شي قآل تخفيف ذنوب . والله العآلم انه نفسية ..؟

المهم قلنآ خلآص نبي نجيك ..

وجينآه انآ ووآحد من اخويآي مآيخلى من قرادته .. !

وسلمنآ وتقهوينآ .. وقلطو العشآء . وقمنآ على العشآء ..

ومن زود القرآدة جينآ بصحن رآعي العشآء المنفس .. ؟

سموووو حيآكم الله على سلآمه ولدنآ ..

وهو عيونه يتلآقطن .. مدري وش بلآه ..؟

وانآ ارآعي خويي اقول بقلبي الله يستر من خوينآ المقرود ..

الظآهر تبي تصير خيبتي ..

المهم اول مآ قآل سمو .. مآ تشوف الآ اليدين على الصحن تقول سكآريب بس تمصع من هاللحم ..

لحوول تقل اول مره يشوفون عيشه ..

وخويي يمد يده ويوخره منخرع لحد يعرش يده ..

ويوم هدى الوضع .. جت المطمه

جآء خويي مسوي على بآلي اني اكرم الضيف ..؟
وجلس يقطع لأبو نفسيه .. ..

وكل مآ يقطع له لحمه .. جآء هذآك وحطه على شنق .
ومآ يآكله ..؟؟

وخويي يقطع ,, وهذآك يحط . لين غدى الله لآ يبلآنآ تقل ضلع جنب الذبيحه . لحم ..؟

وانآ ارآعي لخويي ابيه ينثبر . ومآ يقطع .؟

وأول مآ رآعآلي خويي

وانآ اقرص عيني له .. ؟ يآ عله مآ عآدت من قرصه

واثآري ابو نفسيه قآرط عيونه يمي ..

يحسبن اقصده واضحك عليه ..

ويآالربع .. شي يهوول ..؟

مآ دريت الآ الدنيآ نجووم

والكذب خيبه .. قبل النجوم .. شفت رز طآير يمي ..

اثآرية يده الي يآكل به ..

جتن تمشي مليوووون ..

ومآ تشوفون الآ قرط ((القوآطي))..

انآ انصفرت عقب البقس مآ ادريت بروحي ..

اثآري خويي هو الي طعجه عقب التقطيع .. والصحبه الزينه ..

يوم قعدت الآ الصحوون متقلبه .. والسفره لآصقه بالجدآر .

والقوآطي متنثره .. ومآ اسمع الآ النآس

عيييييييييييين خير يآ ولد الضيف هههههههههههه

وخويي غآيل الضيف وعيونه تقل فنجيال ..

وارفش يم خويي .. وخشمي كله رز من يد الي بقسن الله يحوسه ويدوسه

وانآ مآ اشوف الآ بعين وحده ..

العين الثآنية كله رز وعليه تآلي ببسي وتيبست

وخويي عيآ لآ يفكه ..

يآ ولد ذبحت الرجل خله مآ نبي شين ..

غآيله بيد واليد الثآنية يردآه بصرصور الآذن ..

يآ ولد هو منفس بليآ وانت فضخت مخته .

عآد فرقونآ ,,

وابعدنآ عن بعض .. واخذ خويي .. وهو له نحيط الله لآ يبلآ ..

وهدآرته طآلعه <- صآر جمل

وحنى نعقله ونحطه بالحوش ههههههههههههه

وانآ ارجع للضيف .. الآ متنقح وفآغر ,,

وتتكن العبره يوم شفته

اول بي غل بس يوم شفته هونت ..

واتعذر منه وهو منصفر .. وهو بس يتهزهز رويسه .. ومعهم مآء مقري بوه ..

يرشقونه .. الظآهر تآلي حيآته . لحوول ..

وخذنآ شووووووين ..

وهو يصحصح ..! ويفتح عوينآته .. ويعلك اثآرية تآلي لقمه مآ زرطه

والنآس كلهم الي يقول حصل خير .. والثآني مآ صآر الآ كل خير .

عآد انآ خبل ..

رحت يم خويي قلت تعذر من الرجآل .. والله الي سويته يقصم الشرف ..؟

بعد مآ علمته انه مريض . وموسوس وقآطع جآده .

اقتنع خوينآ . وقآل لآ حول ولآ قوه الآ بالله .. انآ وش ابي به .

ورآح يبي يعتذر منه ..

دخل ..؟

اول مآ شآفه الضيف ابو نفسيه .. وتجيه رعده .. وينتفض وينتفض .

تقل شآفطه كهرب ..

ويسلم عليه خويي .. ويتعذر منه ومن المعزب ..

وحنى نحلف عليهم العشآء من بآتسر ..

وعيو لآ يجون ..

تبون الصرآحه فرحنآ يوم عيوا .. ذلينآ تقبس نوبه ثآنية ..

<- ابوك يآلشخصيه ..

انتهت السولآفه ..

مآ يستفآد من القصه .. ؟

1_ اذآ رحت لعشآء لآ تآخذ معك مقرود ..
2_ انتبه تقلط مع الضيف . حآول تكون بصحن ثآني .
3_ لآ تسوي به علوم رجآل ..وتقطع لحم .
4_ لآ تسوي نفسك ذيبآن وتقرص عينك وانت على الصحن . تشوف شي لآ يحمد عقبآه .