|
,’,’,’,’,’ بليييز أهرج إنقليزي وتكلم بلغة التوقدوم .. الموضة مشآآآكل :d ,’,’,’,’,’,’
بسم الله الرحمن الرحيم .. السلام عليكم ورحمة الله وبركاته .. --------- آآآآآم سوري يا أعضاء ذا بست منتدى .. سيكون الحديث بلغة العصر ولغة التقدم والإنبثاق .. (h)(f) قد مورررننق قد أفتر نون و أفتر طاء وأفتر ضاد.. تودآي اليوم يعني نبي نتمحور ونتحاور ونتجالس ونجلس حول ناس طافيين باللغه الأنقليزي يعني يقالهم [ يعنني أعرف أهرج أنقليزي ] طبعاً البعض على سنع يعني , يقول شيء صح الحمد لله .. أما به ناس والله أنهم على الشيله .. كل مايسمعه يقولوه .. (f)(h) مثلاً يعني .. / واحد صدمن بكتبه عند باب القاعه .. ويجي ويقول بسرعه .. آي آم سوري آي فورقت يعني : معليش نسيت .. :045: وش دخل نسيت يالغبي .. :045: عاد هو مسيكين دارسن معي بالأنقليزي وحآملن المادة .. :eek5 عاد يمكنه يحاول أنه يتمحور مع اللغة وينبثق إنبثاق بسيط .. :eek5 ماكل مجتهد مصيب .. : 12 (f) (h) وبزير اكا اليوم بـ المطعم يصوت يقول بليييييز بليييييييز طيب همن .. ؟؟ كمل قل شيء .. ؟!! وهو بليييييز بليييييييز .. ياعيون أمك انت وها البليييز بعد .. (f)(h) الله العالم ماحفظ غيره بس لازم يكشخ به .. :d جاء العامل وبداء يتكلم معه إنقليزي الله لآ يبلانا .. آخرته جابوا له عامل عربي .. (h)(f) ولا أ اللي يسافرون وتلقاهم بالمطار عند المحلات او عند موظفين الخطوط يحكي إنقليزي .. ليش ياخي أصلاً الموضف عربي إن لم يكن سعودي ومن جماعتكم .. والكلام اللي تبي تقوله مايستلزم أنك تتكلم الأنقليزي حتى تقول والله اللغة العربيه مافيها مفردات تخدمنا .. ولا لمنك دخلت محل جولات او محل ملابس نسائية وااااااااااااااااوك .. دوك هالتدلع بهالكلام .. بلييييز سيير آورنج آورنج .. همن ترد عليه خويته : نو سآرون البنك ع الريد آحلى .. <<--- سارون أسم اللي تبي آورنج موب اسم ماركة .. :d <<--- تشوفون الذوق بأختيار الألوان .. :113: وش اسوي ماحفظ إلا هن و أصفر وأزرق بس .. :d ولا هذا دكتور سعودي تقل ماااااااااااابوه إلا هو يعرف إنقليزي .. باالمحاضرة يشرح بالأنقليزي عاادي وحنا متفقين معه .. يقولك أطلع برآ بالأنقليزي عادي متفقين معه .. يقولك جب الواجب بالأنقليزي عااادي انا معه ,, آما اني أجيه بالمصلى ولا بالمكتب حقوه ,, يقول لي : بليز سبيك إنقلش آور قو [ تكلم إنقليزي ولا رح ] :mad: بسم الله عليك من الأنقليزي .. لآلآ ابروح منه عليك انت وانقليزيك .. والله لو أنا أعرف أنقليزي ماهرجت معه هالمتكبر .. ولكن ولله الحمد عاقبه الله قدااااااامنا بالقاعه وكانت الفرحة غامرة وكان الجو فني والله الحمد .. يشرررح .. يشرررح ومير ياقف لسانوه فجأة .. يحاول يجيب الكلمة عجز الذيب .. ومير يجي واحد سوداني ويقوله الكلمة ويكمل :045: عاد يصرف يقول بعض المرات الكلمة تضيع عن الواحد وهذا بسبب هرمون ... <<--- صرفه الذيب .. :d(f)(h) وهذا واحد درست معه بالثنوية .. راااااااااافعن ضغطي .. :( كل هرجووه بليييز , أكسكيوزمي , يس , نو , بليييز , فورقت , آند , ريممبر مي , كول مي .. :( خير أن شاء وراه هالعالم أنتكسوا .. يعني اللغة العربيه به عيب .. ؟ أنا لا أحرم ولا أقول لا أحد يتعلم لغة الكفار ويجوز الغش فيها و لآ أقول أن مالها فايدة .. لآلآ أبداً .. لكن يجيك واحد يدعدع به , ويحس أنه فخم يوم حفظ كلمتين هذا اللي يقهر . أنا معكم أن اللغة الأنجليزية هي لغة العصر وهي لغة العلوم وووو .. ! وأنتم معي أيضاً أن اللغة العربية هي لغة القران الكريم دستور الدين الأسلامي الحنيف . ويكفي اللغة العربية فخراً لها هذا .. :41 أنتهي إلى أن اللغة الأنجليزية ليست مدعاة للتفاخر , فالكل يعرف أنقليزي وإنما التفاخر فيما تستخدمها فيه .. والأجمل أن يكون بـ الدعوة إلى الله وطلب العلوم النافعه :) شكراً لكل من حظر هنآ ,, (f)(h) |
ذكرتني بـ أيام الثانوي .. فصلي كل ابوه سودآنيآت ومصريآت وحفنه سعوديات ..:S كل ابو الفصل يحتسي انقليزي ..:re وانا ادربي راسي ولا اقعد اشخمط .. >لان احتمال تذبحن الشرافه اروح اتعلم انقليزي ..:eek5 مير اني شابن سبدي واحد .. >شايفته بالنخيل .. لابس ثوب اصفر وزبريآت وشعره شوشه الله لا يعازبنا .. وينادي اخته بالانقليزي .. <بغيت اقوله : من زينك انت وخشك تحتسي انقليزي بس كتم غيضي :d << وش عليتس منوهـ :confused: أتوقع لكل مقال مقام .. يعني ما اتوقع تجين بقعده حريم تاكلون كراث حصيصه : مدي لي اليمون .. منيره : دوتسسس حصيصه : ثآآآنتسس يوم > ابوك يالخطمه .. أجل ثانتس يوم وين الله يجزآك خير .. حتي شكرآ محب احد يقوله لي كثر يعطيك الف عافيه جزآك الله خير .. بس وش نسوي لا هبو الناس هبوب غيرهم ..;) ولو دخلتو جحر ضب لدخلتموه :42 خل كل أبو ذولا علي جنب .. بكآفي بـ احد الدول العربيه .. مجموعه بنآت حولي انا ماحطيت بالي معهم كثير .. بس اسمعهم يلوسسسنن .. أنقلش ودوك يا حتسي وأخر شي ..: وده منهم تقول نهى ابوي يبيتس بالجوال .. << ياسبديه كل اللي يرطنن من مسآء الله خير سعوديآت البلا انهن بـ دوله عربيه مب برآ بس مدري وراه يسولفون مع بعض انقلش .. <<يعنني :( أهم شي .. لكل مجيد للغه الانجليزيه .. بدآل التفشخر علي غير سنع .. معك نعمه أستخدمه بالدعوه الي الاسلام لـ عامل محطه .. مطعم .. ممرض .. الله شسمه يصلح الحال بس ooo1 |
هههههههههههههههه :090:
تصدق ذاك اليوم بالإمارات عاد معي واحد يقاله يعرف وهو ما عنده ما عند جدتي وادري أنه يبي يقرا ردي هذا بس ما علي منه أبقول اسمه .. وإلا تدري مهب لازم الاسم لكن .. جاك وسأل عامل يبيع بمحل في دبي قاله ( هاو ماتش ) :)هههههههههه عاد العامل قال له ( تونتي فور ) يعني باربع وعشرين التفت علي هالرجااااال وقال : ( وشو يقوقل ) :eek:.... ههههههههههههه قلت له لاصرت ما تعرف إنقليزي وشوله تسأله بالانقليزي اسأله بالعربي ..... :ooخخخخخخخخخخخخخخخ الوكاد والله أنك صدقت مشكلتنا تقليد الأعماء .. واحد أعرفه كل ما قلت شي قال ( أوف كورس ) وهو ما يعرف ولا يكتب إي بي .. شلقه .. طرح رائع فعلاً فنحن من المفترض علينا التكلم والتحدث بلغتنا لغة القرآن .. أما إذا استدعى الأمر غير ذلك فلا مانع من التحدث بالإنجليزية إذا كان الشخص يجيد التحدث بها أما غير ذلك من التصنع فلا أراه مناسباً .. وخصوصاً في هذه الأيام كثر من ( يتلغوى ) بين أهله وأصحاب وهو لا يعرف من الإنجليزية إلا اسمها .. ودي لك .. |
.. والله كلامك صح.. يجيك بعض الناس مايدري وين الله حاطه.. .. ولابعد يتكلم انقلع..وتلاقي اغلب كلامه خطاء الله لا يبلانا ههههههههههههههههههه الحمدلله اننا نفتخر بلغة القرآن... |
سبحان الله .. رضاء الناس غاية لاتدرك
وهل في ذلك مايضير عندما يتم التحدث باللغة الإنجليزية .. هي لغة العصر ياعزيزي وأتمنى أن يتم تدريسها للطلبة من أولى إبتدائي .. ملاحظة :: الثانوية تكتب هكذا وليس كما كتبتها بالاعلى :) |
shlgah / Thank you for offering beautiful << أبو دعدوعي :d |
اقتباس:
>> من كثر ما اسمعهـآ >>تفهمكم انهـآ حلوه << انزلعي .. |
أنا مايغثنا ألا اللي يهمق عند ناس كلهم عرب ويقرق أنقليزي ..
ياخي أفتخر بلغتك لغة الإسلام والقرآن .. ولا واحد أعرفه .. لاجاء يتكلم يقول أوكي ثمن يقول السلام عليكم .. ولا لنديته يقول ييس .. ياخي أنت تفتخر بغلتك .. لغة القرآن .. ويكفي شرف والله أننا ولدنا ونتكلم هذه اللغة العظيمة .. لغة القران الكريم .. واللحين حطوا عندنا بالشريعه بالمستوى الاول أنقليزي .. وربك يخلف .. لا و3 ساعات بعد .. الله يرحم الحال .. هاجين منه تجيبونه لنا ؟ * أجمل شي أن يكون عند الشخص هدف لتعلم لغة أخرى .. سواءاً الأنقليزي أو غيره .. لكن يستخدمها في أغراض تفيده وتفيد غيره .. والأنقليزي اللحين مليان بالعالم .. تعلم لغة ثانية مثل الأردو ولا البرتغالية .. وخلك مهايطي :113: شلقة موضوع بالصميم .. شكريات لك ياعـسل .. |
بنقل للكشكول <<< :cool:
ههههههههههههههههههههههههههههههاي << الا به ضحكة بالنقليزي :d وش بك على العالم , حتى انت مناتبيهم يتطورورن :d بليز بليز , انت فوشول << اقطع ابليس اللغة كله , الكلمة فاشل بالفرنسي فوشول <<ياشنين اللي طابت على وجه موضوعوك اووووحسووون اوووحووود يابووو سووولووويوووموووان <<< لغة فرنسية بحتة :d زي دكتور عندنا اذا قال كلمة مصلعة بالانجلش قال هذا بالفرنسي , اذكره يوم انا احضر الرسالة هناك << دن اولاه عاد تصدق ودي اقرق انجليزي , بس تعرف خبوبي ويعرف انجلش , وش ترجي وراوه << يعين نفسه هالدلخ :d ثانكيو فري فري ماتش , يو بادروم :d <<< الرد برعاية هالشباب الحلوين :d:d:d:d:d ابوسليمان خذ (h)(f):f: |
موضوع ممل!
|
قشحة حلاو .. /
أهلاً بك أختي الكريمة .. ~ هذا الواقع للأسف .. أبو ربى .. / ثآنكس أبو ربآ على مرور .. <<--- :113: الأمثلة كثيرة وأنا أخوك ,, بس اللي أنا اقصد هاللي يعتقد أن التمدن ورفعة الراس أنه يقول بليز و هآي .. عافهم ولا تبلانا يارب .. كل التحايا آلبي .. :) الوقا .. / لآ شك أننا نفتخر بلغة القرآن , ونسأل الله أن يجعلها حجة لنا لا علينا .. أسمر .. / اقتباس:
[ أستطراد ]الأختلاف من علامات المجتمع الناضج فقد قال احد المفكرين القدامى أنك إذا رأيت مجموعه كلهم على رأيً واحد فأعرف أنهم جميعهم لا يفكرون [ بالطبع بغض النظر عن الأمور الدينة فهي مسّلمٌ بها ] بالنسبة لكلامك أخي المبارك , أنا لا أنكر أن الأنجليزية هي لغة العصر وهي لغة العلوم , كما أتفق معك وأفيدك حقيقة أني الأن أدرس تخصصي باللغة الأنجليزية لإنها كما قلت هي لغة العصر لكن عِرفنا بأنها هي لغة العصر لا يجعلنا نعتبرها مفخرة وأن نتباهي بها أمام الناس ولعل الأمثلة التي ذكرتها لا تتطابق مع ماقلت .. كل التحيايا أخي أسمر .. وأتمنى أن تركز على الكلام الأخير بالأحمر ,, ): ملاحظة :: الثانوية تكتب هكذا وليس كما كتبتها بالاعلى شكراً لك على التعديل كان ودي أن يكون تركيزنا على ماكتب أكثر من كيف كتب , ولعل ردك يبيّن أنك لم تقرأ الموضوع كاملاً [ أو أنا شاك .. ؟ ] .. :d اللهذام .. / حييت أبو عمر .. هآآي هآآي ولكم هير يالله حييوه .. دعدعه ولا عناد .. ؟ :d الله يعينكم ياحقين الشريعه , يآخي ترى به فايدة لو تاخذ منه تلاقيط بس تنفعك لا رحت منا ولا منا ,, ماتدري وش الدنيا تصير عليه .. |
بالعكس المفروض الواحد يتكلم باللغه الانجليزيه في كل مكان
لكي يدرك ويتعود لسانه على طلاقة اللغه وليس انما نتكلم عن الدين بالانجليزيه فلكل وقت حين ياعزيزي شكرا لك |
؛ ياسيد شلقة بالنسبة لي مافيش مشاكل لما يتكلموا أنجليزي وسط الحرم الجامعي , يعني نقول من باب ( تتعود ألسنتهم عليها ) لكن البلاء باللي يفتخر فيها ويتكلم في حياته الإجتماعية بها يعنني فاهم . أذكر دكتور عندنا مايتكلم عربي ولانقدر نقول له شيء بحكم النظام . لكن مرة سألته سؤال خارج الدرس وكنت أستفسر عن طريقة الأسئلة . قال بالعربي / لو سمحتي ياآنسة إسأليني بالإنجليزي , قلت أنا ماسألتك عن شيء مافهمته بحيث تجبرني أتكلم معاك بلغة ثانية . قال / برضو لازم تحكوا أنجليزي بكل كلمة . قلت هذا خارج نظام الجامعة يعني لو أتصل على مكتبك تقول تكلمي أنجليزي . لايادكتور هذا مو من حقك ومش معقولة ننسى لغتنا بأبسط الأمور . إذا هاوي تنساها فهذا يخصك لكن لاتجبرنا ننساها معاك . عاد عطانا محاضرة طول وعرض يثبت فيها أن أصوله عربية ;) ترى بس العرب اللي يدعدعون وإلا الأجانب وناسة يفرحون بالعربي . وعلى رأسهم الهنود تعلموا منا بدل مانتعلم منهم . لابأس خلهم هالعربان يعوضون النقص , , |
ههههههههههههههههههههههههههههههههههه
عساهم يعرفون يكتبون عربي زين بدون أخطاء إملائية ونحوية .. :113: موب عاد يجونك يتلغوون .. :d أنا ما أدري ليش النحو يسبب للبعض قرحة في المعدة .. :d |
| الساعة الآن +4: 06:41 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.