هل يوجد ورشه متخصص بالقير الاوتوماتيك ...؟ ( ضروري )
 

السلام عليكم ورحمة الله وبركاته

قدر الله علي وخرب قيري ولا ادري وش المشكله .. عندما اضعه باي نمرة من d الى l كاني واضعه بـ n
فاانا توقعت الحساس ومرة الكلتشات حقات القير
ابي نصيحتكم بورشة جيدة للقير .. وافكر اقلبها قير عادي ان تطلب الامر الى ذلك .!!

للرفع

فيه ورشة الشيبان بطريق خضيرا ,, وفيه بعد ورشة ثانية نسيت والله اسمه لكنه بطريق خضيراا

هناك نحصل ورشات زينه

لا يهمك الشيبان تراه يشتغل بالسمعه الأوله يوم ما فيه الا هو أما هالحين خرابيط
لكن فيه ورشه اسمه الشلال بصناعية السليم خذ العلم منهم خاصة من الفلبيني أبو قرن تقل ذيل بقره أذا موترك أمريكي رح للقرعاوي برضه بصناعية السليم ولا يهمك اللي يقول توضيب قير . والله صار لواحد من الشباب مشكله بالقير وأكثر من ورشه قالوا له توضيب قير ومن ضمنهم الشيبان يعني يكلف حوالي 3500 ريال وصاق ضدره لكن يوم راح للشلال وفحصوه طلع كهرب ولا كلفه أكثر من 400 ريال
برضه فيه ورشه طيبه بعد اشارة السالميه 200 متر وانت رايحن لعنيزه عنيزة على يدك اليسار اسمه ترايستار خلهم أول شي يقول لك وش العله وبعدين تصرف
أرجو اني أفدتك

الله يعطيكم العافيه
وانا رحت للشيان امس وقابلن سعوي باين عليه شوي كلامه خرطي لاني سالته عن القير بدا يولف لي شوي هرج .!
لاكن الشلال ان شاء الله اروح لمه لان اكثر من واحد مدحه لي .

تعاااال نسيت أقول لك رح لم تريستار اللي على طريق عنيزة داااايم ملييييان سيارات ...

الله يعطيكم العافيه
ولله الحمد زينت السيارة عند ورشة يوسف بخضيرا
الحمد لله رجعت مثل اول :)

مبررررررررررررروك على الأصلاح ^_^

ياليت تعطينا وش صار مشكلة السيارة


اتوقع الكلتشات

مبرووووووك إصلاح العطل
متى العشاء