|
~| كشتة خفافية بربوع حايل |~ [ لكن انتبه تنسى الصحن والسماط | وتاخذ حطب من غير نفس ]
السلام عليكم ورحمة الله وبركاته هلا والله بطيور شلوى ,,, الاصل سلوى بس الطيور ينطقونه بالشين :d هلا بكم من اولكم إلى اتلاكم تنفيذ للوعد اللي وعدتكم اياوه وخاصة مشرفنا أبوعمر وهو تنزيل تقارير واحياء القسم مع انه مايفي بالغرض , لكن الجود من الماجود :eek5 المهم هالكشتة بعنوان [ نعم للأكياس لا للصحون ] :d حركنا وانا واربعة من الشباب من بريدة الى حايل , النية كانت لصعافيق بس تغيرت الوجه لحايل ,,, لاحظوا الفرق :d , اهم شيء توجهنا لحايل وكل شيء تمام والحمد لله , طبعا هذا الاصل , المهم كالعادة طرب لابوضبعان :p نص الطريق وصلنا حايل , وآخذنا أغراضنا وعبينا الماء , ووجهنا لطريق جبة القديم , نبي نكشت بحدى هاك النقر , مسكت معي ادخل قرية جيته قبل فترة انا والاهل به مزارع يحبه قلبك , وتوهنا لمه وهي على الطريق يجيك مفرق ام القلبان وهذي هي المزارع بس هالمرة مسكرات :( المهم بعده دخلنا للنفود , ولا تسألون كم مرة غرزنا , اسالوا خوياي اللي يدفون :d وهذا مكاننا http://www.shawati.cc/uploads/12587150605.jpg من الجوع اللي بنا , بدينا بالغداء قبل القهوة , بس الغريبة القهوة قضت قبل الغداء ,, نكتة وهذي القريعات , ضروري بكل كشتة :096: http://www.shawati.cc/uploads/12587150603.jpg مابقى الا شوي وينتهي انتهى الغداء لكن كانت الطامة الكبرى , نسينا شيء بسيط بس انه مهم , صدز ماتحس بقيمة الشيء الا اذا فقدته , فقدنا صحن الانتساب ,,, وزوز انت وياوه , وخذ كم من هوشة للي جايبن العزبة , والمهم نبي نمخمخ صحن بس ماش ماهنا شيء نمخ مخ به , المشكلة انا مالي دخل بالعزية , جان رشق يقولون وراه ماحطيت بسيارك صحن ولا سماط :( , عاد قلت لهم وانا وش درين ان به احد سطل عزبته مابه صحن ولا سماط :d , المهم صفت على كم من كيسة , لقيناه ونظيفات ان شاء الله :113: , وهذا الغداء http://www.shawati.cc/uploads/12587150607.jpg وهذي الصحون الجديدة , به ميزة انهن لونين :d وشف اليدين , لاينكب شيء على الفرشة :d وصفت عليهن كل شوي نغرف من هالكاتم , حالة صعبة :eek5 وبعد الغداء , أخذنا لنا على بيالة شاهي خادر بالراس :017: وضفينا العفش , نبي نغير المكان , وحنا بوسط النفود لقينا مزارع , وقرية صغيرة مادري وشي طبنا به صدفة http://www.shawati.cc/uploads/12587151723.jpg وطلعنا حول الشارع لمكان يطعسون به شباب حايل , وقعدنا فوق نفود بعيد عنهم وعن غبرتهم http://www.shawati.cc/uploads/12587151724.jpg وهذا المكان شبينا الضوء , بسمر ضافينه من واحد من الشباب , دقيت عليه عقب الفجر مباشرة قلت له يالله ضبط عزبك هذي امرك , وقعدنا حوالي الساعة ومريته , واثره مابعد قام , وراح يكمل العزبة , شفنا لنا 3حزم سمر , عند بيته , حاطهن له هو وعياله , أخذنا لنا حزمتين وهو مادري بهن , عاد كل الطير وهو مشغلنا بهن :d , وخذ من هالدعاء علينا , علشان حزمتين , وصار قرم , كل شوي يقول وقفوا نبي نحطب وخذ مدح من هالارطاء والارطاء احسن من السمر , علشان مانشب بسمره , بس صارت عناد ولا جبنا طاريه , وشبينا بهن اول ماقعدنا , مع ان الجو شوي حار :d بس ماتهنينا بهن , بغى يعلقنا , وكل شوي يقول هماه حطبي , ذلنا بهن :113: http://www.shawati.cc/uploads/12587151726.jpg فاال رجله عليهن :d وبعد المغرب حملنا العفش , وصلينا المغرب والعشاء وسيدا لبريدة اعذرونا يا اخوان على التقصير :eek5 , وبانتظار تقاريركم , اكيد كلكم تكشتون :113: انتهينا |
.
. كفو والله ما علمتنا نصير خويا مع بعض :d . |
كفو يالطيور ,,
لي عودة للتعليق مواضيعك تثير السواليف انت .. :113: اقتباس:
|
اقتباس:
نمزح ياخلفهم انت , انت بس تواضع لنا وابشر بعزك :p (h) |
شلقة ~
اقتباس:
|
هلا هلا
اجل فري وحركات اثر حقين حايل يطعسون .؟ الا مير وراه ماخليتو اللي ناسن الصحن ياكل ورا السيارة لحاله تقل بس ههههههه علشان اذا جاء يكشت تذكر وراوي السيارة هههههه |
اقتباس:
أذكر العام زي تسذا نسينا الصحون عاد مخمخنا وجبنا جراب القز :d http://www.shawati.cc/uploads/12587252490.JPG :d http://www.shawati.cc/uploads/12587150607.jpg[/CENTER] هلا بييييكــ إغراآء :113: بس ما أشوف به ثوم ههههههههه اقتباس:
ههههههههههههههههههههه و الله ياهو تنسيييم رفيدزكم :090: حبيب ألبي أبو عبد الله السراحة ما قصرت و هذا الشغل السنع (h) تقريركـ أعجبني و تشكر على تفاعلكـ :080: كثر لنا من ذولي :) [ تميز ] لإيفائك بالوعد :d |
http://www.shawati.cc/uploads/12587151726.jpg
ههههههه تنسيم راعي السمر , :113: شكله هو اللي يسار بـ الصورهـ تقل يهوش :d آجل الحمد لله على السلامه هذا وآنت السواق يهوشونكـ :113: المفروض السواق ما يقاله شيء :09: [ لي جعفه ] :) [ اللهم آغثناء ] ~ |
أبو عبد الله تقرير أكثر من رائع، وصور كويسة مثل خشك:d، والله يعطيك العافية.
اللي نسى الصحن المفروض كل ما غرزتوا تخلونه هو اللي يدف بلحاله<< تعذيب:d وراعي السمر كان ربطتوه وشبيتوا حطبه قدامه علشان يحمق صز:d وبعدين وراه البصل حاطينه بعدله بالقدر وراه ما قطعتوه كل هذا عجز:d<< لا تدقق. شكريات أبو عبد الله. |
ههههههههههههههههههههههههههههه :113: . كل ذي دجه مآشريتو صحن :09: :113: ,,
تقرير رآئع ماا شاء الله :d , مجرد تسجيل حضور :) ! وهـ بس يابوصآلح :113: |
يالبيـــــــــــــــه يا حائل
(تقرير روعه) شكرآ لك |
http://www.shawati.cc/uploads/12587150603.jpg ياشيخ القرع منول أزين شيء على مائدتي ,, و مرةً أكلت وكثرت عند ناس من الناسات ولعله آخر مرة ,, كرهته يالله لك الحمد ,, :oo اقتباس:
اقتباس:
منب قايلكم لحد يهرج أنقليزي .. :113: بنات المذن وش خليت .. ودليل أنهن أزين شيء أنت ماسمعت المثل اللي يقول أنضف من بنات المذن .. يعني ان بنات المذن أفخم شيء .. :) هههههههه ,, وراه سذا ياناس .. يعني أبداً أبداً مالقيتوا أي حل :d ,, أتوقع به ياشيخ :09: بعدين أنت ماتعرف تصف .. :09: نص الشاهي منكب .. :09: ولا عندكم بيالات بدريق .. وشلون تشربون بهن ذولي .. :d على طاري بدريق وبعض الناس اللي يقااالهم مايهنا له الشاهي إلا ببادريق ذو واحد من راعين الشنبات اللي وخرررر عنوه .. حاطن له درزن بيالات بدريق تحت المرتبة ولمننا طلعنا استراحة ولا كشته نزل بيالته .. وش عندوووووووووووه .. :090:
قال للبزر قل آمين , والبزر يقول آمين قال للبزرمرة ثانية قل آمين , والبزر يقول آمين قال للبزر مرة ثالثة قل آمين , والبزر يقول آمين قال راعي الهيلوكس : الله لا يبلاك بالبر مثل ما بلان .. :090: مشآآآآكل الشعب ذولآ .. شكرياتي أستاد فيصل ,, :027: |
اقتباس:
بس تراه من العام مافي مشكل .. :d |
|
| الساعة الآن +4: 05:24 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.