|
.....>>>ليش الاخو يذل اخته
السلام عليكم ....
موضوع مثل وجهي.......>>>وشوله تقولينه<<< صراحه اخوي يذلن ذل الله لايوريكم بس مادري كل ولد معه سياره يقعد ((يدعدع)) ويذل خلق الله ولا بس اخوي الحبيب والي يقهر زياده اذا سوا الشي يقعد يخربه بهواشه يعني يطلعه بطعونه واذا بغاء خويه (صديقه) شي يقوله سم بس انت امر يعني بالعربي اخويه يخدمهم بعيونه وحنا بطقاق امحق اخو بس الله يهديه الله اكبر الله اكبر لااله الاالله |
لاحول ولا قوة إلا بالله
|
بس الله يهديه بس الله يهديه ادعيله
|
اقتباس:
|
مع الأسف هذا الجفاء ظاهر من بعض الأب والأم والأخوان ويعتقدون أن هذا يرسي هيبتهم ولاينقص من شخصيته وفي حال تهاون بدأت البنت أو الأبن باللعب بالنار ! وهذا خطأ كبير فيجب عليهم أن يتقوا الله وأن يراعوا القوارير وأن يدركوا المسؤليه ويعلموا بأن الذياب البشرية سوف تمغطس بناتكم وابناءكم ليبحثوا عن عش دافئ ومخلص ويقدم لهم حقوقهم المسلوبة(زعموا) (الذئاب البشري) وأنصح الأخ أو الأم أو ألأب بأن يتقوا الله وأن يراعوا نفسيات أبنائهم وأحوالهم وأن الله للظالمين بالمرصاد وأن الندم لاينفع بعد كسر الزجاج !! ويجب عليهم البعد عن الجفاء والشدة الزائدة وأن يجعلوا النبي الأمين قدوتهم وكيف يتعامل مع الناس ومع احفاده الحسن والحسين وكيف يراعيهم وهو في صلاة الجماعة وفرض من الفروض الموقوته . هدا الله الجميع واسأل الله أن يلين قلب اخيك لك يا اخت وعليك بالقرآن وكثرة الدعاء والأستغفار والرب العظيم لك مجيب سميع عليم والسلام عليكم |
وأنا أقرأ موضوعك تذكرت أختي قبل سنين معدوده والله إني مثل أخوك كنت ذاله ذل مو طبيعي لكن اصبري عليه شوي لازم كذا وقت المراهقه يبي يفرض هيبته شوي وبعد كم سنه راح يكون بأذن الله من أحسن الأخوان لك.. |
يعني مالك الا اخي واحد عندكي كم اخ في البيت
والاخوه يختلفون بعض الاخوه يكون همه البيت وبعض الاخو هم نفسه واصدقائه وبعضهم ليس مع ذا وذاك يكون مع اوامر الام والاب |
بسالك سوال انتي اذا هو مراهق >>>>>>>>>>>الله يعينك
الين يعقل وهو كذا لكن بطريقتك وأسلوبك تقدرين تكسبينه والسياسة وانا اختك سوى كان كبير صغير يعني تراعين وقت الطلب وطريقة عرض الطلب خليك صريحة معه مثل اذا ودك تروحين للسوق اجلسي عنده وهو يتقهى واي شي وقولي له باسلوبك لاتصرين تقل تكرفين عندة والا تصرخين عليه لالا اناالحين سياسية >>اوباما مع اخوواني >>خخخخخ يعني مايرفض لي طلب وأختي اللي اصغر مني تهاوش هي وياة وضرب وحرب وخليها تحب راسه >>>>>>>>>>عشان ينفذلها طلب ملاحظة >>> الرجال تدخلين عقولهم بمفاتيحك ايتها المراءة فبحثي عن مفتاح يفتح ذلك العقل |
انا مع كلام الاخت اطوي جروحي
مافيه مثل السياسه والاسلوب الطيب والاخوان دايم رحومين الله يهديه ويسخره لك |
جزيتم خيرا اخواني على الردود........
بس المشكله انه موب مراهق عمره ?? واقسم باالله من تصرفاته وهواشه مانام الا ودموعي على خدي والحمدالله عندي اخوان بس اصغر منه يعني هو الكبير .......... |
اجل غيري أسلوبك >>>>>>>>>>يمكنك تعصبين على طول اذا طلبتي وقالك لا
طيب أبسالك تحترمينه >>>>>>>للامانه يعني تقدرينه اذا دخل مووتصفطينه ولا تسولفين معه |
اقتباس:
يبدو عنده نفسية معقده / انه الأكبر ويريد يتمم المسؤليه / أو عنده ضغوط مادية أو اجتماعية أو لديه بعض التأثيرات الثقافية وسرّعت في اساءة نفسيته ! الله يهديه بس عليك بالدعاء وربي سوف يكون زي العبه بيدك (مجرّب) |
الله يهديه ويصلح شانه
اصبري اصبري ماجوره خخخ امزح معك يالغلا بس عليك بالاسلوب والتعامل الزين زي ماقالوا الاعضاء تحياتي سديــــــــــــــم |
اقسم باالله اني احترمه احترام و احبه بس ليته يعطي من روحه شوي وتصدقين اذا طلب شي مستحيل اقوله لا
واذا قصدك الاسلوب فاوالله اساحره مساحر اقوله ياحبيلك فديت قلبك تكفى ومع ذالك وهو رايق يعصب زياده ويقول كلام جارح |
| الساعة الآن +4: 08:09 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.