جدتي موضي .. هاجرت الى جدة زعلانه .. سي يو
 

السلام عليكم ..


مرحى مرحى .. ياشباب بريدة ستي ..
مسائكم ( ثلج ) وبرد .. ومطر ..


مسكينة ياجدتي موضي ..
مسكينة حينما هاجرت ..
هاجرت بعد أن احست بالظلم والضيم ..
ومن أين الظلم .. ظلم من أقرب الناس لها ..
وقديماً قال ابو العلاء المتنبي ..
وظلم ذوي القربى اشد ( مضمضة ) من العذراء في خدرها ..



وانا منهمك في جلوسي .. سابحاً في هراطق السماء ..
دخلت علي جدتي موضي .. وهي تبكي وشايلتن ( شنطتيها ..
شنطة يد تزن نص كيلوا .. للملاابس ..
وشنطة سفر تزن 18 كيلو مدحية بالعلااااااجااااااات ..



فقلت لها وش فيك يمه .. وين رايحة ..
فقالت لي .. ياوليدي خلااااااص انا ماعاد لي مقعد بهالبيت ..
خووااااااااااتك كلهن .. ماغير يهوشن علي ..

انتي ملقوفة ..
ياحبتس للأسئلة والنشدة ..
انتي ( شاقتن غربنا ) كل سواليفنا عند الناس ..
كل مشاكلنا وأسرارنا نلقاه على طاولة ( كراث الضحى ) عند العالم كله ..



واأنا خلااااااااااااص تعبت منهن .. يادافع البلى مايرحمنن ..
ماكأني أمهن اللي حاملتن بهن ومرضعتهن ..
مير ( منيرة ) هالدربية .. هاللي منول مايكفيه حليبي ..
كود اوفيه من عنز جيراننا .. همن اخض هالديد هالرضاعة والفزه بإثمه ..



يالله بس قم وصلن ( لجدة ) عند خالك ( سراج عمر طافي ) ..
وش حليلهم اهل جدة .. وعندهم شي ياكلونه اسمه ( معسل ) ..
ماهنا طعمه .. مهوب طحنيه ولاهوب قشطة فراولة ..
تقول حنيني رابصن بسكر ..
وزود بعد انه اقرب للحرم ..



خلاص يمه ابوديك لجدة .. اركبي بالسيارة ..
وهالبنات انا اتفاهم معهن ..


ياناس .. ياعالم .. يابنات ..
خفو شوي على هالعجايز .. تراهن مهما كان امهاتنا ..
مهما أخطئن .. لازم نتحملهن ..
بعدين اذا احد ابتلي بجدة ( تحب تنقل الكلام خارج اسوار البيت )
فماهو الحل .. الهوش او التهميش ..

شوفو حلول ثانية .. ماتفقدكم هالجدة ولا تطلع اسراركم للخارج ..
حاولوا انكم ماتقولون له الا الكلاااااااااااام اللي تبونه يطلع ..
اما الكلااااااااام اللي ماتبونه يطلع .. احفظوه بينكم ..
سولفوا عنده بكل شي عااااادي .. واما الاسرار فتكون بينكم بعيدا عنه ..


ياناس لاتظلمونهن .. ترى كل هاللي يسونه من الفراغ ..
الوحدة تفرح إنه تلقى خبر أو ( علم ) علشان توسع صدره فيه ..
تتصل على هذي وتبلغ هذيك .. ( هنا بس تجد نفسه ) ..
فلاتحرمون انفسكم من ادخال الفرحة بالسواليف عليهن ..

ولاتنسوا أنهن بكرى يبي يصيرن ذكريات .. ( وسذتكرون مااقول لكم )

آه تذكرون جدتي فلااااانه ..
تذكرون وش كانت تسمي التونه والمايونيز .. وتذكرون وتذكرون ..
ونعيد ذكراياتها وايامها ولياليها ..


ولاتنسون الأهم .. إننا بكرا نبي نحل محلهن ..
فهل نرضى ان تكون معاملتنا من بناتنا بمثل هالجفاء والقسوة ..

*******************************

( وبعد اسبوع من رحيل جدتي )

وبعد اسبوع من رحيل جدتي ..
واذا بخالي ( سراج ) يدخل علي بالبيت وهو يسحب شناط جدتي وهو يهوش ..


قلت له وش بك ياخال سراج ..

فقال لي :

ياخي امك هذي مجنونة .. ذبحتني بالضرب .. كل ماانادي عليها تضربني ..
وكمان كملت الناقص وفجرت الصخانه بوجهي ..



يعني كل ماابغاها واقولها تعالي هنا دحين ..
تجي بجنبي .. وتضربني مع ظهري بقوة .. ماعرف ايش فيها ..



قلت له يمه وش بك على خالي ..


قالت هذا خالك مهبول خبل الله يخلف .. كل ماشافن قالي تعالي ( دحين ) ..
همن اقوم واوسط ايدي بظهره .. ياوليدي قصرت من كثر الدح تكسرت ايدي منه ..



طيب والسخانة وش بك فجرتيه بوجهة ..


ياوليدي هو فوق السلم يصلح السخانة .. وانا قاعدتن عنده ..
وتذكرت بنياتي وعيالي بالرياض وقعدت اصيح ..


وهو قعد يناظرن ويقول اشبكي ياموضي اشبكي ..
قمت انا وشبكت الصخانة .. ( اومير ) تنفجر بخشته ..
ويطير من الحمام ولايطيح الا بالصالة ..

ومن زين الخشة يقولي تعالي ياموضي بسرعة دحين ..

ياوليدي هالسراج ترى ماعندك احد .. الله يخلف علينا ..

دخل شناطي بس لغرفتي ..



والسلام عليكم ..




سي يو .. : 12

ههههههههههههههههه

هههههههههههههههههههههههههههههههههه

شكرا لك

لي الفخر أن أكون ثاني من يرد على مدحت

ههههههههههههههههههههههههههههههههههههههه
ههههههههههههههههههههههههههههههههههههههه
:090:

أنا خرررررمان على النووكتة حقتكم :090:

هههههههههههههههههههههه

ياحليلهاا هالموضي

طرح ممتع و شيق

اثاري دحين واشبكي مسويه عندكم علوم يالقصمان ههه

تحياتي

و ر د

ههههههههههههههههههههههههههههههههههاي
واوك والله اني اضحك لين صار يبيلي ( دحين )
هههههههههههههههههههاي واوك يابطني

اما عن زبده الموضوع فوالله صدقت
فيه واحده قالت لجدتها اني بديت اكل حبوب منع الحمل والجدة قالت لعيالها ولحريم عيالها وللشغاله ولامهات الجيران حتى ايهاب مصطفى مندوب رويتر بالحاره نشر الموضوع باذاعه لندن وبعدها زعلت هالبنت وقالت ياجدتي فضحتيني !!!
الله اكبر ياحمام
يعني انتي مافضحتي روحتس ورحتي قلتي للجده !!!

د . علي ..

اعلمك بعد .. والله عجزت اقتنع ان بوه دكتور اسمه علي ..
ياخي احس إن إسم علي .. يركب على دلال والا محرج ..

عاد لاتزعل علي يابعد معاليق سر جدتي موضي ..

ومشكور على حضورك يابعدي ..



سي يو ..

بحر الفكر ..
شكراً على حضورك وأسعدنا تشريفك ..

سي يو ..