|
ساعدوني يابنات بريدة ابي مصورة
ياناس انا زواجي قرب ولحد الان مالقيت مصورة تكفووووووووووون علمون عن مصورات ببريدة فديو وفتوغرافي تكون مضمونة ومجربة مع ذكر السعر بحدود كم ؟ وتبع اي استديو؟ واللي عندها ارقام لهن ترد لي عالخاص لانو هنا ماينفعش يمسح عالطول الله يوفق اللي ترد ويفرج له كل كرب... |
ام ناردين رووووووووووعه وسعره على حسب الصور ومكانه شبكة افراح الرياض اللي تحته ميد والرقم مو معاي ادوره وارسله لك وفيه مصوره سعوديه اسمها اروى اجيب الرقم لك انتظريني
|
مشكورة ياقلبي موكا بارد راح اكون بانتضارك على احر من الجمر وانا اخاف ما القى حجز فالله يعافيك حاولي تجيبينهم باقرب فرصة اسفة ما اقدر ارد لك عالخاص لان مشاركاتي قليلة.. |
الله يوفقك ويسعدك ويهنيك ,, ودي أساعدك لاكن ما أعرف إلا بالرياض ..< إذا تبغين أرسل أرقامهم |
انا اقول لاتصورين زواجك
صوريها بقلبك والله يوفقك ان شاء الله خوذي نصيحة من واحد مايعرفك |
^^ زي ماقال أخوي .. خلي أخوك يصوركم فيديو .. وخدامتكم تصور فوتغراف إذا كنتي تستحين لأن الفوتغراف تكونوا قرااااب لبعض .. وإذا خلاص عزّمتي بتجيبي مصوره يُستحسن الأجهزة خليها من عندك أأمن لك صدقيني .. وإذا من ناحية التصميم أكيد عندك أخت أو أخو أو ... يصممون خليهم يصممون لك أضمن وربي .. >> يوم زواج بنت عمي بالقصيم رحنا لمصورة أتفقت معاها بس نبغى نشوف شغلها وورتنا صور لبنات من بريدة معاها حطتهم زي الكتلوج عندهااا , إحنا انقهرنا وقلنا حرام عليك قالت بس أوّري الزبونه اللي تطلب .. << وش رآيك أجنبيه مو هامها شيء .. |
××××××××××××××
لوضع أرقام هنا تم إيقافك لمدة عشرة أيام .. وإذا تكرر ذلك سيتم إيقافك نهائياً .. |
الله يجزاكم خير يالغوالي بس ياليت احد يعطين خبر ابي اعرف اسعارهم على كم؟؟؟ ومشكورين ما قصرتو.... |
يـا أختي انتبهي فالأمـر خطير
فهذه المصوّرات لا أمـانة لهنَّ فقد تنشر صورك للرجال فيحصل ابتزاز لا قدّر الله أمّا الأسعار فقد أخبرتني إحدى النساء منذ سنتين تقريباً أنه يصل إلى 2000 ريـال !! ولا يستبعد الزيادة الآن نسأل الله الســلامة أليس من العقل أن تحتفظي بالألفين لكِ أو لزوجكِ أو تتصدقين بها فهذا المبلغ يعول أسرة فقيرة أكثر من ثـلاثة أشهر فقد يكون سبباً للتوفيق في زواجكِ فإذا كنتِ مضطرة للتصوير فاشتري كاميرا أو عن طريق الجوال ليصوّركِ أحد محارمك ! نسأل الله لكِ التوفيق والسداد الذريّة الصالحة |
الله يــوفقك أخــتــي بس صـراحــه أنا نصيحتي لك بنصيحت الشباب اللي فوق خــلــي أخــوكي أو اختك تصورك بكاميره فيديو وتعطيكي الشريك تحتفظي فيه هــذا أظمن لك من المـصوره اللـي بتنشر صــورتك عــاجــلاً أم آجـــلا !! يعني ليش نفتح على انفسنا باب للفساد والشك وبعدين نندم !! http://dc03.arabsh.com/i/00113/5cvbd8pn7ipm.gif |
خلي أحد يصورك احلى واضمن المصورات يخلنك تسوين حركات تفشششل بنت عمتي تندمت انها جابتها
|
مشكورررين اخواني عا لنصيحة فعلا شكلي باستخير واخلي اخواني يصوروني بالنسبة لك يا موكا بارد شكرا وصلت لي رسالتك عالخاص الله يوفقك ياقلبي وين ما رحتي ومطبخي كمان شكرا جزيلا الك وصلتني رسالتك.. |
وعليكم السلام هذي مصوره ببريده تصويرها حلو وموثوقه جدا وغير كذا اسعارها جددددا جميله ماتتعدا الف ريال مامعاي رقمها تواصلي معاه انستقراام
photo_sara_ |
أنا خابر المواضيع القديمة تنحذف من المنتدى .
ليش هذا الموضوع رايق للمشرفين ؟؟!! |
| الساعة الآن +4: 02:47 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.