حرامية الخدامات
 

ياناس سافرت شغالة اختي اجازة لمدة شهرين وحاولت تبحث عن بديلة من السوق المحلي المهم سالت عن احد عنده شغاله للاسجار ووصل لها رقم احد الاخوان الذي قال ان عنده اكثر من شغالة للايجار واته يجب الدفع مقدما حتى تحجز الشغالة المهم بعد هذا الوعد تم تحويل راتب شهر له وسفرت اختي شغالتها في نفس اليوم الذي من الواجب تصل البديلة المهم الان لمنا اسبوعين وبالاخير رد الرجل وقال ماعندي شغالات وبدأ مسلسل اعادة الميلغ المدفوع

اذا سمحت ادارة الموقع اضع اسم الرجل وجواله حتى لا يقع احد فريسه له

كيف تحول فلوس بدون ايصال

الغلـط عليك

المفـروض ماتحول الفلوس علطول كذىـآ

هو لا عنده شغالات ولا شي هو هاذي شغلته حولي الفلوس مقدم بعدين يسحب عليك بس الشرهه على اللي يطيعهم

ليشش هذا النصب الله لا يوفقه ولا يهنيه 0
هذه المرأة لابد أن تكون محتاجة 0 كيف يسمح قلبه أن يأخرها حسبي الله عليه كان الخبر صدق0

اخواني واخواتي

شكرا على المرور الخبر 100 % وانا اللي محول الفلوس مو يقولون لي

انا هدفي النصح للجميع عن هالرجال اللي يتلاعب بحاجات الناس ولازم يكشف للجميع

التحويل موثق لانه تم عن كريق الراجحي اولاين

الواحد جاي للمنطقة وكله ثقة بالناس وكذلك الحاجة للشغالة كانت الدافع بالدفع المقدم

ودمتموا على خير

طيب كان استشرت اللي هنا بنفس بريده مهب تحول له دراهمك على طول الله يهديك

الان ابي استشيركم

ابي شغالة لاختي لمدة شهرين باسرع وقت ممكن تكون نظيفة والبيت مافيه الا اختي وزوجها بس

جزاكم الله خير

يالمشرف
هل من الممكن وضع اسمه ورقم جواله ؟

اخوي لاتبحث هنا تجيك الشغاله مدلعه من كفيلتها وجوال واسكتي ياحرمه لاتامريني ولاشي
اخر زمن
وفيه ناس هنا بعد نصابين

أخوي أنت تتحمل نسبة من الخطأ يوم تحول له لكن الشكوى لله اللي صار صار

لكن إنتبه والكلام للجميع إنتبهوا من التحويل من حسابااتكم لاشخاص ما تثقون بهم ولا بينكم وبينهم علاقة قوية

لأن بعض اللصوص يسرقون عن طريق التحويل لحساباتهم
أخوي حاول تحذف حسابه من المستفدين من عندك
وارفع قضية بالمستعجلة عليه

حسبي الله ونعم الوكيل

اخوي مدرسة أهلية الايام هذي الواحد لازم يكون حذر لان النصب انتشر بشكل واسع.
اخوي مدرسة أهلية لو كنت بالقصيم كان خدمتك بموضوع الشغالة....