|
بالنسبة للصداع والحجامه احتاج مشورتكم ....
السلام عليكم جميعا
اخواني الاعضاء ان شاء الله بخير جميعا وبصحه وعافيه عندي صداع في الراس يتكرر دائما وخصوصا اثناء الدوامات يمكن لاني اعمل خارج بلدي ولكن في حال زيادة النوم يزيد عندي وفي قلة النوم يزيد ايضا تعبت كثيرا ودائما اقول الحمدلله على كل حال ودائما اشكوى همي الى الله عملت اشياء كثيره ولكن الفائده بسيطه سبحان الله لما يكون هناك اجازه واكون عند اهلي بعد تفره بسيطه يذهب الصداع . ! يمكن يكون شي نفسي او من هذا القبيل عمووما انا عملت قبل فتره تبرع بالدم حسيت تحسن بسيط وقبل سنتين او اكثر عملت حجامه عند مستوصف خاص كانت في الظهر ولكن مافيه اي فائده منها والمشكله صارلها اكثر من 3سنوات ونص من بداية مشكلتي وينصحوني بعمل حجامه ولكن الوالده متخوفه من هالشي وانا بصراحه اخاف التعرض للراس من خلال المشرط وغيره لكن الشكوى لله المظطر يركب الصعاب الحين قاعد ادور على مركز متخصص بالحجامه ونظيف وشغلهم ممتاز يعني يعرف للي عنده مشاكل في الراس وش رايكم ياجماعة الخير هل هناك مراكز في بريده رغم اني ماعمري شفت مركز او اسم في بريده متخصص في الحجامه وحتى لو ماكان موجود وين اقرب واحد لبريده بس يكون جيد وياليت هناك ارقام او عناوين واضحه وفقكم الله جميعا ولا اراكم الله مكروها في انفسكم او في عزيز او غالي اتمنى الافاده والدعاء لي ولجميع المسلمين |
والله أخبر بعنيزه فيه مستشفى متخصص بالحجامه ( قسم ) او عندك اللي ببريده اللي بالجرده بس شغلهم مهب نضيف ولا فيه ادوات صحيه مضمونه بس اعرف شخص كذا مره زينه عندهم و ما فيه الا العافيه و يرتاح من وجع الراس .. الله يشفيك ان شاء الله .. تحياتي / ابو يوسف |
وعليكم السلام حدد مكان الصداع ياخوي
|
اهلا بكم حبايبي وشكرا على مروركم
الاخ الكريم اللي سالني عن مكان الصداع والله حاليا احس اكثر جهه من جهة العيون + حراره في العيون والله يشافي جميع مرضى المسلمين |
السلام عليكم..تأكد اخوي سبب الصداع وبعدين سو الحجامه..
انا الحين عندي صداع مكان السجود اذا جاء جلس شهر الى 3شهور ما اقدر اسجد الا بمشقه،سويت كشف على كل الراس انواع الاشعات من عاديه ورنين،سويت اكشف على العيون على الاذان على السكر على الضغط وطلع عندي التهاب بالجيوب الانفيه.والحمد لله اني عرفت السبب ورتحت . الله يشفيك اخوي ويخليك لعين ترجيك. |
الله يشفيك .. يمكن يكون الصداع فيك ضغط ..! تأكد من ضغطك لأني أعرف أحد مثلك يوم صرفوا له حبوب الضغط راح الألم ,, وإذا كنت معزِّم على الحجامة احرص تكون بأيام 13 ـ 14 ـ 15 ــ أيام البيض لأن الدم يكون فيك أقوى من الأيام الأُخرى .. الله يشفيك (f) |
اقتباس:
|
بارك الله فيكم جميعا
والله يشفي جميع مرضانا ومرضى المسلمين ولا ترون مكروه في حياتكم امين |
واحة الحكمه للحجامه بعينزه ممتاااااااااااااااااز
|
دار الحكمه للحجامه في عنيزه روووووووووووووعه وللنساء أنا شخصيآ جربته وترى لازم في الحجامه نظافة
المشارط لانه لو كانت غير نظيفه تسبب الامراض بدل من الشفاء وعن وجع الرأس شفانا الله جميعآ الان الجميع يشتكي حتى الاطفال من الصداع علاجه الحجامه تروي لنا الحجامه تقول اتت لنا مريضه تشكي راسها تقول لم اترك مكان ولامستشفى ولاحبوب إلا تناولتها دون فائده وبعد ماحجمناها من عند الجبهة خرج دم متحجر وبعد فتره حضرت مره اخرى تشكرني تقول لم اجد علاجي الا بالحجامه فقد وصى بها حبيبي صلى الله عليه وسلم ولكن لايكفي تعلمها مره وانما حاول 3اشهر او حسب المستطاع .دعواتكم |
* * شفانا الله وإياك مثل ماقال أحد الأعضاء تأكد من سبب الصداع ولأنه قديكون السبب من الباطنية أيضا فحسب معلوماتي البسيطة أن بعض أمراض الرأس من البطن :confused: لذلك لابد من عمل فحوصات للباطنية ألبسك الله لباس الصحة والعافية . |
شفاك الله وعافاك من كل مكروه فيه مركزين بعنيزة متخصصي بالحجامة وإذا طلبت إستشارة أعرف لك رقم حجام بالرياض ممكن تستشيره أما أوقات الحجامة فهي يوم 17 و 19 و 21 |
عندنا احد الشباب في الدوام عنده نفس المشكله وطلع عنده صديد بالجيوب الأنفية
|
| الساعة الآن +4: 01:57 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.