|
ماهي أفضل الصالات الرياضية ببريدة .. حسب تجربتكم .. أرجو أن يكون موضوع مرجعي
بسم الله الرحمن الرحيم. السلام عليكم ورحمة الله وبركاته .. إخواني الإعزاء .. بعدما تضايقت من جسمي ومللت من سمنتي وسأمت من سوء لياقتي وازدادت آلام مفاصلي في زهرة شبابي .. إزدادت همتي وشددت عزمي وحزمت أمري على التخفيف مهما كانت الصعوبات .. وبحسب تجربتي أو قل تجاربي .. وكل سمين يعلم هذه الكلمة جيدًا ..:d علمت أنني لن أفلح بعمل جدول باجتهاد شخصي أو من جدول مرسوم مالم يكن فوق رأسي مدرب وفي عقلي دراهم دفعتها لأجل هذا العمل لألى تزل شهيتي يمنة أو يسره ;) المهم بعد هذه المقدمة الطويلة العريضة الموضوع باين من عنوانه .. أبي صالة ممتازة حسب تجربتك الشخصية أو تجربة من حولك من نواحي التعامل وأريحية الصالة وغيرها .. وأرجو توصف مكانه بالتفصيل الممل حتى ما اضيع عمري 19 .. وما أحتاجة تخفيف وزن وزيادة لياقة وذكرت العمر لأني أخبر إن به صالات يشترطون العمر .. وللعلم أنا عضو سابق ولأسباب خاصة :confused: سجلت بإسم جديد <<< :d:41 ومن الجيد أن يكون هذا الموضوع مرجع لمن إبتلوا بمتليت فيه .. أو رغبوا بدخول صالة لأي سبب .. لن يكلفك الرد أكثر من دقائق بسيطة لتكتب لنا تجربتك فلا تحرمنا ... وأرجوكم عدم نشر الإعلانات هنا وهناك فنحن نريد الفائدة ولسنا في جريدة الوسيلة .. |
مافيه مثل ابطال الجسم في حي الريان
قرب مبنى المباحث الي في البقيشيه مر عليه وانا متاكد انها راح تعجبك |
زي ما قال الرجال اللي فوق ،،، أبطال الجسم أعرف واحد يجي من حي الربوة عشان هالصالة يقول ممتازة
ولما تدخل بتلقاها صالة عالمية صراحة ،،، وبالتوفيق |
بارك الله فيكما أخي اسير Vip وأخي بشوري ..
هل تشترط الصالة وقت معين أو عمر معين .. وإن كان لديك أسعارهم فهذا جيد وأشكرك أخي على تعبك معي .. |
اقتباس:
ياخي المتان معروفين بخفة الدم والكتاب باين من عنوانه مافكرت تشترك بالرابح الاكبر <<< امزح والله ياخوي انت الان تبحث عن مدرب تخسيس يعني انت تبي تخفض من وزنك لازم تمر على كل نادي ومعك ورقه وتستفسر من المدرب وهكذا كم تبي تنزل من وزنك ؟ ولاتقسو على جسمك انتبه على صحتك > ترا عرفت من انت;) |
اقتباس:
المشكلة أخاف إذا صرت عصل تروح خفة الدم الي تقول ثمن تصير مشكلة وش رايك أهون ^_^ ... بالنسبة كم أبنزل من كيلو ... بسراحة ودي أنزل كل جسمي وأبدأ من جديد أزوده على كيفي هع .. ربما 25 أو 20 كيلو فقط <<< تبي زود بعد .. لو أنزل زود كيلو على 25 كان آكل لما أرجعه :> ننتضر البقية والأخ الذي راسلني على الخاص أشكره كل الشكر ومن أعماق قلبي ... |
اقتباس:
|
وزني 105 تقريبًا أو حوله ..
ودي وزني يصير 85 تقريبًا .. وهذا يكفين مع اللياقة ... |
مرحبا اخوي.. الله يعينك واطمح لأقل من 80 اكتبلك جدول نزول على شوي شوي اللحين اطمح لـ100 وبعده لـ95 وهكذا،، أعرف واحد كان وزنه 109 صار 76 ماشاء الله... واللحين جسمه صار أحسن من كثير من الشباب ورفع لياقته فووق.. هو طبعا دخل صالة رياضية اللي(( وراء بندة المنتزة )).. انصحك به ادخله والله يوفقك.. بالنسبة لصالة أبطال الجسم بالريان تشترط فوق(21) موفق،، |
اقتباس:
جيد وش أسم الصالة لأنه قريبه من عندي .. لو تقدر تستفسر لي عن السعر بدون ما اتعبك أكون شاكر لك .. وجزاك الله كل خير .. |
اقتباس:
و وين خلف بندة؟ ما أذكر ان به صالات خلف بنده! وجزاك الله خير.. |
حياك الله اخوي
اسمع اذا عندك ساعه يوميا فيها فاضي وعندك اصراروارادة قوية اطلعلي خاص وكلمني وابشر بسعدك بساعدك باللي اقدر عليه وان شاء الله بتستفيد ومن مجرب وربي يشهد على مااقولة ماشاء الله تبارك الله نتايج مبهره لي شخصيا والحمد لله اهم شي ارادتك قوية |
الله يعينك
|
بحسب تجاربي للصالات لمدة ما يقارب من ست سنوات ..
الصالات في بريدة تنقسم إلى ثلاثة أنواع : الأول : VIP .. تتميز هذه الصالات في الخدمات المقدمة لمن يريدون الترفيه والرياضة معنا ... وفي بريدة صالتين من هذا النوع : 1- صالة ستي سنتر [ النخبة ] .. 2- صالة ابطال الجسم .. طبعاً يشترطون السن فوق 22سنة او قريبة وايضا الشكل ( الطول ) له عامل في القبول .. لان يريدونها خالية من صغار السن ،، لتكون جالبة للكبار ... طبعاً هذا النوع اسعاره مرتفعة لكن مع العروض تتاروح بين 400 إلى 600 ريال ... للشهر الواحد .. وايضاً يمتازون بخدمة ( ايقاف الاشتراك ) لمدة معينة . ،، كأن تكون مسافر . كي لا يضيع اشتراكك هباءً .. :) وللأسف لا يهتمون بالتدريب الجماعي ،، لكن الاجهزة متوفرة وبأحدث الموديلات ،، وأجود الماركات ... النوع الثاني : الصالات المتوسطة وتتميز هذه الصالات بأسعارها المناسبة وعدم اشتراطهم العمر ،،، وفي بريدة من هذا النوع صالتان وهي : 1- صالة Art Sport 2- صالة ( المدرب الصقري << نسيت اسمها .. الي في النازية :p وسأتلكم عن الزول الواقعة على طريق المدينة ... وأنا حالياً في هذه الصالة .. سعرها الشهري 250 ريال صحيح انها صغيره لكنهم يهتمون اهتمام كبير بالتدريب الاحترافي كأني في تدريب عسكري ،، وينقصها الكثير من الخدمات ،، لكن كما قلت جُل إهتمامهم في ( التدريب ) بقيادة الكابتن أبو ياسر ،، سعودي له خبرات طويلة ومدرب درس التدريب دراسة خارج المملكة ( الاصابات - وكيفية الوقاية منها ،، والتمارين المناسبة للأعمار ) ولا أنسي النظافة العامة في الصالة ،، وايضاً بشاشة المدربين والعاملين في الصالة ،، وايضا المتدريبن .. بحق اصبحنا نسعد بلقينا في صالة التدريب بحماس كبير ،، ونشجع بعضنا بعض .. :f: النوع الثالث : الصالة الأقل من المتوسطة :oo وللآسف في بريدة الكثير منها .. ولن اذكرها ،،، بعضها كانت في الصدراة وتربعت علي سلم التميز في الصالات الرياضية ،، لكن الهرم وما أدراك ما الشيخوخة .. :( وسمتها واضحة ،، ( التدريب المتكرر مما يشعرك بالكسل والممل .. عدم الاحترفية ،، عدم التشجيع القذارة وعدم التنظيف .. الاجهزة المتعطلة .. وجود حثالة المجتمع فيها :42،، سوء التهوئة :S .. آمل أن يكون هذا التقرير مفيداً ،،، |
| الساعة الآن +4: 09:42 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.