|
ابي حل لمشكلتي قسم بالله بلش ساعدون
السلام عليكم الرحمن الرحيم انا بصراحة مشكلتي صغيرة بس تتطورت وكبرت وابي منك مسااعده الله يجزاكم خير ضاقت بي الدنيا ولاهنا الا انتم انا لي رفيقين واحد ساكن عندنا بالحارة وواحد درست معه بالمدرسة وصار رفيقي . رفيقي اللي درسته معه بالمدرسة ولد قبيلة ودايمن يكون معي بالدوران وبكل مشااويري وبروحاتي وجياتي يعني رفيق الى درجة الاخو او اكثر ورفيقي الثاني اللي بالحارة امره بس موب كثير واعرفه انا قبل كل ارفقاي من يوم كنا صغارين المشكلة هنا انا كنا جالسين بالدايري وكنا نلعب بلوت واذا ويكون رفيقي ذا ضدي بكثير لعبات ونفوز عليهم ونتكلم على بعض ونسب بعض ويجي يوم كان معنا رفيقي ولد القبيلة واجي وافوز عليه ويجي يقوم يسبنا واسبه انا الى كذا الى ماحد قال رح انت تماشي عيال البدو رفيقي ولد القبيلة والله جالس ماقال اي شي ولاتكلم الاكيد حاول العيال اللي معنا يغطون على الموقف كذا مشينا واجي اشوف رفيقي ولد القبيلة زعل يعني متضاايق شووي سئلت قال مابي شي بعده رفيقي قلت روحته معي اذا دقيت عليه على يتعذر وكل يوم صار كذا الى مرة لقيته عند بابهم وقلت وش قصك قال كذا رح مع ارفقاك وانسن انا واذا تبي شي او احتجت شي دق علي وتدل بيتنا قسم بالله ضاقت بي الدنيا حاولت به مافاد رفيقي اللي بالحارة رحت له قلت ابيك تعتذر لفلان قال ماعندي مشكلة رحنا اعتذرنا بس مافاد الى الحين مادري هو زعل ولا ماوده يخرب علاقتي بارفقاي وبرفيقي ولا هو مايبين . ابي مسااعدتكم والله الموضوع جدي |
يالحبيب خويك زعل على شان انك فزت عليه وزعل اجل لو انت كوشت عليه ومعه اربع مية وش يبي يسوي؟:d
ياتاج العقل اللي يزعل على شان ورقة لايهمك هذا اللي اقوله لك تقبل مروري(f) |
اللي هذا اوله ينعاف تاليه خلوه لا تبينله انك متضايق من زعله كم يوم وهو طايح اللي برأسه بعدين لا تصادق عيال ..... |
انتم مافهمتوا:oo:oo:oo انا العب معي رفيقي ضد رفيقي اللي بالحارة ورفيقي الثاني ماله دخل جالس برا فزت على رفيقي وقام يسبن ويعايرن برفيقي اللي درست معه وهو موجود ويقول انت بك وبك وبك وتماشي عيال بدو قسم بالله انه بعيني يسوا اخوتي كلهم |
وعليكم السلام والرحمه ميخاف هونها وتهون ياكثر ماتصير وعادي تمر مرور الكرام شف امزح معه ومره لمشاويرك زي اول لاتحسسه انه تغير شي خلك طبيعي بس بهالوقت حاول انك ماتتقابل مع الاثنين جميع الا ان يمر الزمن ويطيح الي بالراس بس والله شكل ولد الحاره ولد القبيله طيب وزين لاتخسره بس لاتبين له انك تحاول تراضيه وتنسيه الي صار خلك زي اول وانت تقول يمكن انه مايبي يخرب بينك وبين خوياك الي من ايام الدراسه بعد الي صار من مزح ثقيل (شي طبيعي انه يحس كذا ..بس انت وشطارتك بالدبلوماسيه وتلطيف الجو) ولاتشيل بخاطرك على خويك الي من ايام الدراسه تراه اكيد حاس انه غلط والدليل انه قبل يعتذر له وبعدين وش فيهم عيال القبايل كل الناس يهبلوون موفق حبيبي |
الحقيقة
لم افهم شئ المهم انك يا ولدي مزعل بشر ارض الخالق عنك يا ولدي .. ثم الله سبحانه وتعالى يوفقك ويجعل البشر راضين عنك ويحبونك والذي ترضي به الله سبحانه هو علاقتك به .. مــــــــــــــ هي ـــــــــــا ــــ هل تعرفها ــ هي صلتك بربك تعالى ((( الصلاة في المسجد وعلى الوقت ))) |
لالا الحل بسيط جدا
رجع وخل علاقتك مثل اول لا تغير شي وضحك وستانس,ماكانه حصل شي وخلكم اصدقاء مثل اول وانت امسح الي برسك انك فزت عليه ونك ونك وداوم على صلواتك بوقته وقراء الدعاء هذا ( اللهم انصرني على من ظلمني ) ويبي يعينك ربي عليه |
الحل حبيبي انك تتصل علية و تقوله جهز القهوة
وبعد ما تتقهوا حاول تلزم علية وتقوله العشا باكر واحلف علية بعدها راح تمشي خطوة خطوة تضبط امورك والله يوفقك و يوفقه اسأل مجرب |
| الساعة الآن +4: 05:18 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.