محاورة بين بوش ورئيس الصين..
 

محاوره كوميديه سياسيه بين الرئيس الامريكي بوش وزعيم الصين جيانق زيمن..

جورج بوش,,,خلوووووها


سلام رديه على حاكم الصين .... بالخير ياراعي النظام الشيوعي

ياجيانق بن زيمن نبى معك قافين .... والبرق عانه في المخايل يزوعي


جاينق زيمن,,,خلوووووها ,,,


يامرحبا ياقايد الغرب واهلين .... ترحيبتن ترضي غفير الجموعي

البرق عانه يبرق يسار ويمين .... يوم الرعد حدر السحايب يروعي


جورج بوش,,,خلوووووها ,,,


ماجيتنا ليلة لفونا المهنين .... يومن واشنطن تشب الشموعي

ليلة حكمت الكون في عام الالفين .. جوني هل الطالات غصبن وطوعي


جيانق زيمن,,,خلوووووها ,,,


ارسلت لك يابن النشامى خطابين .... جت لك مناديبي تبارك فزوعي

وانا حكمت الشرق من عام سبعين .... ما اعلنت للحكام قبلك خضوعي


جورج بوش ,,,خلوووووها ,,,


انته تحسب الكون باقي بقطبين .... الراسماليه وطت كل شوعي

يانايم اصحى مرت اعوام وسنين ....ماعاد فيها يابن زيمن رجوعي


جيانق زيمن ,,,خلوووووها ,,,


يابوش حنا بالسياسه ملمين .... ومن دون هيبتنا بنينا الدروعي

ليتك تحل المشكله في فلسطين .... عز الله ان ابوك ماهو طقوعي


جورج بوش ,,,خلوووووها ,,,


ياجيانق انا طوفت وحده وثنتين ... والثالثه بتكون بين الضلوعي

الطايره وش علمها فالها شين .... اللي لها بحماك حول السبوعي


جيانق زيمن ,,,خلوووووها ,,,


الطايره ماردها غير بكين .... جانا يقالبها خبيث الطبوعي

وين احترام الانظمه والقوانين .... مثلك عن سلوم الدول مايتوعي


جورج بوش ,,,خلوووووها ,,,


ماهي بيمك رايحه للفلبين .... فوق المحيط الها نزول وطلوعي

مير اعترضتوا دربها يالشياطين .... عز الله اني من سواتك جزوعي


جيانق زيمن ,,,خلوووووها ,,,


يابوش يابن بوش تلعب على مين ...ماهوب انا اللي بالكلام مخدوعي

يابوش وطتها في الارض الشياهين .... كانت تجسس وهزعتها هزوعي


جورج بوش ,,,خلوووووها ,,,


هات الادله كان عندك براهين .... يومك تقول ارخت علاك السموعي

مخطين ياهل الصين منتم بمقدين .... وشيهانكم عود غرابن خروعي


جيانق زيمن ,,,خلوووووها ,,,


ركابها يابوش خمسه وعشرين .... عسكر من الجيش النظامي نزوعي

حاصرتهم يابوش بالجيم والسين .... حتى خذيت العلم منهم قطوعي


جورج بوش وهو يضحك ..,,,خلوووووها ,,,


عينت طيارك غدا راسه طحين .... وامه على قبره تهل الدموعي

الطايره ترجع لنا بعد يومين .... اخذ الكلام ولاتطول تعوعي


جيانق زيمن ,,,خلوووووها ,,,


خل العلوم قصار واسمع لنا زين .... عسكرك جولك يالسنافي رجوعي

والطايره لاعاد تنشد لها وين .... راحت ديه في واحدن من ربوعي


عساه أعجبتكم ....:D :D ;)

لجمال الموضوع يتم رفعه الموضوع له قرابة الأرع سنين



حنونو

ههههههههههههههههههههه
هههههههههههههههههههههه


أتخيل بوش و هو مطلع السبحه و يهز ..

أما رئيس الصين ما أعرف شكله و لا كان أتخيلوه ..
عادي تلقى عيونه شخوط ..

مهبووووله ياشيخ

الشطر اللي مطرطع صح آخر شطر في القصيدة أتخيل الحمار بوش وهو يديور عقبه ويظف خلاقينه ..

وهو وخشته يحسب السياسة لعبة ..

مشكور ذيبان

لو نقل هذا الموضوع إلى منتدى اللغاز والطرائف يكون أفضل