|
البنات والنظره الشرعيه..!!
موقف بناتنا من النظرة الشرعية اشين شي لما تجي الحمولة كلها تبي تشوف البنت عسى ماشر وش يحسون فيه...هي مو خروف يشوفون يصلح والا لا اكرررررررره العاده ذي ...والله لا يكتبها لا لي ولالخواتي ولا لصديقاتي... يجي هو ويشوفها اما اهله يجون معصي اليوم بقول لكم قصة وحدة من البنات بس هذي القصه انا متأكده انها حاصله في كل بيت فيه بنت في سن الزواج و اخوانا الشباب ما حسو لا فينا ولا في خواتهم و كل ام حاسه ببناتها بس احساسهم مايغير شي بالموضوع مابي أطول عليكم بدخل بالقصه على طول ام عبير اتصلت عليها حرمه تخطب لولدها خالد و تمدح فيه و تمجده كأنه أحسن ولد في العالم وتسئل عن عبير تقول : والله يا ام عبير يقولون بنتك عبير حلوه صدق؟؟ ام عبير ترد :الحمدالله بنتي جميله و مايعيبها شي http://women.bo7.net/images/smilies/smile.gif ام خالد : عساها طويله ؟ عساها بيضاء؟ شعرها ناعم ؟ كيف جسمها بالله وصفيها لي ام عبير تحاول تجامل وتمسك اعصابها ام خالد : ها يا ام عبير متى يناسبكم نجي نشوف البنت !! ام عبير: والله يا ام خالد عبير تفضل ان الولد يجي وبعد مانسئل عنه هو يشوفها ام خالد : وشوووووووو من جدك اصلا البنت مالها راي الشور شور اهلها وانا لازم اشوف الي ولدي بياخذها يناسبكم باتسر؟؟ ام عبير برد لك بكرا تنتهي المكالمه وتنادي الأم بنتها وتقولها ها وش رايك موافقه عبير : على ايش؟ الأم :على الولد عبير : لا شفته ولا عرفت عنه شي وشلون اوافق الأم :خلاص بواعد اهله وشوفيهم عبير : وش ابي بأهله باخذه هو ولا اهله و بعدين فكينا من سالفة الأهل احنا اتفقنا اي موضوع يكون بينا وبين الولد على طول انا ماابي اعرض نفسي على الحريم انا انسانه مو ناقه مميزه جايين يشترون و البيع لأعلى سوم كم مره دخلت على حرمه و حرمه يجووون ساحبين خواتهم و بناتهم وقهوه وشاهي و معجنات وحلا وكركره والفرجه بلاش وبعدها يروحون ولا نعرف ردهم خلاص انا مليت انا انسانه عندي كرامه و مشاعر و احاسيس مابي هذا الوضع يمه خلاص http://gfx2.hotmail.com/mail/w3/ltr/.../smile_sad.gif الأم مصره على انهم يجوون وش تسوي تبي الستر لبنتها !! عبير تستسلم زي العاده بعد ماقالت لها امها جهزي لبسك مانبي لا بنطلون زي اول مره يمكن كان هو السبب ولا تنوره قصيره زي ثاني مره و شعرك لاتخلينه كيرلي هذولي يحبون الناعم و دهني بفكس خلي لونك يفتح تراهم يحبون البياض !!! عبير جوابها !!لاتعليق تاخذ عبير جوالها وتكلم صاحبتها ساره و تطلب منها لبس يناسب اصحاب المعالي لأن ملابسها ماتتوافق مع المقاييس العالميه للأم السعوديه و يعلنون حالة استنفار في البيت لأستقبال الضيوف الموعودين الأطفال يرسلونهم لخوالهم و صياني الحلا و الموالح تتجهز و البخور يتولع و يجون الضيوف و تستقبلهم الأم طبعا ام الولد و توابعها اختها بنتها بنت خالتها اللي يجي ماهي الفرجه بلاش بعد السوالف و القهاوي تدخل عبير و العيون تراقب داخله وهي كأنها تقول شوفوني عساني عاجبتكم عساني مطابقه للمواصفات و المقاييس !! تطلع و يطلعون وراها من ذلك المنزل الذي احتفى بهم وكرمهم وعرض لهم سلعه من سلعه والابن ينتظر هاه عساهم جازتلكم (( و ((اه بس يامخفه لو بتشتري سياره انت اول من يحددها يمر يوم يومين ثلاث اربع ولاحولك احد محد دق ولاحد اتصل وبنت تقول خلاص ميئوس منهم وتمر الاشهر والبحث جاري مابين بيوت خلق الله مافيه بيت ماطقوه ولافيه عائله ماشوفوا منها والابن في انتظار و البحث جاري و المشاعر مالها حساب عندهم البنت تبدا توسوس وش فيني انا شينه؟ طيب الكل يقول عني حلوه؟ ياربيه معقوله اعنس؟ معقوله محد يبيني!! طيب ليه ما ردو !! ويبقى السبب مجهول و عبير خاطرها مكسور مين يواسيها !! امها الي ضايق صدرها اكثر منها على كسرة خاطر بنتها ولا الخطيب المجهول !!الي يمكن حتى هو مايدري ان اهله جايين يشوفون له طبعا محد رح يواسيها صديقاتها مثلها ماهما سعوديات بعد و النظام ماشي عليهم يعني لا تشكيلي واشكيلك ولا تبكيلي و ابكيلك ولا صاحبتها اللبنانيه عشان تضحك عليها و تقولها لك شو هالتخلف .............. يا ناس حرام عليكم الله و رسوله ما قالو كذا ليه أجازو النظره الشرعيه لأن الولد نظرته غير عن امه مره حريم رايحين يشوفون وحده لولدهم و والولد هو الي موديهم لمى شافه الأبو عند الباب سلم عليه و دخله واعجب بأسلوبه وقاله بنادي لك بنتي و شافها وشافته طلعو اهله من بيت البنت وهم يقولون البنت ما تصلح شينه الولد قال الا تصلح و انا شفتها و اعجبتني و تزوجو و انسترو مايستفاد من الحكي هذا كلو و القصه ياناس احنا بنات حمايل ولنا نسايب وعايشين ونتنفس اسئلوا عنا وبتجيكم مواصفاتنا بعدين يجي هو وشووله تجون انا باخذكم واالا باخذ ولدكم ياعالم متى تحسون بهالوضع تراه جدا مزري ومدمر نفسيا وغير لائق اخلاقيا لا ومصيبه بعضهم يشوفونك شهر 5 ويسكتون،، يجي شهر 12 يدقون يقولون نبغها محلات وهي محلات 3 ايام مهله بعدها ما عاد يلتفتون لك وهي جماد ياناس حسووووا ليش مانعالج هاالمشكله لو كل بنت ترفض ان الأهل يجون و تشرط ان الولد بس الي يشوفها رح يتغير الوضع التعارف بين الأهل يتم ان شاءالله اذا تمت موافقة البنت و الولد وشافو بعض كل وحده لازم تفكر في غيرها اخوك اذا جاء يخطب حاولي تفتحين مخ اهلك الي يبغاك يجي يشوفك هذا الجاد والي شاريك وشاري اخلاقك ونسبك واذا شافك ولد كملت وصارت لمظهرك ولو ماصار شئ فخلاص القرار صدر من صاحب الشان مو من 3 الوكلاء الي يجون وانت ياعريس الغفله ليه ما تقرر بنفسك كم وحده ووحده راحت عليك وكان ممكن تسعدك و تسعدها و تعجبك و تعجبها بس ذوق خالتك ولا امك ما كان نفس ذوقك انت الي بتتزوج ولا اهل البيت !! ولا وش رأيكم.???? أرجو التفاعل بالموضوع من قبل الشباب والبنات :bad |
الولد يجي والباااقي يمسكون الارض خيررر ان شاء الله وش يجيب اهله انا ابتزوجه هو والا اهله كفاااية نقص عقووووووووووووووووووووووووول عيب عليكم
|
نعم صدقتي بكلامك ....هو يبغاني وانا ابغاه ...وعاجبني وعجبته... وش دخل اهله انا اللي ابعيش معه ... انا اعرف واحد كلما راحو يخطبون وقالوا مواصفاتها له قال ما بيها ....المهم جاء مره وخطبوله وقال لأهله ما عجبتني مواصفاتها أقنعه اهله انه هو اللي يشوفها ....راح وشافها ....تدرون أيش حصل وافق انه يتزوجها ...والحين الله يبارك بسعادتهم عايشين ومرتاحين الله لا يفرقهم... {اتكلم عن اهلي الحمد الله يحترمون القرار اللي تتأخذه أي وحده من خواتي واهلي نفسهم يقولو ما نجبر انسان غصب عنه حنا علينا النصح وأنتي عليك أختاري قرارك ما عليك من قرار الأخرين...واهم شيء انت اللي تبي تعيشي معه مو اهله ولا اهلك} <<بعض البنات مالهن قرار ""بس انا اقول لكل بنت مقبله ع الزواج ترى انتي لك القرار مهما كان ما فيه شيء اسمه حياء او خوف او تردد هذا زواج (موده ورحمه واحترام متبادل وعشره وتفاهم ومملكة ) مرررره شاكره لك ع الموضوع |
الحمد لله حريم اخواني واعيال عمي وعماني وخوالي ــ حريمهم كلهن ماشفاهن الا بالصباحيه ولله الحمد الامور ماشيه اهم شي هم مرتاحين اما الجمال والشكل ماله مكان في الحياة الزوجيه اهم شي الراحه الله يوفق بنات المسلمين بأزواج صالحين امين .. |
هو اللي يبي يتزوجها مو اهله
|
هلا حبوبتي شكلك ذايقة الويل .. معليه انا بخالفكم الرأي .. صح انا بنت ماتزوجت ولي خوات وماحبيت هالطريقة ابد بس .. شوفي قلبي .. مو كل أهل بوقاحة الام المتصلة بقصتك .. بالعكس الفكة من هالام الوقحة غنيمة .. : ) من حق الام انها تشوف مرت ولدها .. ومن حق الام تتنقى لولدها احسن البنات .. يمكن الولد عنده مواصفات خاصة ليه اخليه يشوف البنت ومواصفاته غير اللي يبيها .. زي ما أمك تبي لك أحسن الرجال .. حتى ام الولد تبي لولدها احسن البنات .. وتربي عيال ولدها بما يرضي الله .. مااقصد بالشكل فقط .. { لان الجمال يختلف مقياسه عند الناس } أقصد حتى الكلام والسلامة الخَلقية .. أوضح لك اكثر .. واحد من أقاربي .. سوى نفس ماانتي تتمنين .. راح هو بنفسه يشوف زوجة المستقبل .. ولا يجرح مشاعرها .. شافها واعجبته .. وتم الزواج .. بس النتيجة .. اكتشف بعد الزواج انها حول الجنون .. كانت جميلة ..بس مهيب عاقلة كما يجب .. مااحب دخلة العالم بالبيت والتفرج كأني سلعة .. أحس فكرة .. الشوفة في مكان عام حلوة كثير .. ولو مادرت البنت احسن .. احترام لمشاعرها اذا ماردوا اهل الرجل .. اما مسألة كل شوي ناط لي رجل يشوفني .. صراحة ماابيه ..ولا اقدر اتحمل الدخلات على رجال .. يااوخيتي .. خلي امك تتواعد معهم بمكان عام .. وروحي وخليهم يتمقلون لين يشبعون .. وان ماعجبتهم ماهي نهاية الدنيا .. ويمكن خيرة .. واللي الله كاتبه بيصير .. سواء ضقت او انبسطت .. وسعوا صدوركم .. وتهنوا ..ولا تحطون الزواج عقبة تنكد عليكم حياتكم .. الزوج المكتوب لك مابعد جاء .. واذا جاء بتتسهل كل الامور .. اتمنى وجة نظري ماتضايقكم .. |
أوافق الأخت ربى بكل اللي قالته من حق الأم انه تشوف مرت ولده لكن مو تشوفه باتفاق مع الأم تقدر تشوفه عن طريق الناس اللي دالينهم على البنت لـ الأم ولا بنته يدرن عشان اذا ماحصل نصيب مايكون احراج لأحد وياكثر ماتصير الطريقه هذي |
|
| الساعة الآن +4: 05:27 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.