بريدة ستي - تكفون علمووون ما أعرف للـ...!

بريدة ستي (http://www.buraydahcity.net/vb/index.php)

- استعلامات بريدة (http://www.buraydahcity.net/vb/forumdisplay.php?f=95)

- - تكفون علمووون ما أعرف للـ...! (http://www.buraydahcity.net/vb/showthread.php?t=193960)

~..شيخة البنـآت..~

04-03-2010 08:04 PM

تكفون علمووون ما أعرف للـ...!

السلام عليكم

تكفوون ياحبيلكم تراي دجاجتن صقعاء
ولاأعرف شي بالتسجيل لإختبار القياس :oo

المدرسه قالوا لنا سجلوا بالموقع فتحته وقعدت أدربي راسي
ماعرفت شي..:eek5

ياحبيلكم افزعوا لي الله ييسر أموركم ويرزقكم باللي تتمنون

أبو غــلا

04-03-2010 10:04 PM

هلا فيك أختي .. المسأله بسيطه جدآ

إدخلي قوقل وأكتبي : كيفية التسجيل بقياس

بيطلع لك خيارات .. إضغطي على أول واحد يطلع لك شرح مع الصور :d

فيها كل شي خطوهـ خطوهـ

دعواتك ..

~..شيخة البنـآت..~

04-03-2010 10:26 PM

..

..

فكيت أزمه
الله مير يجزاك كل خير ويسهل أمرك

..

اجمل احساس**

05-03-2010 03:48 AM

ياعمري ولاتصعبينها على نفسك اذ ماعرفتي الي قالك ابو غلا ارسلي رساله واعلمك خطوه خطوه

ابتسامة تواضع

05-03-2010 04:55 AM

الله يعينتس ياشيخه
على القياسي مير خلي امتس تتدعيلتس ان ربي يسهله عليك
صراحه ودي اعلمك لكن ماعرف زين وكنت نسيته
وترا الأ سألة القياسي صعبه السنه اللي راحت من القهر بديت اجاوب على اللي هوهو
لكن ابنصحك انك تاخذين دوره قبل الاختبار صديقتي اخذو دوره على اختبار القياسي طبعا قبل الاختبار
عاد انتي ابحثي وين الدوره تصير هذي لجل تسهل عليتس
<<الله يحقق القسم اللي بالك

طارق العتيق

05-03-2010 05:29 AM

الدخول لموقع قياس : http://www.qeyas.com/Qiyas/info/Default.aspx

وبعدين الضغط على ايقونه الدخول لملف الطالب ..

و ثمن مشترك جديد ..

و بعدين تجيك صفحه تعبين فيها بيناتك و أرقام الهواتف ..

ملاحضه عند التسجيل ارجو الاحتفاض برقم المشترك لانه مهم جداً و التسجيل في الاختبار ليس الان بـ شهر 5 ..

abo yosef

:f:

فخر بريدة

05-03-2010 08:14 AM

أنا في الخدمه لو ماعرفتي أو شئ أرسلي ع الخاإص والله يوفقك

~..شيخة البنـآت..~

05-03-2010 05:36 PM

أجمل احساس

رافعه كمي أخدم أمي

أبو يوسف

فخر بريدة

عسى ربي يسعدكم دنيآ وآخره..عساكم بالجنه أنت ووالديكم

الحمد لله عرفت للتسجيل بس بقى شي صغير بالحيل..

يوم خلصت كتبت رقم سجلي المدني ورقم المشترك ودخلت ماشي معي تمام..
بس لما دخلت قال ( لاتوجد حالياً اختبارات للتسجيل تخص مرحلتك الدراسية)

اقتباس:

التسجيل في الاختبار ليس الان بـ شهر 5

يعني ماأقدر أسجل إلا بشهر 5..؟

معليش أدري إني أبلشتكم
بس طايحن قلبي من الزمل :bad

طارق العتيق

05-03-2010 05:51 PM

الان فتحتي ملف بس باقي تحديد موعد الاختبار و التسجيل في الاختبار يبدا بالتاريخ المذكوره في الاعلى ..

اذا جاء شهر 5 يقول انه فيه اختبار كذا و كذا ..

الله يوفقتس ..

abo yosef

:f:

~..شيخة البنـآت..~

05-03-2010 06:09 PM

.

اييييه أجل تسذا

ماقصرت والله

.

الساعة الآن +4: 07:15 AM.