بريدة ستي - ::: [ أمي تقول : توي مابعد سويت العملية ..! ] :::

بريدة ستي (http://www.buraydahcity.net/vb/index.php)

- ســاحـة مــفــتــوحـــة (http://www.buraydahcity.net/vb/forumdisplay.php?f=2)

- - ::: [ أمي تقول : توي مابعد سويت العملية ..! ] ::: (http://www.buraydahcity.net/vb/showthread.php?t=194468)

::: [ أمي تقول : توي مابعد سويت العملية ..! ] :::

بسم الله الرحمن الرحيم

http://dc09.arabsh.com/i/01252/js25ku84pli0.gif

قبل أبدا أحمد ربي على سلامة أمي ، و أشكر كل واحد دعا أو سأل عن حال أمي..
و الله يشكر سعيكم و يحفظكم و لا يريكم مكروهـ فيمن تحبون ..

اليوم قمت الصبح و مباشرة مريت خالتي و أختي و رحنا للمستشفى نشوف الوالدة ، لأنها أمس كانت في العمليات من الساعة 8 الصباح إلى الساعة 3 العصر .. و بعد نهاية العملية طلعت للعناية المركزة ، و في العناية ما تسمح الزيارة إلا من الساعة 4 إلى 5 بس ..

أمس شفنا الوالدة و لكنها مبنجه بالكامل ، يعني : ما تحرك و لا ترد ولا شي ، بس حبينا نشوفها عشان نتطمن .. و رجعت للبيت ..

أما اليوم .. يوم وصلت المستشفى نزلت أختي و خالتي داخل المبنى .. و رحت أوقف السيارة برا بالمواقف ، و هم سبقوني للوالده .. و دخلوا عندها في الغرفة في العناية المركزة .. و كانت الساعة عشر تقريبًا أو قبلها بشوي ..

الوالده كانت توها صاحية من البنج .. و قالت لهم إني ما سويت العملية ( المسيكينة تحسبه ما راح إلا ساعتين ) ما تدري أنه راح على وقت وضع البنج 26 ساعة .. اختي انهبلت .. و خالتي قالت لها : أجل وش هالأجهزة اللي عند راسك ؟ .. قالت أمي بكل ثقة : هذولي استعدادات العملية .. ولا اقتنعت انها سوت العملية إلا بعد سؤال الممرضة .. فالحمد لله أنها ما حست بآلام .. مع أنها عملية قلب مفتوح ..

و أما انا جيت متأخر و حاولت أدخل لغرفة العناية المركزة .. بس عيوا علي .. ( أثر خالتي و اختي داخلين تهريب بطرق غير مشروعة ) <=== أو الله عربجيات ..!

و آخرتها كلمت أحد الموظفين يطلب من اللي بالعناية يسمحون لي بالدخول عشان أشوف أمي ..
و فعلا دخلت و لقيت الوالده الله يقومها بالسلامة تقضي الصلوات اللي فاتتها أمس وهي جالسة على السرير .. و انتظرت إلين خلصت من صلاتها و سلمت عليها .. و عليها بسمة العافية إن شاء الله .. ماجلست دقيقتين ..

و الآن خرجت من العناية المركزة إلى العناية الفائقة ..
و الحمد لله على سلامة أم عبدالله ، و اللهم تمم عليها الشفاء حتى ترجع للبيت

و والله ما أنسى كل اتصال يسأل عن صحة الوالدة ..
و الله يديم عليكم و على أهاليكم و أحبابكم الصحة و العافية ..

: 12

ماشاءالله تبارك الله ..
الحمدلله ..
الله يتمم عليها ويحفظها ولايريكم فيها مكروه ..

الحمدلله الحمدلله الحمدلله ..
بشرك الله بالمسرات ..خبر أثلج صدورنا كثيرا
يعلم الله أننا دعونا لها من أعماق قلوبنا وكل من رأيته طلبت منه الدعاء لها ..

اللهم من عليها بالشفاء التام ..

الحمدلله على سلامته ..

وماتشوف شر .. والله يخليه لكم يارب ..

سي يو ..

الحمدلله على سلامته ويطول بعمره على صحة وعافية
الله يرزقكم برها

طهور ان شاءالله
والحمد لله على سلامتها .. وما تشوف شر
اسأل الله بمنه وكرمه ان يجمع لها بين الاجر و العافية

الحمد لله على السلامة .. وماتشوف شر إن شاء الله .. وإن شاء الله ترجع للبيت وهي بصحة وعافية .. الله يخليها ويحفظها لكم ..

الله يحفظه .. ويخليه لكم .. ويقومه بالسلامة ..
ويقر عينك بشوفته , ولايحرمك برهـ

؛؛
الحمد لله على سلامتها , الله يحفظها لكم ويقر عيونكم بحضورها المنزل.
تذكرت عملية خالي 16 ساعة وقلبه على البطارية ولم يشعر بذلك بينما سهر ليالي يتألم من جرح بسيط بإصبعه.
البنج نعمه من الله وتخفيف للألم , ومع ذلك ربي يرفع بالبلاء درجاتنا حتى بالشوكة الصغيرة.
الله يرزقنا الاحتساب والشكر.
؛؛

الله يبشرك بالخير ...

الله يحفظها لكم ويخليها لكم :)

مشاءالله:) الله يتمم عليـــــــه ويخليه لكم >>>الحمدلله على سلامته

حمداً لك يارب ,

أعادها الله لأبنائها سالمة ~

مشاءالله:) الله يتمم عليـــــــه ويخليها لكم >>>الحمدلله على سلامته

ماشاء الله تبارك الله

الف الحمد لله على سلامتها

وطهور ان شاء الله

الله يفرحكم بسلامتها وخروجها من المشفى قريبا باذن الله

والله ما اعرفها لكن دمعت عيني لها لاني تذكرت امي نفس حالتها شفاها الله

ووالدتك وجميع مرضى المسلمين امييييين يااارب العااالمين