|
اليوم كنت بمحل كل شيء بـ خمسه (موضوع كُتب بطريقة اخرى)
[poem="type=3 color=#000000 font="bold x-large 'traditional arabic', arial, helvetica, sans-serif""]كنت انا اليوم عند ابو خمسه الدين عندهم غايبة شمسه وكل يوم جديد فيه نتغيرعن امسه يالله سترك من تواليها شفت البلاوي اشكال و الوان وعقلي طار وصابني جنان مادري انا عندكم بالقصيم او بلبنان الاوضاع تشابه لكن تختلف في حكاويها وقفت وعجزت اقدامي للمسير من هول ما شفت ومن امر خطير وقلت ياناس وشذا وش الي يصير رد الجواب وقال ترانا بأول لياليها ليالي سود غاب عنها قمرها غيبه واحد بأمواله عمرها هو عمرها بماله لكنه دمرها ياخسارة ذيك اليالي يوم قمرها معتليها دخلت المحل ورجلي مجبورة كله حريم نص وجيهها عورة كنهن لبعضهن نسخة وصورة عدا قليل تسترت من اسفلها لعاليها عيون مكحلة مثقل زينه ونقاب وسيع لراس خشمه منزلينه تساهلت بحياها وباعت دينه وظنها ان حسنها يغطي مساويها تحط العين بالعين ما تنزلها منزوعة الحياء منهو يجاملها ادور عن حاجتي وماني محصلها كيف احصلها وانا عيوني موطيها؟ تذكرت اننا اليوم جمعة حزنت نفسي وسالت على الخد دمعه وعاهدت نفسي ماعاد للاسواق رجعه وارتاح من الاسواق ومن بلاويها طفح كيلي ودفيت العربية و قررت اطلع اروح للغربية غربية لكن تراها شمالية وصلت بسرعة واقدامي تعبت مواطيها دخلت واستقبلني المعزب ابو يمن بشكله ولبسه يذكرني بصنعاء وعدن قلت ياربي سترك من هذي المحن هناك فتنة نساء وهنا الضيف هو اهله و راعيها كنت اتسوق بوقت العصرية حان المغرب وسمعنا الاذان بأصوات جهرية ما قفل ابوابه والتسوق علانية قلت (غربيه) عزالله صدق منهو مسميها[/poem] انتهى ... لا يهم صحة و سلامة طريقة موضوعي الاهم هو المحتوى بعد هالكلام كله ما شفت سيارات الهيئة وايضا ولا رجل هيئة لماذا ؟؟؟ |
الله يرحم الحآآآل
الصراحة خلاص وش ترجي من بريدة .]. |
الله يتوب علينا
عاد كل شي الا الصلاه |
الله المستعـــــــــآن .. أخي من الجماعة .. أنا كنت بأسواق النخيل .. ولم أستطع التسوق لزحمة الناس وللعيون المكشوفة دور .. فليست عيون بل وجوه كامله ماعدا مادون المنخرين فهو حُرم في دستورهن .. وعند النصح إما أن تعطيك كلمة ممزوجة بسخرية أو أن تذهب ولا تلقي لمن وقف أمامها بالاً .. بئس هذه الفتاة ومن على شاكلتها .. وهذه المحلات وغيرها تزعجني كثيرًا ... لأني أرى بها العمُال أكثر من الزبائن .. أشكرك على الموضوع تنسيقًا وطرحا ومناقشة .. فقد أجدت |
الله يهديهن ويفتح على قلوبهن
|
ايـيييييييه راحوا الطيبين ...
ومشكووور لا شلت يمينك ولا انكسر قلمك.. |
الوضع مؤلم ....... ولكن دور الجميع في نشر الأمر بالمعروف والنهي عن المنكر لا ولن ينقطع وهؤلاء هم بحاجة لمن يدلهم على الطريق الصحيح وكثيرا منهم بدل حاله والله قادر على كل شيء لا نقف ونقول الوضع خطير ونصفق يد بيد.. فالخير في الجميع تحياتي لك |
أخي من الجماعة .
استمتعت بأسلوبك الحكواتي وحزنت على الفكرة . ثم صدقني بريدة لازالت بخير . وأما الاستعراض الغرائزي من بعض الفتيات فقد نلتمس لهن العذر . مرض نفسي , وانعدام الثقة بنفسها لذا فإنهن يلجأن لتجميل الظاهر لعل الله أن يرزقهن بخاطب . |
الله المستعان قد اسمعت لمن ناديت حيا ولكن لاحياة لمن تنادي من الجماعة:لاصرت مضطر تروح له انصحك رح في الصباح لان الحريم مشغولات مدارسهن اونايمات أسأل الله لهن الهدايه |
بنات بريدة كل الي يسونه تقليدددددددد بس ماعندهن سلافه مع الخيل ياشقرة يحولان يقلدن بنات الرياض وغيرها """"""""""""""" والله انهن بطت كبدى بلحيلللللل :i121:i121:i121
|
^^ بوب كل بنــاااات بــريــدهـ بعض بنـااات ابريده>تراي اعصــب :i121 بعدين بوب لازم تقلين شي عنا اللي تشوفينه مهنى تناكه انصحيه:d وخلاص دواتس ذي عشان ماتزعلين من كلامي (f)(f)>>:d اخوي صاحب الموضوع عذرن على المداخله ^^ الااهم موضوعك رووعه على طول يوم شفته بكلام غير رجعت اعـيده وفقك الله والله المستــعااان |
اقتباس:
اختي حاااااولي انت تردين يتمعن اكثر وشن بناااات الريااض من يكووونن منزلات من السمااااااااااااء ؟؟؟ علشان يقلدونهم !! اذا ماتعرفين تردين مافي مشكله خلي الرد لغيرك واخير كلن بناظر الناس يعين طبعه |
اقتباس:
والله انك صادقة بس ياحاولو يقلدون بنات الرياض بكل شي وهذا انا شايفه بعيني |
اقتباس:
منزلات من السماء مدري اسئلي بنات بريدة اغلبية بنات بريدة يناظرن بنات الرياض بالبس والكلام لا تقولين مافيه فيه وزود |
| الساعة الآن +4: 02:39 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.