|
كيف اوصل لحي الافق ؟!!
مساكم الله بالخير جميعا
ودي اوصل لحي الافق مذكور لي مكتب ولكن ماادل هذا الحي ناسيه بصراحه وراعي المكتب يوصفلي من الافق ومن مستشفى الصحه النفسيه وانا ماادلهن ممكن احد يفزع ويدلني على حي الافق بالتحديد وين ووين وكيف اوصله مع العلم اني ادل بعض الاماكن المعروفه والمشهوره وسكني الحالي في طريق الملك عبدالعزيز قريب من بنده الصغيره واستفسار اخر ومعليش اني ابلشتكم انا مصلا رحت لعنيزه عن طريق الخبيب او جنوب بريده وحبيت ارجع عن رطيق الدائري وبعدها عن طريق الملك فهد لكن ماقدرت يعني لما رجعت لبريده جاني كبري بس مافيه لوحه تدل على بريده مكتوب الرياض يمين ممكن مساعدتكم ولكم تحيتي وتقديري |
وأنت راجع من عنيزه وأنت من الدائري الغربي تجيك لوحه مكتوب عليها طريق الملك فهد شرق
رح معها وبعدين أبتل تجيك 3 أشارات بعدها دوار خذ الدوار يسار لين يجك دوارين ثمن أشاره ثمن دوار لامن جاك الدوار اللي بعد الأشاره خذ يمين وبعدها يجيك دوار خذ الدوار يسار أنت الحين في الأفق |
يفيدك الاخوان أكثر ..
بس اللي أعرفه انه شمال بريدة .. ودي اوصف لك بس أخاف اوديك للبكيريه :113: |
اقتباس:
ثانياً اتبع الطريق ادناه كماهو على الخريطه بارك الله فيك انقر على الصوره للتكبير http://file-uploader.info/thumbs/1uqu.jpg http://file-uploader.info/?v=1uqu.jpg |
مشكورين
واشكرك جدا اخوي المواطن وضح لي بشكل كبير من الخريطه اللي ادرجتها طيب هم وصفوا لي مكتب هناك والتوصيف من عند مستشفى الصحه النفسيه يعني لما اجي لحي الافق اللي هو قريب من الاستاد الرياضي كما هو موضح هل من السهوله اوصل للاشاره اللي عند المستشفى او كيف اوصل هناك بالتحديد لاني عرفت الاستاد الرياضي وادله زين هل هو قريب من الاستاد او لا ؟ اكرر شكري لكم ولاعدمناك |
خل الاستاذ الرياضي بيدك اليسار وسيدا لحد دوار الكورة ومن عنده سيدا يجيك دوار وسيدا من عندة وامش تقريبا كيلو او 800 متر بتحصل الاشارة والنفسية على يدك اليسار
|
انت قل وين الاستاذ وابد اذا وصلت للاستـاد قل لهم وين النفسيه ويعلموونك
|
لو تسأل بنقالي بشارع الخبيب وين النفسية كان وصفها لك .. !!
الأفق قريب للنفسية ^_^ |
كاسك بااارك الله فيك
وصفك واضح جدا اكرر شكري لك |
حياك اخوي ماسوينا شي
تحياتي |
اكرر شكري لك يااخونا كاسك
اليوم رحت لنفس الوصف اللي قلتلي ووصلت عند الاشاره وتوصيفك جدا مميز اكرر شكري ووفقك الله لما يحبه ويرضاه ولاعدمناك اخونا كاسك |
هذ ي الساعه المباركة والحمد لله اللي مرادك واللي تبغاه
وابد متى ماابغيت شي لايردك الا اصابيعك وضرب احرف الكيبورد وحنا تحت امرك وعلى فكره مو ملاحظ شي تسجيلنا بالمنتدى بنفس السنة وبنفس الشهر تحياتي |
فعلا اخوي كاسك
التسجيل نفس الشهر والسنه ههههههههههه شفت شلون الصدفه بس صدفه حلوووه بصراحه لانك انسان طيب اكرر شكري لك وللجميع ولاعدمناك وان شا ءالله نخدمك في الافراح |
| الساعة الآن +4: 12:01 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.