|
نقــاش << ترضاء زوجتك تشتغل ؟
هل ترضاء البنت تشتغل لزوجها
وهو يشتغل يعني يطلعون سوا الصباح ويرجعون الظهر سوا وكيف تزين روحها لزوجها اذا جاء الظهر وكيف تبي تكون معه وهي تفكر بشغلها انا بس ابغا يكون نقاش يفيدني ويفيد الغير |
الموووووووووووووووووووووووووضوع مكرررررررررررررررررر ستين الف مليون مره اوف
|
اقتباس:
اذا مكرر عطني راابط اثبت لي يالله |
الموضوع مكرر بس انا ماعمري رديت بموضوع زي كذا << تسلم على هالموضوع
حسب الأطفال وين الواحد يحطهم <<الله يخليهم اذا هالمشكله انحلت على عيني تشتغل وتونس روحه اصلا لاجت من شغله الظهر بتصير متزينه يصير لي من هالتزين نصيب خخ |
من ناحيتي كأنثى لا اييد
صراحه تعب هي لعياله ولا لزوجه ولا الوظيفه اشكررك اخوي ع الموضووع تقبل مرورـي |
اقتباس:
اول مشكور على ردك الجميل بس ممكن تعطيني رابط عشان اصدق ان هالموضوع مكرر نرجع للموضوع لو انحلت بس كلام الناس راح يجيك انت راح يقولون ان هذا مايعطيه او انها مقصر معها يعطيك العافيه اخوي |
اقتباس:
صدقتي والله ولو وبعد يجيك كلام من الناس وبعدين انا متزوجها مو تشتغل لي تخدمني بيتي وانا اخدمها بشغلي وتكون خدمه مثل اي خدمه تسويها زوجه لزوجها يعطيك العافيه اختي رد جميل جدا |
طيب إذا اشتغلت وش المشكلة هل نخاف مثلا من عواقب سلبية على الأطفال مثلاً أو الحياة الزوجية أوالتنسيق مع العلاقات الإجتماعية، بل بالعكس من رأيي الشخصي تعمل وتنشغل بالعمل الإيجابي أحسن من تفضى للهواجس و الطلبات من الزوج اللي على قد حاله، وحتى لو كان غني فالعمل أفضل من البطالة. |
اقتباس:
يمكن تكون من من الاطفال او تكون من حياه مع زوجه يعني انا ماخذت زوجتي اخليها تشتغل وتساعدني ؟ انا ماخذها على انها تساعدني بالبيت فقط وتكون عند عيالي مو تشتغل معي وتساعدني واذا انا محتاجه مساعده مو تشيل همي معي لا انا اللي اشيله وتراني اعزوبي بس انا حاب استفيد وافيد غيري ;) يعطيك العافيه اخوي رد جميل جدا :rolleyes: |
ترضاء = ترضى
لا ما أرضى . . |
اقتباس:
انا اشوف ان عمل الزوجه ومساعدتها لزوجها هذا شيء جيد وممتاز حتى يساعدون بعضهم أو بس تكفي نفسها بمصاريفها .. قد يكون راتب الزوج بسيط ما يكفي أو يغطي بالحالة هذي هي تساعدة على المعيشة ولا فيها شيء اذا هم متفاهمين .. اما قولك كيف تزين روحها لزوجها اذا جاء الظهر : :d أولاً : انت راح تجي من دوامك طفشان ما لك خلق لا سواليف ولا غيرها تبي غداك وترتاح منت محتاج إنها تتجمل لك :d. ثانياً : هذا غالباً التزين يصير في أول ستة شهور زواج وبعدين ماراح تشوف تزين الا في اوقات معينة :d.. ثالثاً : بعدين يا أخي هي وقفت انها تتزين لك في القايلة في الظهر ياخي تبيها أربع وعشرين ساعة مقابلة المراية الصراحة انك رايق :d. رابعا: هذا الشيء ما يمنع ابد كثير من الزوجات تشتغل ومشيه البيت زي الساعة ما فيه اي ملاحظه عليه . خامساً : اذا هي على الأطفال فلا بد من خادمة في البيت اذا كانت الزوجه تعمل .. سادساً : ولا يزعلن علي الحريم اقول: العمل بالنسبة للحرمة أزين من مسك التلفونات وخذ طق حنك في هالصبح وين راحت فلانه وش لبست فلانه في الزواج الفلاني . وبالنهاية سدد فاتوره مبلغ وقدرة بدون فائدة . واذا ما امسكت التلفون ضربتها نومه حتى الظهر :d.. اما على سؤالك كيف تكون معه وهي تفكر بشغلها ؟ طيب انت كيف تكون مع عيالك وانت تفكر بشغلك . يا أخوي العمل راح يصير روتين معين في اليوم بعد إنتهاء العمل ينتهي التفكير فيه الا لاصارت أكبر مسؤلة بالمنطقة :d هذا ما ادري عنه .. تقبل مروري .. علماً انني لي تعقيب آخر على الموضوع ؛؛؛؛؛؛ |
بسم الله الرحمن الرحيم
السلام عليكم ورحمة الله وبركاته .. لا أؤيد عمل الزوجة بدون ضرورة ملحة جداً .. فقد ضمن الإسلام للمرأة كل حقوقها المادية .. فالأب مسؤول عن نفقة بناته .. والزوج مسؤول عن نفقة زوجته .. والابن مسؤول عن نفقة والدته .. وبالنسبة للزوجة إذا كان الداعي الملل والسأم فهناك ألف طريقة وطريقة لإشغال الوقت .. وإذا كان لا بد من العمل فقبل إنجاب الأطفال .. ولكن بعد الإنجاب لا .. يقول الشيخ كشك رحمه الله : "أعطوا للرجل نصف راتب زوجته، وقولوا لها اجلسي في بيتك وربي أطفالك". وأقول : من الحلول لمشاكل البطالة عدم مزاحمة النساء للرجال في أعمالهم .. وأن ينظر إلى الأعمال التي تشغلها نساء يمكن أن تشغل برجال .. ويعطى تعويضاً لصاحبة الوظيفة بأن يزاد راتب زوجها مقابل تركها لهذه الوظيفة فهذا من أنجع الحلول للتقليل من بطالة الشباب .. مما يقلل الكثير من المشاكل التي يعاني منها المجتمع .. ترى زيك ما أحب اللقافة .. لو عملت دراسة علمية عن هذا الأمر لتبينت صحة كلامي .. |
انا فيه ملاحظة موجعة راسي وخارجة عن الموضوع:rolleyes:
الحين ليه (ياحبيلك ياسعدك فيني) متسلط على(مايحب اللقافة) وناطنله في كل موضوع:d حتى دايمآ هو اول واحد يرد من الحماس ودايمآ معترض ويتشتش:i121 اما عن شغل الزوجة بالعكس انا من رايي انه افضل من جلستها بالبيت بلاطعمة,, كذالك الشغل يبني كيان المرأة بالأخص إذا كانت تعمل من أجل العمل وتطوير الذات وليس لمجرد الراتب آخر الشهر فقط,, خصوصآ إذا كان الزوج واعي ويقدر شغلها ومايضغط عليها.. والإخوان ماقصروا بالأخص عربي أصيل,, |
| الساعة الآن +4: 11:11 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.