بعد زيارتي لبريدة وشرائي من السوق ياليت أحد يدلني على هالمحل
 

[center]السلام عليكم ورحمة الله وبركاته

من خلال الدعاية الكبيرة لمهرجان الكليجا

حضرت لبريدة وحقيقة هي رائعة بأهلها

ففيها الراحة والأنس

وخلال زيارتي لمهرجان الكليجا

أشتريت من صاحب مبسط أو ركن في وسط المعرض

أشتريت كليجا وفتيت 6 سطول

وكان رائعأ جداً جداً

وأخلاق ذلك البائع أيضاً رائعه

وقد أشتريت لبيتي وأهديت بعض المقربين

المشكلة كثير منهم يوصوني جب لنا من ذاك الزين

والصراحة خاصة الفتيت جداً مميز

فمن منكم يعرف المعرض جيداً ويخبرني بأسم المصنع أو رقمه

أنا سوف أوصفه لكم بس تحملوني

الوصف :

يوم تدخل مع البوابة الرئيسية تلف يمين الين يجي الممر اللي يودي للحريم يمين هو قبل ماتلف في الزاوية
وصف البابع : شاب يمكن في ال 35 سنه ملتحي بشوش سعودي

عنده كليجا توفي ودبس وفتيت بالماريه بالهيل طعمه ومنتج بعد مدري وشهو

السطول ما مكتوب عليهن شيء ابد

كل الكليجا والفتيت سطول متوسطه

السطل ب 20 ريال


زيادة بالوصف بعد ما تتعداه ويجي ملف الحريم لا تلف ابتل بتلقا ركن رغد


ضروري تكفون رقم المصنع او فرعه بالرياض الوالده مبسوطه منه وودي أجيب لها مرة أخرى[/


center]

بارك الله فيكم

ايه ايه اعطنا وصفه وحنا راح نفيدك/ي

ووووووووووو انا ما فهمت التوصيف:)

تكفووووووون ابي اي واحد او وحده تقولي او يقولي وشلون احط موضوع مو لاقيه

ما بعرف

[font="verdana"][center]أشكر كل من مرّ من هنا

ولا زلت أنتظر الإجابة

لا تبخلوا علي بالوصول الى رقم المصنع أو اسمه[/center][/font]

اتوقع أسمه ( كليجتي )

لأني شفت في أحد التقارير صوره اتوقع أنها للمحل

ممكن جونا

حياك الله أخوي

ممكن تقصد كليجتي مثل ما تفضلت وممكن يكون الجردة

عموماً حاول تجرب محلات ثانية لا تحصر نفسك بمكان معين
جرب هضيم أو شعبيات أو غيرهن من المحلات بس لا تكثر حتى تقدر تصرفه إذا الكمية بسيطة


بالتوفيق أخوي أبو نورة

ممكن يكون مجني للتمور اذا هو اعطيك الوصف

تقريبا نفس المكان اللي انت قلت