|
موقف !!
اولا .. السلام عليكم ورحمة الله
ثانيا .. اليوم صارلي موقف بصراحه ماعرفت ايش اسميه وقلت مالي الا اخذ ارائكم عنه اليوم بعد ماكنت جاي من الجامعه وقفت عند اشارة توكيلات الجزيره وكان قدامي سياره وانا وراه طبعا كنت واقف اقصى اليسار جنب الرصيف الموهم جا اسعاف وشغل السفتي والبواري عشان نفتح وكان الاسعاف بالمسار اليمين موب لمي ابد يعني موب لازم امشي مادريت الا اللي صدمني من ورا نزلت يوم شافني قال (يا حيوان ماتشوف الاسعاف ليش ماتمشي) ودعس وقطع الاشاره وراح مالحقت على اللوحه لأني مو مستوعب اللي صار وطبعا اعدم لي الصدام اللي ورا اتصلت على المرور وقال مالنا بك سنع جب اللوحه ويصير خير انا مستغرب .. هو عمى مايشوف اللي قدامي ماتحرك؟ كيف امشي؟ ياليت اسمع رأيكم عن هالموقف؟ وسامحوني طولت عليكم وبصراحه من الغبنه مالقيت غيركم اشكيله همسه للشخص.. حسبي الله عليك ونعم الوكيل.. دمتم بخير دائماً.. |
والله لو انا منك تسان لحقته
|
الله يعوضك ويخلف عليك ..
لكن الشخص اللي صدمك يمكن تبع اللي بالإسعاف وبيلحق عليهم .. !! طبعاً تصرفه غريب , ولا تتندم إنك ما اخذت اللوحة ماتدري وش الخيرة فيه .. لأنها مره صارت لقريبي وسيارته مو زيك صدام وبس , انعدمت السيارة , واللي صدمه هج وسيارته معفطه .. بس قدر يآخذ اللوحة من اللي شافوا الحادث , وبعد شهور مسكوا صاحب اللوحة , لكنه انكر وقال شوفوا سيارتي سليمة , أهو صلحها وخلص , ومافيه أي دليل انه هو اللي صدمه .. لايضيق صدرك بالحديد ولا فيك , الحمد الله على سلامتك , والله يهدي شبابنا |
والله يا اخوي وش اقولك الا الله يعينك بس .. فيه مثل بالكلية الأمنية يفهمونه الضباط يقول : ( وانت تمشي في الشارع اعتبر كل الي حولك يمشون بالسيارات مجانين وأنت العاقل ) وهذه لها عدة تفاسير ..
والناس ياخوي تراه فيه كثير منهم عنده ضغوط وحالة نفسية لا تقول هذا رجال ورزه صدقني لا تبقشت المور يطلع ما عندك احد نفسيته تعبانة .. وطبعاً الراي ان الي صدمك مخطي عليك في أكثر من خطاء .. أولاً : انه صدم سيارتك متعني يبي يمشيك غصب .. ثانياً : نزل وغلط عليك بألفاظ بذيئة . وكل هذا يعاقب عليه النظام والشرع .. بس عاد فاتتك أنك تاخذ اللوحة بس .. لو أنك أخذ للوحة كان اعلمك وشو الي يأدبه ويخلية المرة الثانية يقدر الناس ويعرف يمشي بالشوارع .. والله يعصمك من كل شر .. ومعوض إن شاء الله لا يضيق صدرك .. |
لاحول ولاقوة الا بالله
موقف غريب جداا والمفترض انكٌ اخذ اللوحه والانتباه لها في كل الاوقات الله يكون بعونك |
ماقصرتوا يا اخواني
والله هونتوا علي الله يكثر من امثالكم |
اما لو جبت لوحته بس . (لكن اذا انت تعرف السياره بالضبط .وش نوعه و لونه وكم موديله .يقدرون يحصون السيارات ببريده اللي نفس النوع ويجيبونه .أسال مجرب . مرت علي مثل حالتك تقريبا وبآخر شي جريناه مع اذانه.. ويوم جبناه قعد يتمسكن .قلت والله لو تنهبل لو انت ما هجيت وتأسفت والله لاقولك توكل على الله ما صار الا الخير .بس الحين معصي...
|
كان سجلت لوحت الرجال الاسعاف على اليمين ماهو يمه ليه منطلق سيارته وش |
أوليه بس تسان لحقته ودخلتله الخلفيه كله ..
|
الحمد الله على سلامتك هذا أهم شي
|
تسان ماوقفت يوم جاء الأسعاف المفروض تستانس انك تمشي انا لسمعت صوت اسعاف حتي لو هوبا الشارع الثاني قطعته:d
الله يعوضك |
انا مره صارلي موقف اصدمن واحد وهج
والحقه ويقطع ابو الاشارات واقطع وراو نص ساعه وانا امطارد انا وياه لامين مسكته ولا ونزل يفتن يبي يمد يده انا على طول رحت لام مفتاح السيارة وأخذته جنبي عمارة وأوز المفتاح بالسطح قلتله الحين وش تبي اتسوي واتصل على المرور ويجي وأخذ افلوسي غصبن عليه ولا تقول اخاف الحقه ويصدم خله يصدم ورح وخله لا تاقف خله يتادب |
جعـله البــــهااق وراه هج تساان لحقته
|
الحمدلله على كل حال .. ماتدري وش الخيرة فيه .. الله يعوضك يارب .. |
| الساعة الآن +4: 09:06 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.