|
هذآ مآحصل معي من محل العصر الحجري للحاسب ......
السلام عليكم ورحمة الله يسعد صبآح\\مسآء .. أعضآء المنتدى الغوآلي (h) ببدآ بكتابة موضوعي لعل أحد يساعدني او القى تجاوب من صاحب المحل لو شاف الموضوع يوم من الايام لاب توبي خرب وانا اتصفح في منتدى بريده ستي الا لقيت اعلان عن محل العصر الحجري وانهم يقومون بخدمة التوصيل قلت مالي الا هم اكيد بيخدموني على كبر الاعلان اللي حاطينه[من غير فايده للاسف] المهم كلمتهم وجا وأخذ جهازي وقال بصلحه بذيك القيمه قلت مو مشكله وكل ما ادق كان يقول مابعد وصلتنا القطعه من الرياض وبديت اتصل بين فتره وفتره ويقول تبي تجي القطعه ولا شفت شي وجا اتصال منهم قلت اكيد فرجت ان شاء الله وتصلح الجهاز وانصدمت انه يقول الجهاز ماصلحته وهو عنده فوق الشهر والله اني انصدمت يقول مالقيت قطعه طيب كان من الاول قلت وخليتني اوديه محل ثاني وقال بنرسله بكرى لك وارسله بس للاسف بدون شاحن وشنطه مو حقت جهازي بعد عدة اتصالات رجعتي شنطتي وشاحني وللاسف صاحب المحل نفسه مادق اقل شي واعتذر وقال آسفين ولا شي مهمآ كان الكلمه الطيبه لها دور لو كان قال كذا اهون بس يعطي احد يدق ويقولي بنرسلك جهازك والله قهروني حسبي الله ونعم الوكيل المغزى من كتابة الموضوع هو تنبيهكم انكم ماتغلطون غلطتي وبلا العصر الحجري بلا نصابين دام جهازي جآ برسله للرياض بمشيئة الله واخلي العصر الحجري لآهله |
حرام عليكي انك تسلمين جهازك لهم واضح من الاسم العصر الحجري يعني ماوراهم الا التاخير
|
هلآ أختي والله ماراح أكذبك باللي صآر :oo فعلآ المحل معاملتهم جدآ سيئه ونفس المشكله تقريبآ صارت مع وحدهـ من قريباتي وثقت فيهم وعطتهم اللاب حقهآ وبدال مايصلحونه أعدموهـ انا من قالو توصيل ومدري وشو وانا غاسله يدي :d واللي يقهر بعد انهم يسوون فيهآ ماسوو شي أهم شي لاتكررين الغلطه وتعطينهم جهآزك والوآحد المفروض مايعطي جهازه الا المحلات الثقه مو كل من هب ودب قال انا اعرف أصلح وأتمنى بعد الاعضاء مايسوون مثل ماسويتي وأخيرآ فيه أحد صار له مثل معاناة قريبتي يعني المشكله من المحل وصآحب المحل لكن حرام عليهم وربي شي يقهههههههههههههههههر مشكورهـ يالغلا ع الطرح ويارب المووضوع يوصل لصاحب المحل ويرد لك إعتبارك سلآمي .(f) |
المفروض أول ما شفتيه يماطل قلتيله أرسل الجهاز...أول مره أسمع إن فيه حاسب آلي في العصر الحجري:d:d:d
|
بسم الله الرحمن الرحيم..
السلام عليكم ورحمة الله وبركاته .. تحية طيبة وبعد ,,, أولاً / لايوجد محل على وجه الأرض لاتوجد لديه سلبيات عمل!! ثانياً / لي تعقيب على بعض الكلام الوارد من صاحبة الموضوع ومن الردود أيضاً ونحن لسنا معصومون من الخطأ ---------- الامر يوجد فيها مبالغات كثيرة جداً للأسف (لأايهم) 1- نعتذر عن سوء التعامل وسوء الفهم في أمور الشاحن والحقيبة ونأسف على ذلك 2- الأخت صاحبة القصة لها تعاملات معنا قبل هذا الجهاز وتم تصليح جهازين بأقل الأسعار ولم تذكر ذلك مع أنه يصب في مصلحتها .. ونحن هنا في محل العصر الحجري للحاسب الآلي نعمل على توفير جميع القطع خاصة لأجهزه المحموله من هنا أو من الرياض إذا لم نجد القطعه 3- صاحبة الجهاز تملك جهاز من النوع القديم والقطعه لم تتوفر لدينا وقد تم إبلاغك بأول اسبوع ان القطعه ليست موجوده حالياً وانها سوف تستغرق وقتاً اطول ونجد الاجابة انه لامانع لديكم اي ان القطعه لم تكون بحوزنتنا ولم نحصل عليها كما حصلنا قطع للجهاز الأول وقد تم الاتصال بكم مرة اخرى لاخباركم ايضاً انه سوف تصل ولكن ليس بأكيد في الاسبوع المقبل ولكن فعلاً لم تصل ونحن بلغناكم بعد ماتأكدنا ان القطعه ليست بحوزتنا 4-الشخص الذي يتصل بك هو الشخص المسؤول عن توصيل الجهاز وتبليغكم باموره ومستجداته وصاحب المحل لم يكون موجود وقد خول شخص آخر ان يرد ويتفاهم من عملائه والعميل يريد عمل ولا يريد أشخاص هذه امور إدارية ليس للعميل علاقة بها لو كان الشخص المتصل مخالف او معاملة سيئة فلك ذلك اقتباس:
إذا كان فيه مشكلة يتم التعويض او تصحيح الخطأ شكراً |
حسبي الله ونعم الوكيل
هذا جشع التجار وحماية المستهلك نايمه !!! |
اقتباس:
ومشكور ع المرور .. |
[center]
اقتباس:
هلابك أختي مانقدر نقول غيـر حسبي الله ونعم الوكيل وهذا درس لي وكتبت الموضوع علشان محد يغلط غلطتي ومشكوره ع المرور .. |
اقتباس:
بس راح تجي باليوم الفلاني ومشكور ع المرور .. |
اقتباس:
اولأ: ياليت توضح الأمر اللي أنا مبـالغه فيه ..!! ثـانيآ:ياليت توضحلي عن الجهازين اللي انت صلحتهم لي جهاز ايسر وعرضته للبيع وانت اشتريت ايش الجهاز الثاني اللي تتكلم عنه وباقل الاسعار صلحته ....!!!!! ثـالـثآ:نعم إنت اتصلت بس قلت أن القطعه موجوده وراح تأصل من الرياض بأقرب فرصه وجلست فوق الشهر انتظر القطعه وبالاخر .... المعامله السيئه من صاحب المحل السعودي للاســف |
:eek:
ماشاء الله خدمة توصيل مرة وحدة شكلنا بكرا بنسمع خدمة توصيل لأجهزة الجوال ماراح اقول ماعندك رجال يآخذ الجهاز ويصلحه ,, لا لا ,, بس ماعندك رجال يروح يطلع الشاحن والشنطة من عيونهم :42 بدون زعل |
ياجماعة الخير صلوا على النبي وراكم تجابستو كلن يصلح سيارتوههه ....
كل ابن اااادم خطاء وخير الخطائين التوابين |
الله يجزاك خير على التذكير والله كنت ناوي اودي جهازي لهم لكن .. بنشوف غيرهم |
اقتباس:
صاحبة الجهاز تتضرر والمحل يتأخر في تصليح الجهاز اقل شي يعطيها جهاز تمشي فيه حاله حتى يتصلح الجهاز |
| الساعة الآن +4: 12:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.