زوجتي من الكشك للبيت
 

زوجتي دخلت بإسعاف مستشفى الولادة الساعة عشر ليلا ورقدت الثالثة الفجر والساعة وحدة ونص الظهر ولدت
واستمرت في الكشك لين الساعة عشر بالليل وطلعتها للبيت على مسؤوليتي
وهذي ماهيب مشكلة كثر مهزلة تعامل الفلبينيات والأجنبيات عموما القذرات والإهمال من جميع النواحي
ونقول إن شاء الله قرب افتتاح المستشفى الجديد وتنحل مشكلة الزحمة
لكن يجب انه يوضع حد للعاملات الأجنبيات بالكشك أو بالمستشفى عموما
( والكلام عن زوجتي )
وكنت قبل بصراحة أمدح المستشفى لكن بعد ما سمعت هالكلام تغيرت نظرتي 180درجة
وألف تحية للعاملات السعوديات في المستشفى من دكتورات أو ممرضات أو غيرها لتعاملهن الراقي مع أخواتهن السعوديات
وفعلا مثل ما يقولون الشيبان ( ما يحك جلدك مثل ظفرك )
ونطالب إدارة المستشفى بالنظر في هالموضوع
لأن مو كل الناس قادرين على الحبيب أو الوطني

هذانا نجمع له الله يعين
والله يسلمك

الحمد لله على السلامه أولا ..

ثانيا: يقولون نرفزة المرأة وقت الولادة سبب لسرعة الولادة الطبيعية حيث تكثر التقلصات !! يعني ربما ينرفزن المرأة حتى تخلص سريع ..

الأمر الثالث : هي مرة كل سنتين على الأقل لذلك تحملّوا ياجماعة وربكم يفرجها ..

وأخيراً : الله يصلح لك نيتك وذريتك..آآمين.

ماجاها ضرب منهن!!
والسعوديات لايحطن عطورات يشبن علينا الالم !!

الحمد لله ع السلامه

ثانيا وشلون المولود

ثالثا 8 حريم يرقدن بغرفه وحده

رابعا البحرين جاهم مليار لبناء مستشفى متكامل وحنا كل محافظات وقرى القصيم تجي لمستشفى الولاده الي ببريده

اخوي الله يطول بعمرك هذي أم العيال الله يخليها لك والله لو ترقد بالمستشفى سبوع كان ماتدري وش تسوي انت والبزران ماتستقيم الحياة الا بها الله يخليها لك.