مستشفيات بريده رعب ونهب طيب الى متى .!!
 

السلام عليكم ورحمة الله وبركاته....

كلنا ندري ان المستشـفيات ببريده على صـنفين حكومـيه (رعـب) خاصـه (نهـب) الدكـاتره الي بالمسـتشفيات الحكومـيه هم نفسهم الي بالمســتشفيات الخاصه يداومون هنا وهـناك اكيد انهم بيسخرون كل مجـهوداتهم للخااصـه ولاراح يقومون بعملهـم على اكمل وجه بالحكومـيه لانهم مستفيدين من الخاصـه اكثر طيب الى متى وحنا لعبـة بيدين الدكاتـره ورجال الاعمـال الى متى وحنا نخاف من الذهاب لمسـتشفياتنا ..! الى متى نشكك بتشـخيصهم..! الى متى نتحمل سوء معاملتهـم..! متى نشوف كوادر طبـيه انسانيـه راقيـه............

قلت الرقابة هي السبب ..!!

شاكره لكما...

:i125 رعب مره واحده ليش حنا داخلين معركة :d
خافي ربك يابنت انتي لعبه بيدين الدكاترة :eek5
كلام مبالغ فيه

مابوش احد يسمع<
بالعربي(لاحياة لمن تنادي)
وانا من وجهة نظري انك مبالغه حبيتين

اولا شكرا على تفاعلكم ثانيا الي يروح ويشوف وضع مستشفياتنا مايقول ان كلامي مبالغ فيه والله انه هذا الي حاصل واكبر دليل مرضى السرطان والقلب وغيرهن مايعتمدون على مستشفيات بريده لوهي بالصوره الي انتم تقولون اجل ماراحو للرياض وشكو بتسخيص مستشفياتنا ولاهوب بس الامراض الخطيره حتى البسيطه صرنا نخاف نروح لهم ويقوولن ويروعوننا بشي اكبر مما توقعنا

اما بالنسبه للخاصه شوفو مستشفى الحبيب الجديد واساليب النهب الي به ولاعتقد ان به انسان عاقل مالاحظ هالنهب واستغلال الناس مستغلين ضعف مستشفيات بريده وردائتهم ومن صالح مستشفى الحبيب ضعف الحكوميه فلو زانت مستشفيات الحكومه ماضطرو الناس لهم ولالغيرهم و انا وانتم من الي منعمن الله علينا نقدر على تكاليف الحبيب لكن فيه ناس فقراء ماتقوى وين يروحون له اذا مستشفياتنا الحكوميه بهالمستوى الردي.... ارجع واقول مقدره تفاعلكم..:f:

اللي فهمته من كلامك ان ماعندنا مستشفيات حكوميه ببريده مثل التخصصي والعسكري والشميسي بالرياض .. وانا معتس بكلامتس مستشفياتنا محد يتكل عليه والدليل ان اي واحد منا يشخصون حالته مايتكل عليهم لازم يراجع اي مستشفى بالرياض عشان يتاكد من صحة كلامهم .. امم وبالنسبه للخاصه اتوقع مابه شى يميزه عن الحكوومي الا انتس تفتكين من المواعيد اللي كل موعد بينه وبين الثاني اقل شى شهرين والادويه تكون متوفره عندهم بشكل اكبر.. (اسال الله لي ولكم السلامه الدايمه والله لايحوجنا للمستشفيات)

جزاتس الله خير:f: ................ اللهم امين وشفا الله مرضانا ومرضاكم ومرضى المسلمين