|
حرام عليكم رواتبكم
بسم الله الرحمن الرحيم
أنا ماراح أشتكي ولا راح أسب ولا راح أقول شي بس بقول لكم قصه صارت لي اليوم في مدينة بريده اليوم طلعت من البيت رايح للحلاق وحصلت شي ممنوع عند الحلاق شي مايرضي البلدية وشفت أن هالشي لازم تعرف عنه البلديه فحاولت الاتصال على رقم البلديه 063251136 تحويلة المراقبة 277 و278 وللأسف مالقيت أي رد قلت ممكن صار لهم شي ممكن عندهم اجتماع وللأسف الموضوع طول وماحصلت اي رد منههم ورجعت للسنترال وقلت أبي رقم أي كائن حي في البلديه يسمع الي بقوله عطاني رقم يقول انه مدير وراس كبير ورقمه مباشر يعني بدون تحويلات ورقمه 063251204 قلت حلوو ووالله مافي نيتي اني اقول ماحصلت موظفيننك قلت يكفي نعلم على الحلاق لكن للأسف الشديد ان حتى المدير مارد علي ولا هو أتصال ولا أتصالين وللاسف مافيه رد وبعد تفكير عميق أكتشفت أن البلديه ماعندك أحد ومافيه أحد ينفع وماألوم الحلاق يوم أنه يلعب وعلى مزاجه والله شي يقهر ياخي كيف تحلل راتبك والله رواتبكم حرام عليكم اذا مامنك فايده أنا ماادري يعني معقوله بلديه كامله كلهم نايمين ولا شكل المدير مجمعهم بمكتبه ويلعبون بلوت يعني مايداوم بالبلديه الا موظف السنترال والسكيورتي؟ أنا ماأبي أشتكي ولا اسوي زحمه والشارع فاضي وبريده هذي مو ديرتي والله لو تحترق ماتهمني بس اذا هذا حالكم صدقوني ماراجح تعتدلون وأنا أدري أن كلامي هذا ماراح يسمعه أحد من هالروس الكبيره ماراح يسمعه الا كم واحد مثلي مافي يده لا حل ولا ربط لكن الشكوى مو للبشر الشكوى بس لله لقد أسمعت لو ناديت حيا ولكن لاحياة لمن تنادي |
جزاك الله خيراً
|
حسبي الله ونعم الوكيل عليهم أن الله يمهل ولايهمل |
الله يعين بس ماعندك احد
وانا أذكر إن وزير البلدية الجديد جاي لم بريدة ولازينو شيء |
ماغير ينهبون من الراتب ويخلون الأجانب يلعبون علينا .. ويقولون سعودة ومدري إيش وتعاونوا معنا فأنا وأنت مواطن وهم كلاكين ونايمين ومادريوا عنا والرشاوي تشتغل |
لاحول ولاقوه الابالله.
|
يسعد / مسائك - صباحك أشكرك حبيبي على غيرتك على من حولك فكيف لوكانت ديرتك وفيه رقم الطوارئ(البلاغات) 940 لو اتصلت عليه مممممممممكن تلقى أحد دمتم بخير |
ياخي كنت ابكتب موضوع عن الحلاقين بس سبقتن ابقول اللي عندي: امس كنت بالحلاق وانا احلق جاء واحد ودخل علينا وقعد يوم قعد ويفقع بوجه الحلاق قاله ياكلب ليش مافي البس قفازات بدى الحلاق يتعلث يقول في مشكل بيده وامر السعودي بدى يلجلج المهم الحلاق لبس القفازات وكمل حلاقتي يوم قضيت سالته انت من البلديه قالي لا مو من البلديه قلت اجل وراك تلج على الهندي قالي انا صاحب المحل وبدى يفضفض يقول انهم مرتين اللي يغرمونن وراه مايلبس قفازات والثانيه مايغير الموس قلت الله يجزاهم خير امر تقل حقد علي قلت بامان الله واطلع الصدز ياعيال توي احس اننا اوادم ولنا قيمه بالعاده اي شئ حكومي به مذله وسلامتكم |
لاحول ولاقوه الا بالله
|
940 هو المسؤال عن البلاغات والشكاوي ..
|
وبريده هذي مو ديرتي والله لو تحترق ماتهمني بس
عساك انت تحترق ولا تهمنا وش هذه الاسلوب شكلك بنقالي ليش موب انت سعودي :i121:i121:i121 ليش ما تذكر سبب مشكلك |
للبلاغات والشكاوى الرقم 940
جزاك الله خيرا |
خليهااا على ربكـ
لين يفرجهااا |
مشكور حبيبي
لكن لو معطي الحلاق كف لم يبتريم صابره وردله بم خماس ولعنن ابليسه كن احسن ومقوله تقول لا تتعب الجوال وتعب ايدك مشكور |
| الساعة الآن +4: 07:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.