السؤال.... لماذا يظهر شكل قفل في جوال نوكيا وغيره ....عند الإتصال....
 

السلام عليكم ورحمة الله وبركاته

ياحظكم ياحقين قسم الجوال

احس انكم محظوظين في المجتمع اللهم لا حسد ..

كل الناس تحبكم ويدورون رضاكم لأنكم واسطه

بس مو دائم أحيانا نلـ .....

المهم :

هالأيام ياشباب اشوف جوالي النوكيا

يطلع فيه مفتاح في أعلى الشاشة كل ما أتصلت على أحد ..

وإذا كلمت بالجوال الثاني اللي هو الأريكسون

يطلع فيه ( مثلث غريب ) مثل شعار ممنوع الدخول او مثل كذا ...

فهل هذا بسبب ضغط الشبكة أو فيه أحد يراقب جوالاتنا

او فيه شيء مانعرفه متغير في الشبكة الخاصه بالجوال او هو تشفير او ماذا..؟

ياليت تعطونا الجواب إذا عندكم خبر عن هالشعار الجديد ..

وإذا فيه أحد معه غير هالنوعين من الجوالات

ياليت يشوف جواله وش يعطيه عن الإتصال ..

لأني ملاحظ هالشيء من يومين او ثلاثة ..

وتحياتي لكم يا أحسن ناس ..

الله يخلي منتدى الإصلاح !!!!!!!!!!!!!!!!!!!!!!!

والله وأنا أخووووووك ماطلع لي مثل اللي تقوووووووووووول!

ودمت بخير

ياهلا بك والله وغلا يالملثم ....

انا مثلك معي جهااز نوكيا ويطلعلي مثل القفل الي انت تقول ....

وهذا القفل مايطلع الا اذا كان البرج الي انت تتستقبل منه وصل ضغط المكالمات الي 90% فأكثر ....يعني يخلي الشبكه مشغوله اذا تعدت الـ 90%

المشكله هذي ماطلعت الي من بعد ما طلعوا شرائح سوا ..

تشوف ماهنا هندي الا ومعه جوال ....

صارت مقسمات جوالات سور اكثر من مقسمات الجوال العادي ...

اي سؤال عن الجوالات انا بالخدمه..

مرجوج ..

اموت على هيك خبره ...
شف يالملثم .. اي شي تبيه عن الجوالات والمسنجر ..

عندك دختور المسنجر والجوالات ابو الرجه مرجوج ......

لاتخاف يالملثم : لن يصيبك إلا ماكتب لك .


.................................................. ....

الطير: مشرف منتدى الاستقبال


اترك عنك اللمز والتعريض ............ فرْح إنك متصفح منتدى الإصلاح .

اعقل واثقل ، واترك عنك هذه الأساليب الرعناء التي استعملتها مع أكثر من كاتب والله أعلم.

ٍٍِِ

أخي الكريم ماقلته لايظهر إلا في منطقة القصيم أما في الرياض فاإخوان يقولون لايظهر ..

عموماً حينما سألت أحد الإخوة عن ذلك قال إن هذا القفل دلالة على حسن وكثرة الأبراج ..

والله أعلم ،،،

حمقون :

كلامي لايفهمه إلا العاقلون ...

ودمت بخير ...

السلام عليكم
يا شباب انا عندي طرف خبر عن هذا القفل
يقال عندما يزيد الضغط على ابراج الجوال فانها تفتح مقاسم اخرى بنفس البرج (اللي مثل سماعات الصوت اللي تشوفون باعلا البرج)
وهذا علامة على فتح هذة المقاسم
ــــــــــــــــــــــــــــــــــــــــــــــــــ ــــ
والرواية الاخرى
انه مثل ما قال الاخ مرجوج من قبل وهو عندما يزيد الضغط على البرج اكثر من نسبة معينه فان المكالمات تكون غير امنه يعني تلتقط مكالمتك ما عليهم منك
لان هناك حد لامان المكالمة . مثل بعض الامان المتطلب لبعض المواقع على النت لسرعة الاتصال
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــ

http://www.shojoon.org/album/animati...shojoon504.gif