تكفون أفضل ورشة تعديل مع شوية سمكره ببريده
 

السلام عليكم
بالله يا أخوان اللي يقدر يفيدنا عن ورشة تعديل وسمكرة عليه العلم وسعره معقول
السياره ولله الحمد صار عليه حادث وتحتاج سمكره وفيه أشياء ماودي تسمكر يعني فيه مجال للتعديل ولا أعرف عن الورشات شي
ياليت تدلوني على ورشه شغلهم تمام وسعرهم معقول
السياره كامري 2009
وشاكر لكم وجزاكم الله خير وانشالله ما حد منكم يحتاج لأي ورشه : 12

ورشه كروه بصناعيه الرواف ..
يرجعون الموتر وكاله .. بس أوطى على خشم الريال ..
وأيضا ورشه الحربي على طريق عنيزه ..

أشكركم بشده
ان شالله اليوم أمرهم
بس أنا ودي أزيد الخيارات شوي
تعرفون الورشات كل يعطيك سعر
وأحيانا يصير الفرق كبير بينهم
والله ما قصرتم

اقتباس:

يرجعون السيارة أحسن من الوكالة إسأل مجرب ,,,

يا كافي ؟؟؟؟؟ :113:


عاد أحسن من الكالة .. اقول دور غير هالحتسي ..

والله يا أخوان اليوم من الفجوره وانا حول صناعية الرواف
المهم مريت كم ورشه ومن ضمنهن ورشة كروه
وقابلت المسئول عن استقبال السيارت تصدقون عاد وش قال
قال لازم نغير الباب الأمامي والخلفي وتجيب لنا السكمه ( وهي شي أول مره أدري أن اسمه سمكه ) يعني اللي بين الباب الخلفي والكفر
قلت وش فايدة الورشه لا صرت أبدل ذولي أروح لأغبى بنقالي وأبدلهن وتطلع جديده
خاصه وأنهن كلهن يمكن سمكرتهن على الأقل
قال أحنا عندنا شغل نضيف قلت يا خوي اذا أنتم مزحومين قل والله مزحومين ولا نقدر نستلم السياره
أما تستخدم هالأسلوب
قسم بالله كرهت هالورشه وأبا أمر اليوم عللى حقات السالميه والله ييسر

فيه واحد ممتاز ورخيص
في صناعية الرواف عندما تترك ورشة العتيق على يدك اليمين وأنت متجه للغرب فيه ورشه على اليمين
لوحته خضراء وأسمها الجفائر .
مديرها سوداني طيب .
رد لي وش صار .

الزين .... ورشة الفوزان بصناعية الرواف وسعرهـ مناسب جدا

اسمع فيه طال عمرك في الشارع التجاري ورشة الدسم
فيه هناك سوداني اسمة بشير سلم عليه بقوه وقل له يازول السيارة سيارتك وابغاها جديدة

وازهلها مممممم واذا ودك تقوله انا جايك عن طريق ابو محمد بيضبط امورك الصراحة شغلهم شي

هو مو مطلعها احسن من الجديدة بيطلعها اقل شوي :41

مااالك الا ورشة السعاااده بالضاحي ....؟ اللي ع طريق التشليح شغل عدل ...؟

لا تنسى تمر ورشة الحنيني على طريق السالميه مقابل جفار ومر بعد جفار
الله يعينك ويقويك

عندك ورشة العجلان بصناعية الرواف ... رخيص وكويس.
صلحت عنده سيارتي -تعديل بس- والنتيجة كانت رائعة. وكان عنده سيارات فاخرة جدا يصلحها.

الوصف: وأنت بشارع الرواف متجه إلى المحكمة أدخل يمين قبل الهبدان مباشرة، ثم لف مع أول لفة يمين... أول ورشة يمين وقف عنده.

لكن ترى التعديل يبي يخلي بالسيارة أثر ولو بسيط، مهما كان السمكري حريف.