![]() |
الى متى نسكت ؟؟الين نطيح احنا يالحريم وحده ورى الثانيه؟؟؟
بسم الله الرحمن الرحيم ارجوا من أخواني المشرفين عدم إغلاق موضوعي هذا.. والله أن الأمر عاجل وخطيرررر ..وبسببه دخلت للمنتدى وعرضته مع العلم أني في السابق من المتابعين لأخبار بريده.. يااخواني الموضوع ماعاد ينسكت عنه زي أول..!!!:eek5 خلاص مانقدر نتحمل..!! اغلى ماعلى الأنسان شرفه وعرضه..!! اخواني اتمنى ..اتمنى..اتمنى..أننا نلاقي حل مو بس تعليقات لاتسمن ولاتغني من جوع.. اذا هناك احد صحفي اواي احد يستطيع ان يوصل صرختنا لملكنا عبدالله فااقوله تكفى لاتتردد:eek5 ياجماعه حنا الحريم اذا رحنا لسوق مايحصل ان يكون معنا رجال بسبب انشغالهم فصرنا الحين نخاف نروح للاسواق والمراكز بسبة اليمنيين.. والله العظيم ياناس ماتتخيلوون وش قاعد يصير اذا الحرمه دخلت محل من هالمحلات الي يبيعون فيها اليمنيين !!! انا اقولكم من واقع تجربه ..وصارت قبل يومين ..دخلت مع أختي لمحل وأنا بطبعي حريصه منهم واذا احد منهم قرب لي ابعد عنه على طول..لاتستغربون ايه الواحد منهم اذا شاف الحرمه لصق فيها..والي ماتنتبه تضيع..المهم أنا منتبهه لحركاتهم بس نسيت أختي وهي بالعاده قليل ماتروح للسوق بحكم أني انا الي اجيب لها الي تبي ..بس ذاك اليوم راحت معي ..ويوم دخلنا المحل ..التهيت بالبضاعه الي قدامي ونسيت اختي ..هي متغطيه بس ماتعرف لحركاتهم ..وانا قاعده اقلب البضاعه بيدي واسمع صوت اختي تقول "مابي..ماابي" ..التفت واشوف الكلب اليمني لاصق ويمد لها يده "بعلك اللبان" ويقول لاا والله غير تجربيّه..والله ياجماعه ان يده لمست صدرها..!!!!!!!!!!!!!! أنا التفت و كان ودي الفعه بالشنطه على خشته هالملعون بس مسكت نفسي ورحت وسحبت اختي من عنده وقلت لاااا مانبي..وطلعت من المحل.. ياناااااااس والله خانقتني العبره كل ماتذكرت هالموقف..ربي ستر على اوخيتي ولولا اني معها كان الله العالم وش كان بيصير.. واذكر وحده من البنات يوم كنا بالكليه نسولف عن المحلات الزينه ..وحده من البنات قالت المحل الفلاني فيه بلايز زينه..ردت وحده قالت انتبهي منهم..!!! فيه وحده دخلته وبزاوية المحل حشرها اليمني وسحب شنطتها وقال اكيد فيها فلوس اليوم الراتب.. والله ياناس هذي كلمة البنت..وفعلا رحت مع أمي لنفس المحل ولاحظت تصرفاتهم ماهي طبيعيه ..حتى أمي قالت هذولا ماهم صاحين بالذات هذاك كل ماسالته كم هذا لصق فيني..!! ويقزووون الحرمه من فوق لتحت..!!! ياناس..ياعالم..وش اقول وش اخلي ..الموضوع مزري جدااااا الى متى وحنا نعيش حالة الخوف..؟؟؟؟ وانتم يارجال وشلون تنزلون حريمكم بالسوق وتروحون؟؟ الوضع موو مثل اول !!! من يوم كثروا هاليمنيه باسواقنا والبلاوي تزيد.. اعذروني على الاسلوب.. بس بعد الي صار مع اختي ماقدرت اتحمل..:eek5 |
السكوت من قبلنا خلاهم يتمادون
ترى حنا نسكت ومانقول لاحد وهم ماهمهم بايعينها |
ارجو منك ذكر اسماء المحلات كي لاندخلها وتشهير لهم لتفسد بضاعتهم
|
أختي العزيزة
التعميم مو زين أبداً اليمنيين إخواننا في الدين وفيهم الكثير من أصحاب الدين والأخلاق الحسنة والسلوك الطيب والشهامة والمرؤة والرجولة والغيرة على العرض . وهم أحسن بكثير من غيرهم وصدقيني اللي شوه صورة المرأة السعودية في عيون اليمنيين وغيرهم هن بعض السعوديات قليلات الدين والحياء .وقبل ما ننتقد أحد لا زم ننتقد أنفسنا ونحاسب قليلات الحياء من السعوديات وأشكرك أختي العزيزة |
ماعليش اختي
لكن الخطأ والعيب مو من اليماني إلا منكم أنتم بالذات .. وين ابوك وين اخوك وين زوجك ,, وين عيال عمك وين عيال خوالك .. هالحين وشلون تطالبين بصحفي أو أحد يوصل صرختك للملك ...!!!!!!!!! ليه مابلغتي الهيئة بساعتها ..؟؟؟؟؟؟؟؟؟؟؟؟؟؟؟؟؟؟؟ ليه مابلغتي ابوك او اخوك او زوجك ..؟؟؟؟؟؟؟؟؟؟؟؟؟؟؟؟ ماخلا العمال تتمادى إلا سكوتكم .. نعلبو بليسكم يعني لو توصل إنهم يغتصبون بتسكتووون بعد ,,, الله يستر .. أنا في يوم وكنت مبلغ وجت الهيئة وكانوا من هيئة السوق .. حكيت له عن كثرة شكاويكم وفعايل العمال ... عارفه وش قال رجل الهيئة ..؟؟؟ قال : نعلم عن تصرفاتهم ولكن المشكلة في المرأة نفسها , إذا طلبنا منها الشهادة أو التبليغ ترفض ..؟؟ فكيف يعاقب اليماني وغيره .. إذا أنتِ وغيرك رفضتوا الشهادة أو التبليغ عن اي تصرف يبدر منهم ..؟؟ مافيه عقاب بدون دليل أو شكوى .. جاوبيني أنتِ وغيرك ,, ليه ترفضوووون وتتحاشون إنكم تبلغووووون ...؟؟؟؟ السبب معرووووووووووف وبكل صراحة ,, بكل صراحة أنتم تثقون في العمالة أكثر من السعوديين مليون مرة :( ,, واقصد الجميع نساء ورجال .. عشان كذا تحملوا اللي يحصل المهم المال السايب يعلم السرقة والمرأة ليست مال ,, بل كنز ,, فإذا الرجال ترك هالكنز بين هالعالم ,, وش نتوقع يحصل ..؟؟؟ أخيراً رسالة لكل إمرأة تذهب إلى السوق ويحصل لها تحرش من أحدهم .. أو في أي مكان لتخرج خارج المحل وتصرخ وتنادي ,, وشوفي لحضتها وش يصير لكن تجين هنا وتصارخين وتشكين .. فبصراحة ملينا من هالمواضيع |
اقتباس:
أشكرك أخي صمت النار |
ياجماعه عزالله صدقتوا فيه بعض الحريم الله يهديهن لبسها ماهو محتشم..
وكلامك سليم ياخوي بدوي اصيل.. بس انا ابتكلم عن نفسي ولله الحمد متستره انا واختي والله شاهد.. صمت النار..صدقت يااخوي المشكله فينا حنا..بس ياخوي مانبي الفضايح نبي الستر.. |
اقتباس:
هذي المشكلة تبغون الستر ...!!!! يعني لما تبلغين عن إنسان تحرش بك , يعتبر فضيحة في نظرك ..؟؟؟ اجل خليني اقولك إن الراضي كالفاعل .. وبما إنك رضيتي على السكوت على فعايلهم فأنتِ راضيه بفعايلهم .. ياليت تتكرمين علينا وتبيني وين الفضيحة في تقديم شكوى وبلاغ في حينها ,, أو حتى إبلاغ زوجك أو أخيك أو والدك ..؟؟؟؟؟؟؟؟؟؟ أرجع واقول واكرر دام إنكم تسكتون فليس لنا الحق بالهجوم على العمالة أو الإساءة لهم .. |
اقتباس:
أنا مصدقك ومتعاطف معك ومع أختك.أنا أزعجني تعميمك اليمنيين فيهم الخير والشر مثل السعوديين وغيرهم ونسأل الله يستر علينا وعليك في اليمن لو تشتكي واحدة لأبوها أو اخوها من شي زي كذا ما في عندهم رحمة في شي يخص العرض بيقتلون المتحرش زي الكلب |
اقتباس:
صمت النار.. روح ياشيخ الله يجزاك الجنه.. |
اقتباس:
أنا اتكلم عن الغالبيه الي يبيعون بالمحلات..!!!! هذي تصرفاتهم..!!!!!! واكيد بكل مكان به الصالح والطالح..بس نبي هالطالح ينردع..!!! |
لاتكبرين الموضوع وتسوين بلبله لو اختس متستره وماسكه دربه ماتميلح عليه اليمني وسوا معه هالحركات وكلنا نروح للاسواق ولاعمرنا شفنا هالي تقولين لانك اذا صرتي محترمه نفسك يبي يحترمونك وهل يعقل انه يبي يتحرش ببنات لابساتن عبايات ساتره ومتغطيات زين.......!!!!!!! قبل لاتحطون اللوم على هاليمنى راجعو انفسكم لان الحرمه هي الي تجيب الشر لنفسه... اللهم عافنا مما ابتليتهم به
|
اقتباس:
هنـآ تقع الكـآرثه والمصيبه تبغين الستر على حسـآب عرضك وعرض آختك المسلمه ليش آحنـآ وين عايشين آحنـآ ولله الحمد في دوله يحكمهـآ دستورنـآ القرآن وسنه نبينـآ محمد عليه آفضل الصلوآت وآتم التسليم في موقف حصل لـ قريب لي قبل فتره في يماني بـ سوق الحريم يبيع بـ محل عبايات وضع رقمه دآخل كيس آخته فلم تقل آني فتـآه آريد الستر وسكتت بل قالت آنـآ آريد الستر وآخذ حقي فـ آخبرت آخيهـآ بتلك الموضوع فذهبت آنـآ وآخيهـآ لتلك اليماني بـ المحل وضربنـآه ضرب سنه بساعه يوم خلصنـآ وفكونـآ النـآس كلمت وآحد من معارفي شغال بـ هيئه السوق فـ آرسل لنـآ آثنان من رجال الحسبه وفقهم الله وسدد خطاهم مع العلم لم يلحقنـآ ولو شيء بسيط غير آخذ التعهد علينـآ من قبل شرطه بريده الجنوبي بعدم التعرض .... رآجعنـآ فرع هئيه السوق وسجل محضر بتلك القضيه ولم آرى تلك اليماني ... بعد ذلك اليوم ولآ آعلم آين ذهب ...؟ فــ آخوآتي مهمـآ حصل يجب آن تخبرووو آهليكم بذلك ... فما فيه آحد مـآيغـآر على عرض آهليه فلو كل بنت آخبرت آخيهـآ آو آبيهـآ بذلك لم يتجرى آين كان آن يفعل شيء ولكن " من آمن العقوبه آسـآء الآدب " آسف على الآطـآله * |
اقتباس:
|
الساعة الآن +4: 02:47 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.