|
هذا ما حصل في مستشفى الحبيب
ذهبت زميلتي لمستشفى الحبيب لموعد لها وتقول وقفت عند المصعد وكان دكتور واقف بجنبي عند المصعد الثاني جاء المصعد اللي واقفه انا عنده ودخلت ودخل معاي
قال أي دور تبغين قلت أبغى قسم الغدد قال والله ماأعرف وين قلت مافيه مشكلة خليني أنزل بنفس الدور اللي راح تنزله واسأل عن القسم هذا الحوار اللي دار بينها وبينه وتقول رحت لدكتور الغدد وطلب مني تحليل وقال تطلع النتيجة بعد ساعتين قلت أروح للبيت وبعد ساعتين أرجع وتقول انا بالبيت وياصلني مسج من رقم غريب يقولي معليش ماكنت أعرف وين قسم الغدد لكن تلاقيه بالدور ...نسيت والله أي دور ومن بكرا أرسلها مسج يسألها عن المستشفى هو عجبها أو لا وزميلتي مطنشة ما ترد في اليوم الثالث قام ودق عليها وما ردت السؤال...... أنا داخله المستشفى وكلي ثقة بان البيانات اللي يأخذونها سرية وما يطلع عليها أحد |
تقبل مروري
|
آفـآ قويه صرآحه..!! طيب ورآء مـآتكلم آخوآنه يرحـون يكلمون الادآرهـ..!! آمآ تجي هنا وتكتبي مـآرآح آحد بيفيدك..؟ |
طيب وش نسؤي نرقص؟
رقم خلاص لاترد علية وهذا عمل فردي لاتعمين ادارة المستشفى كلة وثاني شي وش معلوماتة؟ يعني بتصورك مايدري احد ن رقمك بالملف لو يبيك؟ حنا مو بامريكا نظامنا خرطي؟ وثالث شي وش مطلعكم للحالكم للمستشفى وين اهلكم يعني اكيد انتم متنقبين؟ صح لو ساترين انفسكم ماكلمكم:42 |
مستشفى الحبيب مستشفى خايس وأنا لي موقف معهم جعلني أقرر إني ما أتعامل معهم للأبد ومشكلتي معهم وصلت لمدير المستشفى الذي أخذ رقمي وقال سأتصل بك لإنهاء مشكلتك وإلى يومكم ماتصل له أكثر من 20 يوم أخس مستشفى ببريدة هو مستشفى الحبيب واللي ماجرب لا يمدح رجاء الوعد إذا تعاملتوا مع هذا المستشفى الراقي بمبناه الحقير بإدارته وموظفيه . |
الله يستر على بناتنا وبس هذه خيانه سواء منه او من اي احد ساعده وخلاه ياخذ المعلومات من الكمبيوتر حقيييييييرررررررر
|
الله يستر على بنات المسلمين
هذا امر ماينسكت عنه وطاح من عيني المستشفى سراحه الي يسون الحركه ذي استغفر الله بس |
خلاص لاترد عليه ولا تلقي له بال وشوله كل هالفوضى والهرج الفاضي وبعدين الشر بكل مكان بالحبيب وغيره
|
دخلت معه الاسنسير لحالها
عرض خدماته وقبلتهن بعدين من الذهانه طالبة الاسنسير وهي ماتدري باي دور وجهتها؟؟ منين تفكر ؟؟ طبيعي يتمادى ولا اشك انها جازت له والا وشوله يرسل ويدق !! عاد هي محتشمة هي تميلحت وهي تكلمه هي وش اللي لفت انتباهه مادري عنها الله اعلم هو عنده حريم اشكال والوان لو يبي من ممرضات او عاملات او مادري مين الحل لو هي جادة متضايقة من تصرفة تبلغ عنه اما الهيئة او زوجها يمهن طوايفة واللي جابوه اما ادارة المستشفى مهيب مضحية بعقدها ودكتورها عشان رسالة والا اتصال او الحل الاضعف تسهجه والحقران كفوه هو واشكاله |
ياناس مو كذا تتكلمون انتم دخلتم في ذمتكم اشياء
مايدري عنها الا الله سبحانة والله الناس تخوف معقول ماعاد يفكرون بيوم القيامة لايغادر صغيرة ولاكبيرة الااحصاها يارب تستر علينا بسترك |
اقتباس:
كلام سليم 100% |
معقولة طيب وش سوى ولي أمرك لا تقولين ماعلمته أخاف يشك بي بسرعة علمية ترى هذا الي يخربنا وقولوا للهيئة هم يتولون الأمر |
الله يستر على بناتنا وبنات المسلمين
ومن المفترض ان يكون مع الانثى في الاماكن العامة كالمستشفيات وغيرها احد من محارمها قدر المستطاع لأن الشيطان حريص ....................................... والسؤال هل الدكتور سعودي او اجنبي ؟ مع عٍظم الجرم للاثنين........؟ |
اخبري الهيئة لانك اذا سكتي راح تتسترين على واحد خبيث
انتي عفيفه ولكن هناك بعض البنات يلعب عليهم الشيطان اخبري الهيئة والامر بالمعروف والنهي عن المنكر واجب على كل مسلم ومسلمه قولي لهم هذا المسج ارسله لي وهذا رقمه واتصل علي خذ رايهم هم ابخص بهذه المواضيع مشكلة بعض البنات تسكت عن هذه الامور الاخلاقية بينما هولاء الملاعين ينشرون الفساد بيننا |
| الساعة الآن +4: 12:02 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.