|
((( كانت ))) تحب الصلاة ... وش السواة تكفون ؟؟
السلام عليكم أعضاء وعضوات بريدة سيتي أملي بالله ثم بكم كبير لايجاد حل للي باطرحه هنا تعرفت على وحدة من الأخوات بحكم الجيرة منذ فترة أقدر أقول عنه ( طويلة ) وأصبحنا صديقااات وعرفت تقريبا عنها كل شيء وهي الآن في حالة من التشتت لا يعلم بها سوى الله عَرَضَتْ مشكلتها على مواقع فتاوى مع انه ما تحتاج فتوى وكلمت شيخين او ثلاثة لكن للأسف ردوا عليها بهواش واتهموها بأنه خرجت عن الملة ..! وتعقدت أكثر ... البنت حالتها النفسية سيئة حرام يقولون لها كذا : ( فقلت لها انتي ما تحتاجي شيخ انتي تحتاجي اخصائي نفسي أو ليقظة ضمير وتضايقت زووود وبلشت به فقلت له عن المنتدى وان شاء الله قريب بتسجل به وكيف ان ردود بعض الاخوان والأخوات هنا فيها حلول لبعض المشكلات اللي تطرح بحكم طبيعتنا البشرية الواحدة بقولكم مشكلتها - بعد ما استأذنتها طبعا - وان شاء الله تلاقون معي حل لها أختي هذي ( كانت ) حريصة ع الصلاة بشكل ما تتخيلونه الصلوات بأوقاتها وتؤدي النوافل بعد بعض الصلوات وكنت أشوفها بزياراتي لها أو العكس تختم كل صلاة بدعاء وتبتسم لما تخلص من صلاتها تشوف الراحة فـ وجهها سبحان الله ( كانت ) حريصة ع أذكار الصباح والمساء ع سنة الشفع والوتر ( كانت ) تصوم فـ بعض الأحيان الخميس كتطوع كانت تعيش فـ سلام داخلي مع نفسها رغم كل مشاكلها المعقدة لكن من تزوجت وحاله انقلب صارت تأخر الصلوات وتجمعهن ثم شوي شوي بدت تتركهن وتصليهن من اليوم الثاني همن الحين تقولي : ( تصدقين في صلوات أسبوع كامل مادري شلون أقضيهن ؟؟!! ) وأكيد من باب أولى تركت النوافل والسنن والأذكار مو عشانه عاشت حياة سعيدة مع زوجها والتهت عن العبادة ... لأ هي استانست كام يوم معاه وبعدين ابتدت المشاكل تجيها حتى فـ حياته الزوجية وكأن جاتها حالة اكتئاب وقنوط هي كانت هاربة من مشاكلها بـ هالزواج وانصدمت لما ابتليت بـ هالزوج تقولي ليش حياتي كذا ليش ربي كتب لي الشقا وأنا انسانه ملتزمة صارت وحدة ثانية قبل كانت تخاف اذا سمعت الاقامة وانه للحين ما صلت والحين عادي عنده ... تقول عجزت لأحس بالخشية ودي اذا سمعت كلمة الله اخاف ودي اذا صليت أخشع طبعا هي ما تترك كذا عمدا ... مثلا تنام وتحس بثقل لما تصحى للصلاة أو حتى لأي غرض ثاني تنام بشكل مو طبيعي حتى زوجه قاله هـ الشيء غير النوم .. لما تصير فـ عذره الشرعي اذا اغتسلت تلاقي صعوبة ترجع للصلاة مع انه قبل زواجها كانت تتشوق للصلاة والمصحف خلال هـ الأيام الله يخليكم أبي له حل .. عجزت عنه بلحالي أنتظركم والله يجزاكم خير مقدماً وتكفووووون ياللي بتدخلون تهاوشون أو تكفرون .. لا تردوووون ترى حنا مو ناقصين ... . |
حيآكـ الإله ..الأمل بالله.. في الحقيقة الحالة هذي كثيرآ ما نصاب بهآ ..يلتزم الإنسان بشدة ..ثم يأتيه نزوات وهفوآت وشهوات ثم لآ يلبث أن يعود إلى رشده .. لكن ..لم أفهم هل هذه الحالة متعلقة بزواجهآ..؟ أي بسبب مشاكل الزوجية ؟..أم أن هناك امر آخر وراء هذا الإنفلآت..؟ وهل ثقلت عليهآ العبادة بعد ما فرطت هي بنفسهآ ؟.. لأن الله سبحانه يقول " وما أصابكم من مصيبة فبما كسبت أيديكم ".. وهل للزوج دور وراء هذا الإبتعاد عن عبادتهآ..؟ ..أثقلتكـ بالأسئلة ..لكني أردت أن أعرف كيف إبتداء المشكلة... ..وعن قولها ليش ربي كتب لي الشقاء وأنا ملتزمة .. وهل السعادة محصورة لغير الملتزمين..؟ ربما انه كان إبتلآء ..لأن المؤمن يُعرف بقوة إيمانه وصبره حال الإبتلاء والضيق.. أسأل الله أن يثبتنا وإياها ويقوي عزائمنآ.. :f: |
انا اعرف وحدة كانت كذا ولله الحمد تغيرت
طبعا عاشت بتخبط طويل لكن لجئت لله وللرقيه الشرعية والحمدالله صحيح تعبت وجاهدت والحين ياربي لك الحمد شخص ثاني خليها تروح لراقي او راقية او اذا هي تقدر ترقي نفسها الله يرجعها ويثبتها على الدين |
الله يثبته ع دين يمكن الي فيه عين خليه جهد نفسه وتقرا القران وتقرا البقره وجبوله ماء مقري علي اذ كنت متقدر تقر قران او تروح لشيخ وتحفظ ع الورد ودعوله الله يرجعها كما كانت وحسن |
اهدي لها كتيبات عن التوبة وخليها تقراء
كتاب لاتحزن تراه يصلح لها |
اقتباس:
هلا بك يا غالية اقتباس:
ياليت الله يسمع منك اقتباس:
اي متعلقة بزوجه وأسلوب حياتها معه ... من تزوجته وهي مكتئبة اقتباس:
هو ذاك .. كرهت نفسها والناس .. حتى أنا تغيرت علي اقتباس:
الزوج غير ملتزم بالصلاة ... اقتباس:
( ليش ربي كتب لي الشقاء وأنا ملتزمة ) هذي الجملة دايما ترددها .. أحس انه يائسة من الدنيا ... شكرا لك لغز الحياة الله يبارك فيك |
اقتباس:
كانت تروح والحين رافضة حتى ما تقرأ ع نفسه وتحسين به اذا جلستي معه انه ضايقة قوة انه ما تصلي ولما أقوله قومي معي نصلي تقوم بثقل بس صلاتها الشاهد الله كاملة بس تقول ما أخشع وتبكي |
سؤال
شلون تنام عن الصلوات ؟؟ مثلا يمكن تنام عن صلاة الفجر لكن صلاة الظهر والعصر والمغرب والعشاء ماحد ينام في هالوقت اتمنى التوضيح |
هناك علامات واضح فيها اثر العين مثل :
الكسل النوم الزائد عن المعقول الفتور عن العبادات اليأس من الحياة وهو من علامات العين الشديدة الاكتئاب وقد تكون تعرضت للمس وهو مايسبب ثقل شديد في اداء العبادات . وتحتاج الى شيخ متمكن بعد الله في هذه الامور حتى يوضح ما اصابها اذا كان مس او عين او سحر فالاغلب ان حالتها تحتاج الى رقية .. الله يصلح احوالها واحوال المسلمين |
هل الزوج كان عائقا في مواصلتها مع الله (لايعينها)؟؟؟
اذا كان كذلك , انصحها بان تصبر على الزوج وتتحمله حتى تتمكن من هداية زوجها . فخدمتها لزوجها هو نوع من العباده. |
اقتباس:
مشكورة حبيبتي والله يوفقك |
اقتباس:
زي ما قلت فووق ... كانت تروح لشيخ والحين رافضة مشكورة يا غالية ع النصيحة |
اقتباس:
الله يبارك فيك |
أختي هي زي ماهي محتاجه تتعالج
محتاجه تعالج نفسها بالأول أعني بكلامي لازم تكون مؤمنه ان الله راح يشفيها وأن كل ماضاقت فرجت وتبدل كل شيء سلبي بألفاظها كذا بأذن الله راح نتخلص من أكتئابها لأن مو لدرجه مخيفه الحمدلله هي قادره تتواصل معكـ بعدين ألي به مانقدر نحكم عليه هو مس أو عين هذا ممكن تبحثي بقوقل عن علامات الأصابه بالعين ممكن يكون أحد أقرباها هو من تسبب لها بهالشيء وهو مو قاصد فتاخذ منهم إذا تأكدتو من عند مطوع أن ألي به عين أما أن سالفت الظروف ألي كانت تمر به أحنا ماندري عن مدى قوه الضغط ألي تعانيه من أول عشان نحط أحتمال أنه تفاجأت بعد ما أعطت نفسه أمل أنه بتلاقي حياه أحسن بزوجها ووتاجأ بمشاكله وتدهور حياته بزياده وهذا ممكن يسبب لها رده فعل قوته حسب قوه الضغط ألي كانت تعانيه المسأله معقده لأن فيه بعض الأمور يبلها وضوح أكثر لكن نحترم خصوصيتها ولا ودنا نكثر أسئله بس تبدىء هي بالأيمان بشفاءها وهذا هو أول المشوار بدونه لاتتعب نفسها وتدور سبل من غير إيقان وإيمان تام أنها بتتعالج وبتشفى لأن ماراح ينفعه ولا شيء تحسن الظن بالله والله عند حسن ظن عبده هذا ألي أقدر أقوله أختي أختم بشيء بسيط .. في طريقه ممكن ترجعه للصلاه وتغير من نفسيته وبالفعل تخلي الأنسان يغير بنفسه أشياء بأقل وقت وبجهد ظئيل هي الإيحاء تعطي نفسها كلمات إيجابيه قبل لاتنام وبعد ماتصحى من النوم ومع التكرار والأكثار منها العقل الباطن حيستجيب للإيحاآت الأيجابيه وبدوره يسخر الأعضاء للأستجابه وبكذا تتخلص من الكسل وتقوم للصلاه وتتغير نظرته للحياه من نظره سوداويه لمشرقه ومبهجه بإذن الله.. طريقه الأيحاء الكل يجربها وأنا شخصيا أحبه لسهولتها ولأني ألقى مفعول سريع وغير متعب بأي شيء حابه أني أطبقه أعطي نفسي إيحاء بفتره زمنيه ولله الحمد ألاقي الشيء الصعب تسهل لي بأذن من الله سبحانوه وعليها بكثره الأستغفار وأنتي كمان لاتحرميها من دعائكـ وأستغفري لها وجزاكـ الله ألف خير آآآآآسفه للإطاله .. أختكـ نهاوي .. |
| الساعة الآن +4: 12:28 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.