|
[ تم الحل ] مشكلة في رموز المكتب + حجم الخط :(
السلام عليكم...مشكلتي جت فجأة لما شغلت الجهاز لقيت رموز سطح المكتب كبيرة والخط صاير كأنه مكبر غصب :eek5 حتى الابتسامات حقات المنتدى كابر مقاسهن :eek5 سويت كلك يمين ورحت للمظهر ودقة الشاشة 768 ×1024 واذا وديته للخيار الثاني تصير الرموز أكبر بكثير ابي حل ما استصيغ المنتديات + بطني صار يوجع وانا ابحث عن حل للمشكلة لقيت كثير مثلي...واحد يقول يمكن كرت الشاشة منحذف ؟؟؟؟ وشو الكرت هذا و وشلون يركب ؟؟ وكيف ينحذف وانا اصلا ماحذفته ؟؟ |
وعليكم السلام ورحمه أختي مشاعل إحتمال يكون هناك مشكلة في تعريف كرت الشاشة ، إما بتثبيت لعبة أو برنامج له صلة بالجرافيكس لذا هناك مشاكل بكرت الشاشة . أولاً : لمعرفة نوع كرت الشاشة لجهازك إذهبي إلى إبدأ >> تشغيل >>> ضعي هذه الكلمة dxdiag ، سوف تظهر لكِ رسالة أختاري " نعم " ومن ثم أنتظري قليلاً سوف تظهر لك نافدة فيها معلومات جهازك من أعلى النافذة أختاري ( العرض ) بعدها سوف تظهر لكِ معلومات جهاز العرض وهي ( الشاشة ) أنظري للصورة التالية والمحدد باللون الأحمر هي نوع كرت الشاشة لجهازك : http://img815.imageshack.us/img815/1914/viar.jpg ثانياً : بعد معرفة نوع كرت الشاشة قومي بكتابة نوع كرت الشاشة بمحرك قوقل وفي آخـر أسم نوع الكرت أكتبي هذه الجملة ( driver download ) يعني تصير كذا : XXXXXXX driver download ، طبعاً تغيري الـ XXXXX بأسم كرت الشاشة . أتمنى لكِ التوفيق |
كرت الشاشة غير معروف وكلللل شي غير معروف بعد :confused:!! ! هذا معلومات كرت الشاشة ..!وأخر برنامج ثبته هو برنامج لتنظيف الجهاز وهذا شكله http://www.almlf.com/get-6-2010-almlf_com_gv5c3rsr.bmp معقول تكون المشكلة منه ؟؟؟شاكره لك تعاونك |
سوي استعادة للنظام وريحي نفسك
|
رنج ....سويت استعادة قبل شوي ونفس الحاال وماتعدل شي...شاكره تعاونك : ) |
عفوا هذا الادات اللي حملتها لتنظيف الجهاز http://www.almlf.com/get-6-2010-almlf_com_4kjtnj8l.bmp |
أختي مشاعل نسيت لا أقولك وش نظامك اللي تستخدمينه ؟ ولكن جربي الطريقة هذي : روحي لسطح المكتب ثم كلك يمين بالماوس بعدها راح تطلع لك نافذة أختاري خصائص ، راح تطلع لك شاشة خصائص العرض أختاري " المظهر " شوف الخيار الثالث " حجم الخط " لازم يكون على الحجم العادي ، بعدين نروح على الزر الموجود على اليسار " مؤثرات " نضغط عليه راح طلع لنا نافذه روحي للخيار الثالث وهو " استخدام الرموز الكبيرة " نشل علامة الصح منها . بعدين نضغط على موافق بعدين تطبيق ، وعطينا النتيجة . بإنتظارك ،،، |
النظام أكس بي ...
بس المشكلة مو بالخطوط بس... حتى الصور, عمومًا كل ما تعرضه الشاشة, يعني مثلاً صندوق الرد صار شكله " متمطط" من اليمين للشمال ... صايره دقه الشاشة كأنها صورة فوتوشوب دقة اربعه بكسل رفعت لـ لألف ... و الشيء الثاني أعدت النظام للمرة الثانية و إستعاد كل شيء إلا هذا : Could not load file or assembly CCC.lmplementation or one of its dependencies قال غير قادر :confused: أيش المعنى ؟!! و لو فرضنا أنه حذف لكرت الشاشة أقدر أنا أثبته بدون ما أستعين بفني كمبيوترات ؟! |
اقتباس:
تقدرين يا أختي مشاعل تثبتين التعريف ولا فيه أسهل منه أصلاً ، بس المشكلة الحين نبي نعرف وش هو نوع كرت الشاشة عندك ؟! أوكي نجرب هالطريقة وإذا ما نفعت راح أعطيك برنامج يطلع لك نوع كرت الشاشة عندك : نروح لسطح المكتب ومن هناك نضغط على الزر الايمن للماوس ، راح تطلع لنا نافذة صغيرة نختار منها الخيار الأخير اللي هو " خصائص " http://img820.imageshack.us/img820/593/mon1.gif بعدها راح تطلع لنا نافذة في أعلى النافذة نروح لأخر خيار اللي هو إعدادات ومن بعدها نختار " خيارات متقدمة " : http://img823.imageshack.us/img823/9940/mon2.gif بعدها راح تطلع لنا شاشة نختار ( المحول ) وراح تطلع لنا معلومات ، اللي يهمنا منها اللي محدد باللون الأحمر مثل اللي بالصورة : http://img823.imageshack.us/img823/1883/mon3.gif صوري لي الشاشة وحطيها هنا وراح نشوف وش نسوي فيها . بإنتظارك ،،، |
أخ مودي أشكرك أولا على المساعدة.
وثم ان المشكله وحدة وهي غير معروف !! شكلي ماسحة والدي كرت الشاشة : ( http://www.almlf.com/get-6-2010-almlf_com_nnjhhpt8.bmp ---- كرت الشاشة أيش أختصاره ؟؟ لان عندي اوراق الابتوب ..فأبي أبحث عن نوعه حتى يسهل الطريق ؟ |
طيب استخدمي برنامج البحث عن التعاريف .. !!
|
أختي مشاعل وش نوع جهازك وموديله ؟ يعني هل هو : DELL ، AESAR ، LG ، HP ، TOSHIBA ؟ ومثال الموديلات : dell inspiron 1564 ، HP Pavilion dv4I-2100 ، Toshiba Satellite U505-S2006 أنتي أكتبي لي نوع كمبيوترك وموديله وراح أعطيك التعريف الخاص بجهازك بإذن الله تعالى . بإنتظارك ،،، |
أخي لماح وشو البرنامج هذا ؟؟
وشكرا لك اخي مودي جهازي اسوس مثل هذا http://www.almlf.com/get-6-2010-almlf_com_h7fje4oc.bmp والموديل قلبت الجهاز ادور شي يدل على الموديل ولقيت هذا مدري هو الموديل او لا :confused: module ASUS BT-183 تراي ما اعرف شي عن الاكترويات فسامحني لو ازعجتك :bad |
| الساعة الآن +4: 02:39 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.