امي مريضه بالناصور وابي اعرف ماهو الناصور ؟؟
 

السلام عليكم ورحمة الله وبركاته

مساء الخير او صباح الخير للجميع

انا منهار نفسياً وكثرت غياباتي عن الدوام وانتظر في اي لحظه يقولون لي استغنينا عنك والسبب

حالة والدتي الصحيه والتي ترقد على الفراش قرابت الشهرين وانا ملازم لها ولااستطيع فراقها

ومن مستشفى الى مستشفى وفي الاخير قالوا لي ان مرضها ناصور ونبي نشيله وهي الان في غرفة

العمليات واسال الله العلي القدير ان يشفيها ويشفي جميع مرضى المسلمين

ومالي الى الله ثم ابناء ديرتي اشكي لهم الحال ؟

ومادعاني الى كتابت الموضوع ابي اعرف عن مرض الناصور هل هو مرض خطير واذا شالوه يرجع

مرة اخرى او لا ومن يعرف احد مسوي عمليه ناصور كيفه بعد العمليه وماهي الطرق بعد العمليه

والله لايحرمكم الاجر والثواب وابيكم تطمنوني لاني على اعصابي واحس الدنيا ضايقه بي

وجزاكم الله خير

الناسور هي حبه او ما شابه تظهر اسفل الظهر وهيا ظهرت بامك من سبب قله الحركه
والمستشفى راح يسون لها تنظيف لهذا الجرح ويلزم بعد العمليه ان ترتاح امك وتقلل الحركه لمدهـ تقاارب الاسبوعين
ومن ثم يطيب هذا الجرح وهمن ترجع سليمه باذن الله

واعرف كذا شخص جااه الجرح وتعافى باذن ربي

لاتشيل هم الامر بسيط

والله يشفي وعافيك اميمتك والمسلمين اجميعن

اللــه يشفيها ياارب ,

وانت المفروض تتوكل على ربك واللي يصير بيد الله ومكتوب لها ,

وباذن الله المرض اللي فيها يبي يروح ,

ورح لدواامك ويمكن ترا مو مبسوطه انك جالس عندها وتارك دوامك ,

الحمد لله المستشفي عنده اللي يخدمونها اكثر منك ...

الله يشفيها يـارب ..

وتراني مااعرف وش النـاصور , حبيت ارد ادعي للوالده اللي يطول بعمرها يارب ..

بسيطه ان شاء الله امره هوين بأذن الله كثير سوو هالعمليه ترا سهله بالحيييل ولايضيق صدرك ولاتهتم وانتبه لدوامك ومستقبلك... الله يخليه لكم ويطول بعمره

أسأل الله لها الشفاء يا أخي وأن يلطف بها

وهون عليك يا أخي ترى إبليس حريص على أن يؤذيك

والإجراءات الطبية تتعب شوي لكن ابشر ما قدام أُمك إلا العافية

اخوي كان عندي ناصور وكنت ابغا اسوي عمليه لكن اشار علي احد الاصدقاء بالذهب الي امراه في عنيزه تعطيك مسحوق يوضع علي مكان الناصور وباذن الله خلاال 5 ايام يزول الناصور وبفضل من الله ثم بفضل تلك المراه ذهب الناصور عني اقترح عليك الذهب الي تلك المراه تعطيك العلاج مجاني لاتبغا منك سوا الدعاء له

جزاك الله خير لكن امي كبيره بالعمر ومعاها سكر وتعرف السكر وبلاويه

جزاك الله خير والله يتقبل دعائك

اللهم امين

اللهم امين وجزاك الله خير

الله يدحر ابليس وجزاك الله خير

الله يجزاك خير ولايحرمك الاجر ياليت ترسل لي رقم المراه او عنوانها على الخاص

مشالله تبارك الله ياخوي الله الله يرزقك برها انشالله يالغالي
وابشر في الجنه انشاللله يالغالي
ولا تنسى مفتـآح الجنه تحت اقدام الآمهـآت
ولاتخاف ياخوي الناصور (( الناسور ))
واحد من اخواني جاه هذا الناسور عمليه بسيطه تحدث في اخر الموخره (( مقارب الدبر ))
وسببه المعروف هو اكل الاكلات الحاره التي تحتوي على (( حبحر + شطه )
يعني شي فيه حراره
والحمد الله كم يوم وانشالله ماتشوف الا العافيه
مثل حبه مندببه تكون بلمؤخره
وتنزع بهمليه جراحيه بسيطه ياخوي
ولا تخاااف المساله ماهي صعبه
رووق بالك
تحياتي لك يالغالي