|
أحسن محل أثاث فخم ورخيص
السلام عليكم جميعا ...
أتمنى أي أحد يعرف محل أثاث فخم وبنفس الوقت رخيص يخبرنا لاهنتوا ...........:p |
والله ما يحصل فخم ورخيص الزين بقيمة |
فخم ورخيص ماتجي الزين غالي واذا تبين اشياء زينه خداديات ابجورات اشياء بسيطه ايكيا بالرياض اسعاره فيه اشياء معقوله واشياء غاليه ,,هوم بلازا ماعليه بس يمكن الاسعار اغلى من ايكيا,,, |
شوفي اختي عندك اسواق الغد عندهم اشياء حلوه بس خامات الاقمشة لك عليها شوي لاننا حنا اشترينا لمجلس الرجال منهم وحلفنا مانشتري شي منهم وخصوصا لاصار عندك بزران وسدح وردح بهالكنب بس اشوا انه للرجال يعني دايم مقفل وانصحك تروحين لأسواق الراجحي فيه محل اسمه راكا عنده اشياء حلوه ويصمملك اللي تبين بس اهم شي قولي ابغى اقمشه قويه ومابي صيني ويعطيك الزين ,, وعندك بشارع المدينه محل اسمه الزعيم امدحته لي وحده بالمنتدى الله يجزاه خير حلو اشترينا منه بس حنا جبنا له اقمشه قويه من القثمي والموديل من عنده لأن اقمشته ما أعجبتنا خفيفه لأننا نبغاه للصاله وتعرفين الصاله تصير سدح وردح .. وبس هذا اللي عندي بس اذا رحتي تشترين وطلع شي مو حلو لا تدعين علي .. :) <<<< اتحداكم كم مره قلت بس :) |
من الصعب تلقين محل فخم و رخيص ..
بس تعالي لم الرياض وان شاء الله راح افيدك في المحلات الحلوه .. بس اسعااره جنون .. غاليه مره .. بس الاثاث حلو مشاء الله .. برووكي |
العزيزيه هوم برونز ديموس
|
فيه محل اسمه راحتكم بجانب بيت الطفل وبجانب ماكدونالدز
رخيص وفخم وكل انواع الاثاث عنده |
^^^
^^ كل اللي ردوا يعطيكم ألف عافية ...قصدت أنا يكون فخم وبسعر معقول وعارفة أن الزين قيمته فيه بس فيه أشياء تكون حلوة وسعرها معقول ... أما من ناحية الرياض أنا حاليا بالرياض وظروفي ماتسمح لي أشيك عالمحلات كلها ...وعارفة أن الزين بالرياض وهذا مايمنع أن بريدة بعد فيها الزين ... مشكورين وماقصرتوا .. |
للمعلوميه الاثاث الأصلي غااالي ويكون اما ايطالي او أمريكي ويكون خشب
أما الصيني يكون كرتون مضغوط إذا شفتيه تحسبينه خشب وطبعا سعره رخيص بس بعض المحلات يبالغ بسعره أديموس وهوم برونز أتوقع هم عندهم أصلي أما راحتكم والعزيزية واسواق الغد كلهم صيني أما المحلات اللي بأسواق الراجحي غااالي فوق اللازم ضريبة مكان |
حتى انا داخ راسي فرفرة بالمحلات ومالقيت اللي على بالي
اناابي مودرون جلد سكري نصف دائرة ياليت احد عندة خلفيه يفيدنا وماننساه من الدعاء احترامي للجميع |
اذا انتي بالرياض روحي ديموس
عندهم اشياء حلوه و سعرها معقول و اذا تبين كنب فصلي احسن لان اللي اللي موجودات صغار و تحتاجين طقمين و من وجهة نظري الواحد يفصل شي مرتب و فخم ياخذ الموديل من المحلات الكبار بنص السعر مثلا ٥٠٠٠ ريال او اقل و يرجع يغيرة بعد سنه او اثنين لان الواحد يمل من الشكل و الروتين حرام الواحد ياخذ غالي خصوصا انو الاسعار حاليا مبالغ فيها جدا ... |
شوفي الا ثاث على حساب الستعمل فيه ناااس جفشين وغير محفضين وفيه الاعاكس
راحتكم عنده اشياء حلوه وفيه اسواق الغد وفيه اسواق الراجحي تالقين عنده الله يعينك الاثاث يابي فرفره |
| الساعة الآن +4: 01:53 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.