فضيحة متوسطة الحرمين بالحي الاخضر
 

دايم وأكثر من مره تقرأ من عنوان الموضوع بالمنتديات كلمة (فضيحة) تدخل تلقى السالفه ماتسوى ممكن مجرد خطا بسيط من شخص اخطأ أو محل نقص من مواده شي سهل :
لكن الخبر هذا صحيح فضيحة وممكن يكون انتكاسه لمدرسه تدعي التعليم والتربية :
انتهت امتحانات كل الطلاب بمتوسطة الحرمين بالحي الأخضر يوم الاثنين وواعدوا الطلاب بالنتائج الاثنين القادم يعني أسبوع كامل توقعت أن السبب بتأخير النتائج هو الدقه وحرص من إدارة المدرسة المهم يوم النتائج أخذت نتيجة اخوي بالصف الثاني كانت اكبر من صدمه كيف واحد متفوق من الأوائل بالفصل الأول يأخذ نسبه 70% المهم توقعت انه إهمال أو نقص كثير بالفصل الثاني أول ما جيت البيت أخذت شهادة الفصل الاول وإذا الفضيحة صحيح الدرجات معكوسه مثلا 41 منقولة بالشهادة النهائية 14 والـ45 صايره 0,45 والدرجات أنواع الأخطاء المهم من بكره رحت للمدرسة أول ما شاف المدير الشهادتين معي أخذهن وقطعهن وقال أسف هذا فيروس دخل بالجهاز وإذا تعرف أي واحد بالمدرسة راسب أو حتى ناجح خله يجي سرعه "
يعني مافيه أي مراجعه للنتائج قبل طباعتها وأنا اعرف أن طلاب المدرسة اقل من 250 طالب والاهم من هذا وش ذنب الطالب اللي رسب وحصل أنواع الظرب من أهله ويمكن يكون أبوه أجنبي وانتم تدرون أن الأجانب لو رسب ولده ممكن يذبحه
من جهة ثانيه تصدقون أن المدرسة هذي معطيه طلابها أجازه قبل الاختبارات بأسبوعين يعني باختصار ودي اعرف هل هي تابعه لوزارة التربية والتعليم !!!!!!!!!!!

اوووف اوووف صدق مهزلة لهدرجة يوصل اللعب؟؟؟ استغفر الله واتوب اليه....



الله يعينكم يا اخي....

طيب غلطانيين ليش تقول فضيحه

النسبه بناء على الدرجات وإذا نقص باي ماده لو درجه وحده تتاثر النسبه واعتقد ان الموضوع اكثر من واضح

اذا وصل الغلط الى هذه الدرجه اعتقد انه يسمى فضيحه ولا لا

مو لحالهم
حتى مدارس البنات
انواع الغش
الله لايحللهم...