بريدة ستي - وآآعيـــبآآآآآ ه يوم طاحت عيني على الي بجنبي بالكوفي..

اعتذر مسبقا" على الموضوع ولكن .......!:i121

طبعا" شدكم الموضوع .... صح ) ..

هكذا نحن يشدنا الغريب الشآذ او على مقولة ( خالف تعرف ) ..بعض شبابنا وفتياتنا نجدهم يسلكون ذاك الطريق . الغريب ..

تعلمنا في ديننا الاسلامي حسن الخلق .. و الحياء. ومخافة الله . في قولنا وافعالنا..

في بعض المواقع نجد مانجده من .. الصالح والطالح.

بالنت عموما ( شات - منتدى - بلوتوث - نكآت .او اسماء لشخصيآت نكره تطمح الى تحقيق رغبات جسديه او عقليه او اي كان مبتغاهم. فقط همهم ملئ وقت فراغهم او قدتكون هوايه..

دحيم البريء ماله بالنت وسوالفه لكن اخته جرجرته على مر الشجر يدخل بيناته

تحلم توظف كل سنة دوك يادحيم دخلهن ولك اول راتب

عاد خويكم مايصدق خبر تقل باتسر الراتب لا ابشركم هالاسبوع طلعن النتايج

بس اعلنو بارقام مهب اسماء تدرون ورآآآ ه عشان الي مثل خيتي ما تخبهم

وراه تعينون فلانة الفلاني وان قبله بعشر سنين:re( يعني شغل جحد ومن تحت لتحت)

ما علينا .. الا والله علينا الشكوى لله نريوس لموضوعنا

وين وصلنا..؟ ايه اماي بلش وادخل ارقام وحاله .. الا الي بجنبي متحمس والي وراوه متقطع والي بجنبهم متنثر والي :i125

يوم اناظر قالو وش عندك قلت لا بس انتم وش عندكم قال وحدن منهم ندردش ادخل تنق الي يعجبك

والا وش القائمة الله لا يفضحنا :eek:
قلت من متى تقعدون بذا ..؟ قالو العصاري نهج عن الحر والفجور وناسه
طيب بذمتكم مستانسين ولا مصدقين ...؟ قال لا بس نضيع الوقت...!

ايوالله ياحسافت الوقت على هالاشكال:eek5

زاد اقول وراه الناس تقول بريدة متغيرة لا والله بريدة هي هي

بس مبزرته مضيعين الطاسة ... قلت اهرج عليهم مايجوز ما يصير .. منا .. مناك... ابد مراهقين

لايعرفون حلال ولا حرام وثقافتهم هالشات الي مبققين عيونهم عليه الله يخلف ذولا رجال بريدة باتسر

ايه هين ... يجيب الله مطر

عاد ابقولكم وش شفت والعذر بعضهن ما ينقالن

مثلآ :

( دلوعة حد الميوعة )...! حشى زبدة

(رجولة طاغية وصوت خقق) مدري وين الرجولة بس

(خبير ليلة الدخلة ) بالله عليك..!

(الشقة فاضية وماما راضية )
الشقه فاضيه وماما راضيه ؟؟!! طيب وبعدين وش المطلوب؟ ؟؟
طيب وش نسويلتس يا بنت.ال...

وهنا طامه اخرى كان التسول بالشارع اصبح حتى بالنت . ولكن بشروط ؟!!!!

(هيااام الرياض اشحنلي واعرضلك) يا حبيبي ناس دآآآآجه ضميرا" لا جيبا"

( يا حظ السواقين ) تتوقعون شلون شكله اذ هذا تفكيرة

ترنح دحيم وهو يجر رجيلنه جر ....خارج حدود الكوفي

السؤال

هل سيجدون مبتغاهم هناك ؟؟ هل هي دنائت فكر؟ ام رخص نفس ؟ ؟؟ام انعدام الرقابه وتلاشي التربيه الصحيحه؟

لاحياء ولا خجل ؟

تتقدم كل العقول بالتكنولوجيا والمعلومات القيمه ونحن كل تفكيرنا في نصف الكآس العاري..!

تلك عينه ( او نوع من الفساد الاخلاقي والديني و العقلي . والبدني ايضآ )

الى متى وهم يقابلون ذاك الجهاز ؟؟ ويبحثون عن شهواتهم النتنه وعن عقول تلمهم الى مزبلة الكذب والخيال

فهي تصف نفسها بصاحبة الشفآة التوت والشعر الطويل والخصر المياس.. وهو يصف نفسه بصاحب الصوت الرجولي والجسم الرياضي وووو .. كل ذالك كتابي ؟ والله انها قمة المهزله والاستحقار.والاستخفاف بعقول كرمها الله

الى متى ومثل هؤلا لايرون سوا اقدامهم ؟ متى سيرفعون بصرهم الى السماء؟

والى متى تلك الاسماء ستستمر؟ ومتى سينقلب حالنا وشبابنا يتمسكون بالاخلاق ؟

متى نشد بجيلنا هموم امتنا

من سيضى غدنا القآآآآآدم

ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــ

لااله الا الله استغفره واتوب اليه