أمس بسوق الذهب,,,,
 

حيالله الربع والربعات
والله أنا شفت هالموقف وقلت يا ولد وش رايكم
رحت أنا يا محاتسيكم لسوق الذهب أشري هديه ( لا تروحون بعيد تراه ب 200ريال )
المهم ويجي ذاك الشاب هو وزوجته الشابه أتوقع أعمارهم بالطعشات المهم يدورون مادري وش يدورون بالمحل وأصواتهم عاليه و خاشين جو ولا عبروا أحد وهو مره متكي على خصره وشوي وهي تشبك يدينه عالى كتوف الزوج قسم باله ذكرون بعيال أول متوسط لا شروا سيكل جديد واللبس يالله لك الحمد المهم طلعو من المحل وبعد ما طلعت ولاهم بالشارع متماسكين اليدين ويقهقهون ,,,,
المهم أن اللي ودي أقوله أن بعض الأزواج الجدد يبالغون بأظهار الأنسجام والحب قدام الناس وبالشارع والله أنا أذا سافرت بالصيف للطايف والا الجنوب تشوف المعاريس بالمدن الترفيهيه وتضحك من قوة ما هم يبينون للناس أنا نحب بعض بطريقه مضحكه أحيانا
تصدقون مره شفتهم معاريس ( أعرفهم بالنقش اللي على الزوجه وتراه يشاف من مسافة كيلو ) سافطبن السياره بالخط ونازل هو أياه يشوفون جمل وجمله يــ ( ........ )

الشي الثاني أن بعض الأزواج ما يحب الطريقه هذي من زوجته ولكن يجامل وأحيانأ من فرحة العرس ما يدري وش السالفه ثم شوي شوي ينتبه و يحاول يغير طريقة زوجته ثم الزوجة تقول زوجي تغير وتطلع المشاكل
الزوجه أحيانا" تعتقد أن الحياة الزوجية بس هالأشيا ء القهقهه والحب والسفر ثم تنصدم أذا واجهت أي مشكله أو اختلاف الراي بينه هي والزوج أو أهله

أنتم وش رايكم

الله يوفق الجميع

مافيها شي عادي جداً
واترك عنك خلق الله

//


احسنت فيما كتبت لان كثير من الازواج يفعلون حركات غير مناسبه في الاماكن العامه


وآيضا هذه الحركات لها سلبيات كثيره منها

& اثارة شهوة الشباب الغير متزوجين

&بعض الاحيان اصابتهم في العين

& واحيانآ اثارة الحقد


*****