|
ياحسافـة يامنتـــزه بريــــدة ماتوقعت زي كذا ....!!!
السلام عليكم ورحمة الله وبركاته ,,,, تحية عطرة لاعضاء وزوار هاذا المنتدى المحـــترم ,,, ماودي اطول بالموضوع .... امس بالليل طلعت انا واهلي للمنتزه ((الهديه اللي عند الكبري )) وياليتي ماطلعت للمنتزه بصراحه شفت مناظر حسيت ان حنا بلاس فيقس ولا بلندن ... السالفه ومافيها اخذت بنت اختي الصغيره تبي ايس كريم من السيارات المتنقله بالمنتزه اللي بالشارع اللي فوق المنتزة اللي مافيه إناره اول ما طلعت للشارع والقى انواع الشباب ودوران سيارت وبنات يصارخن ويتضحكن مع بعض بصوت عالي واللي تركض واللي مسويات عصابة مع بعض من غير الشباب اللي رايحين راجعين بالطريق واللي قهرني زود واحد معه رقمه بورقه ويدف بنت يبيها بالغصب تاخذ الرقم اخ يالقهر بغيت اتوطا في بطنه بس الصراحه هو اكبر مني ومعه خويه اخ يالقهر بس والله مافيه لاهيئة ولامطاوعة ولا إنارة ولاشي المشكلة انه عالم يعني المفروض فية إنارة عشان محد يتجرأ انه يرقم او يزعج احد وانا ماكتبت الموضوع هاذا الاعشان اناشد اهل الخير ورجال الحسبة انهم مايغفلون عن مثل هاذي المنتزهات لأنه بصراحه المنتزة حلو ويلم اهل بريده من كل جهة تكفون تكفون تكفون ياأهل الخير ويارجال الحسبه مالنا ألا الله ثم انتم ولا المسعورين الله يخلف اقصد المسئولين ,,,,, وتحياتي ((أشهد الله على مارأت عيني بالمنتزة)) |
ياخوي كل من هب ودب
كتب عن المنتزه وبدأ يألف قصة مكسيكية ومره قصة هندية ومره ومره ومره الخ يعني السراحة اللي بيسمعكم بيقول ان كل زاوية ببريدة به شباب وبنات يرقمون بعض ملينا وحنا ندور رحنا لكل المنتزهات والاماكن العامة ماشفنا اللي انت تقول يعني بالعربي انت واشكالك من المتخلفين بس وده يكتب ويحط موضوع كذا يعني وده ينبسط الحمدلله والشكر اصبح الصغير والكبير يكتب ويبربر علينا من خياله ويقول شفته بالمنتزه الفلاني ومدري ايش ولا بعد صارت كلمة(والله على مااقولة شهيد) كأي جملة تنقال كل من حط مضوع خيالي وتسذب طبعا قال هالجملة الحمدلله والشكر بعض الناس مرضى اسمحولي على صراحتي لكن وربي هذا الواقع وصاحب الموضوع يستاهل السب والذم وشكرا |
الافضل إنك كلمت الهيئه مباشره ضروري كل واحد يحمل في جواله رقم الهيئه
من ضمن الارقام اللي في الجوال انا اعرف البنات قليلات ادب إذا شافن شباب يحبن يلفتن إنتبههم خاصه إذا كانن راعيات حركات وقلة حياء الله المستعان . ونشكرك على إهتمامك وغيرتك أخي |
اخوي مانشستراوي شكلك ماتطلع لمنتزة الهدية او انك تطلع الظهر الساعة 2 وتبي الناس فيه حبيبي يوم الأربعاء الماضي لليلة الخميس إلا بلاوي زرقا وقلة ادب بس مو معنى هذا ان بنات بريدة وعيالهم كلهم فسدو لا لان الكل يعرف اننا بالأجازة الأن وفيه ناس من خارج بريدة ولاحد يفهم كلامي اني ابرئ اهل بريدة لا كل بلد فيه الصالح وفيه الطالح
وللمعلومية اخوي لما كنت موجود كانت الهيئة موجودة وعلى فكرة يأخي الأمر بالمعروف والنهي عن المنكر مو بس لرجال الهيئة عامة الناس مفروض يقومون بالدور هذا (ودائما المذنب ذليل) دمتم بخير |
اقتباس:
|
اقتباس:
|
اقتباس:
|
لاس فيقاس -- تكتب كذا
ماهوب كذا -- لاس فيقس :d |
الله يهديهم يارب
بس انا والله مازرته بس الكل يمدح جلساته وكذا واذا فيه اشياء كذا المفروض تدعى الهيئه علشان تقوم بالواجب لانه لو تصرفت انت بشئ ممكن يضرك واشكرك اخوي على غيرتك على بنات المسلمين لقلبك آكليل من الاوركيد = ) |
حبيبي وعزيزي
حمد العبدلي(h) انا اسف اشد الاسف على ماقلته لك:eek5 وربي اني اعضض اصابع الندم على الكلام البذيئ اللي تفوهت فيه انا:oo توقعت انك بترد علي بمثل ردي المنحط لكنك صرت غاية في الخلق والادب والله انك ماتستاهل كل اللي قلته لك:bad لكني وربي كنت معصب من امر هااااااام جدا فات علي عارف انك ماراح تسامحني لاني مااستاهل اصلن ترد علي لان اللي مثلك بهالخلق والادب مايتنزل يرد علي اتمنى تتقبل اسفي:p اخوك مانشستراوي(عمر):42 |
مب شي جديد للأسف ! جزيت خيراً على غيرتك ,, |
الله يستر علينا وعليهم ...
والهيئه وينهم طيب ..؟ :( |
ترانى داخله ومعي قنبله حاملتها لى مانشستراوي::i121بس يحمد ربه انه تغذر والله اني سجلت علشان صاحب الموضوع ولا انا فقد متصفحه وللى خلانى اسجل هو صاحب الموضوع ورد الاخ م:)انشستراوي الاول
والله ثم والله ماقاله صاحب الموضوع صحيح وانا كنت متواجدة مع زوجي ماتقول والله هذي بريده وخاصه المسطح الاخضر اللى في الهديه بجوار الاشاره مغازل عيني عينك وغاني وشباب وبنات مستهترين ولا بعد ماشفتو اللى ركبن العربانه اربع بنات لوحدهن والشباب ورهم طردي وين الاهل وين الخوف من الله وين الحياء جمال الفتاة بس يوم مرينا بعد يوم بنشوف طبعن شرافت القصمان:dوثر الهيئه موجوده والشرطه موجوده ومسكين شباب الله يستر علينا وعليهم بس هذا اللى حبيت اوضحه داخله وماسكه طرف ثوبها من الحماس:d:d |
^^^
ياحبي لتس بسس قسسم بالله انتس ذهبه انتي وعضة طرف الثوب ههههههههههههههههه |
| الساعة الآن +4: 07:26 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.