/ حر وغبار وبعزّ الظهر ... تهون عند التقديم على وظيفه ~
 

/ حر وغبار وبعزّ الظهر ... تهون عند التقديم على وظيفه ~








يالله حي الزقرت حقين الكشكول، فرداً فرداً، وشخصاً شخصاً :d.
ياحبي لكم جميعاً، من أولكم لآخركم، ومن أكبركم إلى أصغركم (h).


إهداءات:
الإهداء الأول: لروحي الطاهرة، اللي مامثله أحد هههههه :113:.
الإهداء الثاني: لحبيبي ورفيق دربي الصمصام << ياحبي لهالإنسان (h) :f:.
الإهداء الثالث: لبعض ناس << كلن يحط روحه بهالمكان :113: :rolleyes:.


خبركم الواحد حريص على مستقبله ويبحث عن وظيفه تلمه وتضفه وتكبر مخباته، ويازينه ياعيال لا جيت آخر الشهر وشفت الرصيد مرتفع وسددت فاتورة جوالك وعطيت أخوك الصغير خمسين ريال من باب حب لأخيك ما تحب لنفسك :113: << إيييه هيّن :d.
بصراحه تحس إنك ملك وقتها ومسيطر على كل شيء، وتقدر تذل أخوك الصغير وأتحداه يقول لك شيء :d.
وتآمره على كل اللي تبيه وتقوله رح جب ماء! ولا بدأ يتهدد وإلا يعاند قله ترى الشهر الجاي مافيه خمسين :113:، شرط إن ينقز ويجيب لك ترمس الماء كله :113:.

نرجع لطاري الوظيفه، أنا مره من المرات اتصل علي واحد وقالي بكرة عندك موعد وظيفة؟ قلت وين؟ قالي بالمكان الفلاني << منب معلمكم وين لأني يمكن أتوظف بعدين فيما بعد في المستقبل القريب إن شاء الله :113: بس ماعليكم بعلمكم لا توظفت إن شاء الله علشان تضبطون وضعكم معي يمكن أصير واسطة :d << يفهم مما ورد سابقاً إني للحين ما توظفت بهالوظيفه :d.
قلت طيب متى؟ قالي الظهر، قلت أبشر وماعليك مالك إلا من يجيك بأول الوقت!

قمت أنا الساعة عشر الصبح من الحماس :d، وتروشت وتزكرت وتطيبت من أغلى طيب عندي، هالطيب هذا مخليه لأوقات الأزمات يعني لا صار عندي موعد مع الملك أبومتعب الله يحفظه أو موعد وظيفة بس استخدم هالطيب :d، لا وأزيدكم من الشعر بيت أكلت حلاو فكس علشان ريحه الفم، خبركم ضروري تزبيط كل الأمور :d.
لو تشوفونن وأنا كاشخ تقولون ذا بيعرس على هالكشخه مهب بيقدم على وظيفه :d.

طيب يمكن واحد يسأل ويقول وش سبب هالحركة؟؟
أقولك وش سببها: أنا نصحني واحد وقالي ضبط أمورك وخلك كاشخ وزكرت نفسك علشان يحسون إنك واثق من نفسك وإنك جاد بالعمل مهب تجي تسحب رجلينك وشكلك يفشّل، وعلى هالمبدأ أنا مشيت :d، وأنصحكم إنكم تمشون على هالمبدأ.

طلعت قبل أذان الظهر بنص ساعة قلت علشان أوصل لهم على أذان الظهر وأصلي بعدين أقدم أوراقي وأدخل على موعد المقابلة << خبركم مشاوير الرياض الواحد نص ساعة على أقل تقدير :d.

وفعلاً طلعت ومشيت والجو كااااان حررررررررررررررررررررررر وغبره الله لا يوريكم بس نصبر ونتصبر فيه وظيفه ودراهم :d، وماكان مضيّق صدري إلا سالفه الحر والغبار أخاف تخرب كشختي :d، وكنت مزود مكيّف السيارة على أعلى شيء علشان موضوع الشسمه وهيك الأمور << أفهموه عاد ولحد يدقق :d.

وصلت المكان على أذان الظهر وكان من حسن حظي فيه محطة قبله، وقفت فيها وصليت الظهر وقلت أحسن علشان ما أبلش بعمري لا دخلت عندهم يمكن ما ألقى مكان للصلاه أو أخاف أنشغل تعرفون أنتم الشيطان حريص :d.

صليت وقضيت ووصلت للمكان، طبعاً المكان زحححححمة ووقفت بعيد، يعني فيك فيك المشيه تحت الشمس، يعني فيك فيك الشسمه ذاك :d، فكرت وفكرت وش أسوي ياولد؟ قلت مالك إلا تآخذ قزازه العطر معك، علشان لا وصلت عند باب المبنى تعطّر :113: وفعلاً أخذته معي ويوم وصلت المبنى تعطرت ودخلت، وأول ما دخلت قابلني حارس أمن، سألته عن قسم التوظيف؟ قالي بالمبنى اللي جنبنا، طلعت ودخلت المبنى اللي جنبهم، وقالي لاااا مهب هنا التوظيف، إذا بغيت إدارة التوظيف رح للبوابة الغربيه (طبعاً أنا داخل مع البوابة الشمالية :oo) ياليل بدت المشاكل من الحين.
قلت بنفسي وش يودين للبوابة الشرقية، ويالله أضرب مشوار للسيارة وأحرك السيارة وأروح للبوابة الغربية، ونفس المشكلة كان زحمة ووقفت بعيد، ويوم وصلت للمبنى اللي عند البوابة الغربية لقيت حارس أمن وسألته نفس السؤال وقالي: لااااااا وين وش جابك هنا؟ التوظيف مع البوابة الشماليه؟

أنا هنا قفلت أم الأخلاق، وش اللي كل شوي جادعينن مع جهه، وتراي يا عالم كاشخ وهالكشخه خربت بسبب الحر والمشي والشسمه ذاك :113:، والمشكلة إن الرقم حق قسم التوظيف مايرد علي! وكنت أدقدق عليهم أبي أعرف وين مكان إدارتهم ولا حس ولا خبر، ويالله خذ لك دوران بين هالمباني أدوّر هالقسم، وجلست حدود الساعة وأنا من مبنى لمبنى ومن قسم لقسم وكلن يجدعن على الثاني:i121.

عاد حر وغبار والكشخه اللي أنا متكشخه خربت وخربت معه أم الأخلاق، آخرته رد علي قسم التوظيف وقالوا لي ترانا عند البوابه الغربيه بس قبل البوابه الغربيه فيه مبنى صغير تلقانا فيه.
أنا لاقي هالمبنى من أول بس كنت أحسبه غرفة تبريد أو مبنى صيانه من شين المبنى وشين ألوانه وتصميمه، قلت طيب هذاي حولكم.
وفعلاً وصلت للمبنى وحالتي حاله والشخصيه خربت والكشخه راحت والعطر راحت ريحته من هالحر وأنا ألهث من العطش أبي ماء وأبي أرتاح من التعب.
وأول ما دخلت قابلني موظف، قلت أنتم طالبينن! قال: إييييييييه أنت اللي تبي تقدم على الوظيفه؟ قلت إيه.
قال خلاص هات ملفك أبعرضه على المدير ونتصل عليك!!!!!!!!
أنا: :confused: :( !!!!!!!!!!!!!!!!!!

وبنفسي أقول الله لا يعيد هالوظيفه، كل هالمشوره والقلق وآخرته تقديم ملف بس؟ ياحسافه الكشخه والعطر اللي خسرته علشانكم!
:i121

يا شين الحماس الغير منظبـط :113: لا و بظهـريـه أووك العلوم بوقته دماار ..

مير به أحد يطلع الظهريـة هاليومين :d

بعدين أبو صباخ / وش تخصصك :09:

لكل مجتهد نصيب :)



الله يرزقك الوضيفه الى بالك ...:)



(f)

لو تلبس أزين الملابس وتحط أغلى عطر بالعالم وتلبق عند البوابه وتدخل علهم مايمشونك إلا ومعك فيتامين واو ..
نصيحتي ،، بدال ماتتعب روحك وتعرق بهالشموس ،، ((عاد شمس الرياض ماتلعب :d )) دبر لك واسطه ومالك إلا اللي يمشي أمورك وبدون تقديم ووجع راس بعد .. :d

ما أقول إلا الله يعينك ويصبرك عليهم ..

صبر جميل والله المستعان ... !!

ذق ما ذقنا .. وأنت تحسب الوظيفة هج خشك وبس ..؟؟ :)

هذه بداية الكفاح يالحبيب .. توك بأول المشوار ..

لكن شكلك تحتسي عن الجامعة .. :)

لأنه هي الدائرة الحكومية الوحيدة المترامية الأطراف .. :113:

قل آمين يابو ريم والقراء كلكم قولوا آمين .. :

الله يرزقكم من واسع فضلة وأن يرزقكم الزوجات الصالحات المصلحات وأن يجعل فيكم خيراً كثيراً للإسلام والمسلمين ..



^^

مسكت دين اليوم .. :)

^

وش عندك بآدي تشآرك بالكشكول :09:

<< والله يآهي طردهـ :113:

أمزح خلفهم المنتدى لك ولأشكآلك :( << يمدح وإلا يسب ذآ :d

وشو الوشسمه ذآك :confused:

:oo << هذي تدل على علآمة البرآئة :d

الله يسلمك خلفهم (h) << وش يحس به :d

لآ تبطي علينآ ترآنآ نحبك (h)

وش جاب البوابه الشرقه هنا :09:
وكل هالدبتسه واخرته تقديم ملف
والله يهي قهر صدز عاد كودهم يقبلونك
ولا يروح هالتعب
حبيبي وقائد حمله لا للتخفي :113:
لا تبطي علينا بهالمواضيع :d

,

يآخلفهم آنت , ورآك مآسآلتهم يوم دقوآ عليك وش السآلفه تقديم ملف ولا كيت وكيت :113: <== ولا من زود الحماس :d
الصدز قهر صاحي من الساعة 10 وتكشخ وعطر وحالك حآله :113:

تميز يآخلفهم , ولاتبطي علينآ :)

الله يوفقك :f:

ويعينك على نوائب الدهر :d

ويرزقك الزوجة الصالحه :)



لاتبطي علينا (h)(h)
.

فكم من إبتسامة في ذلك <<< قاعد يعد الإبتسامات وما قرأ الموضوع :113:

أبو ريم /: أنت يوم أنك تكشخ خلفهم كنت لابس نظاراتك المعهودات وإلا مغيرهن ؟ (سيكو) ..

الله يرزقك الوظيفة اللي يحبه قلبك يا أستاذ ..

هلا بحبيب القلب مازولا .. أاقصدي ( زياد ) .. والله ياما و يا انعلنا لعن ..
خاصة يوم أقدم على الحرس .. عيال الذينا مترون تمتير بالملعب .. بس ما كتب الله ..
لا و مدابتس وظيفة كاتب الضبط كلام ثاني و مرمطة بنت أبو 88 كلب .. لكن الحمد لله ..

صفت على تدريس و تلحيط بأبناء الامة و رجال الغد :113:

الله يقر علينك بوظيفة تسر الخاطر .. و بنت تجدع الطير من حلاته .. (h)


ياحبي لهالخشة اللي زي وجهك :d