اشياء يجب ان لا ندفع لها
 

اتفق معك

الحمدلله وضعنا جيد بس لو تكون الاسعار رمزية

لانها لو كانت بالمجان كان اسرفوا الناس فيها

أنا أتفق معاك في الكهرباء
لكن الماء لا ؛ لأن الماء لو خلوه مجاناً ماراح نحس بقيمته وراح نسرف فيه
الحمدلله عايشين بنعمة عظيمة لكن مانحس فيها إلا إذا فقدناها
لو تشوف معاناة الناس في أفريقيا الدول الفقيرة يشربون الماء من المستنقعات بتعرف نعمة الله علينا
مشكور , تقبل مروري

الحمد لله والشكر له

رمزيه تصدق عاد انها رمزيه ومدعومه ومع ذلك تقص الظهر الكهرباء مدعومه والماء مدعوم
وغيره من بنزين وديزل ومدري وشلون فاهمين كلمة دعم لكن الشكوى لله

اييييييييييييييه ياحزم الضامي
المصيبه الكبرى واللي محد حس فيها للحين هي الماء
انا مدري عن وضع باقي المدن بس هنا بالرياض من شبكو شبكة الصرف الصحي وانتم بكرامه
صارت مهزله
تخيلي صارت الفاتورة دبل والسبب انهم يحسبون الماء اللي يدخل والتصريف اللي يطلع
بمعنى
يدخل بميه ريال يحسبون ميه للطالع ويطلع اجمالي الفاتورة ميتين
وعليك الحساب
اللي قاهرني فيه كميه ماء تدخل ولاتطلع للصرف الصحي مثل اللي يشرب ماء عندنا ويتقهوى ويروح بيته يصرفها ومع ذلك يحسبونها علينا خخخخخخخخخ والله مهزله

على كل حال الحمد لله بالاول والتالي وعلى كل حال حمدا يليق بجلال وجهه وعظيم سلطانه

والله طلعت بلدان عربيه وغربيه واسيويه ومع ذلك وصدقيني فيما اقول مابه بلد بغلا الكهرباء والماء مثلنا هذا وهو مدعوم وعندهم مضاف له ضريبه هاتيلي بلد واحد فيه اسعار الكهرباء والماء ازود مننا

وبعدين انا ما قلت اننا نبي كل شي ببلاش بس الكهرباء والماء
وفيه اشياء مهمه ماقلت ابيها ببلاش مثل الغاز والبنزين والاعلاف اللي رفعت اسعار الذبايح لاسعار خياليه وشغلات كثيره تعتبر ضروريه ماقلت ابيها ببلاش بس اكتفيت باهم خدمتين لنا كشعب في بلد صحراوي صلخ ام امنا الحر ولعب في دين اهل اهلنا البرد بالحر مكيفات وبالصيف دفايات

انا ودي وبكل احترام لشخصك الكريم ودي انك تويقين عند باب بيتكم على عداد الكهرباء وتشوفين الفاتورة حقت الكهرب وحقت الماء اللي تتسد شهريا وكل ثلاث شهور واحسبي كم مره تغيرون اسطوانة الغاز بالشهر وبكم تكلفكم
شوفي فواتير التلفونات والنت والجوال وشوفي كم راتب الشغاله والا السواق بالسنه ولاتقولين لي الشغاله والسواق رفاهيه مالها داعي اذا اب كبير بالسن مايعرف يسوق اكيد بيحتاج سواق واذا ام كبيره بالسن ومريضه اكيد بتحتاج شغاله يعني حتى وهو ساكن ببيت ملك بيدفع مصاريف بس للفواتير مايعادل اجار فله دورين باغلى حي

على كل حال انا احترم وجهة نظرك وجميع الاخوه والاخوات

وندفع الفواتير وحنا مانشوف الدرب بس مايضر لو الواحد نسم شوي من قدر الضغط اللي جواه

والحمدلله اولا واخيرا

اتفق معاك يحطون الماء والكهرباء مجانا..
وياليت يخفضون فاتورة التليفون ((لانه من باب صلة الرحم))

ولا تدري مانبي شيء غير انهم يوظفون الشباب والبنات ..وشكرا

أنا لا أتفق معك
السبب [ كثرة الإسراف ]

نعم ما يخص المرور [ لو كانت رمزية ]

ذكرت ما جال في نفسي ..

:)

معليش ياخوي اتحمل الدنيا شقا وتعب مافيه شي يجي بالسهولة مافيه راحة إلا بالآخرة
حنا بالدنيا عابرين سبيل يعني لاتهمك الدنيا ,الله يسقينا من أنهار الجنة وننعم بنعيمها آمين .

بعدين حتى حنا بالمدينة الماء يقطعونه يوم أويومين بس الشكوى لله صابرين
تخيل مرة قطعوه أسبوع تبهذلنا بس تذكرنا بالدول الفقيرة, الحمدلله على كل حال.: 12