|
الآن الحل الأمثل لكاميرات ساهر !! اتفق شباب بريدة ... !!
قال تعالى ( وتعاونوا على البر والتقوى ... الآية ) فمن هذا المنطلق ،،،
اتفق شباب مدينة بريدة على التكاتف والتعاون مع نظام ساهر بأن لا يسجل ولا مخالفة في مدينتنا الحبيبة ويرجع ذليلا ، الاتفاق كالتالي : وهو أنك عندما ترى سيارة كاميرات ساهر ( باص أو جيب ميتسوبيشي ) فإنك تنبه من خلفك بـ ( فليشر ثم اشارة يمين واحدة ) وهذا الرمز يعني وجود كاميرا ساهر فأنت تنبه من خلفك ومن خلفك ينبه الذي بالخلف وهكذا ،، أتمنى من الجميع التعاون وهو انك لن تخسر شي بل ستكسب على الأقل ( جزاو الله خير نبهنا ) صح وإلا لا ،، أتمنى أن تتحفوني بردودكم ورأيكم ،، تحياتي / عريق خب القبر |
انا اول من يشد على يد ساهر ومن المؤيدين له
وياحبيب قلبي فيه ناس لو تمسكهم سيكل ماينفع معهم الا القمع انظبط وابن ابوه يجيك |
كفوووووووووووو والله ...والله ان الي مطلع الفكره اطلق شنب
|
والله فكره حلووووووه مره أتمنى الثبيت
|
خخخ يا حليلكم
طيب الشيبان من يفهمهم ! |
بس قهر ما حددوا سرعات الطرق بكرا نبي ندج قهر ماحطوا السرعات وش لون نبي ندري عن السرعه
|
اقتباس:
والا تدري شلون اذا شفت شايب طلع راسك مع الدريشه وقله الله بالخير : 12 وهذي تراها شفره بين الشيبان اذا شافو ساهر :eek: |
قمة التخلف والمراهقة , والمفروض أن هذا الموضوع يتم حذفه عاجلا
|
اقتباس:
|
بارك الله فيك فعلا كلام سليم جدا
واللي يقول تخلف ويطالب بحذف بالموضوع عساهم يصكونك بمخالفات بــــ70 الف ريال علشان تدري وش معنى التخلف |
اين المشرفين هل انتم في نوم احذفو الموظوع
|
^^^^^^^^^^^^^^
ليش يحذفون الموضوع ياخي وين التعاون بين المسلمين انا ودي اشوفك بالطريق السريع وش تسوي اذا شفت اللي بالمسار الثاني يكبس لك العالي وش تبي تسوي اكيد بتهدي السرعه وتقول جزاه الله خير وهذي نفس الشيء |
هذا تعاون على البر ..
سبحان الله تضع الايات الكريمه في غير موضعها نحن مع ساهر قلبا وقالبا وكفايه تهور ومراهقه |
قال تعالى "وَلا تَعَاوَنُوا عَلَى الإِثْمِ وَالْعُدْوَانِ وَاتَّقُوا اللَّهَ إِنَّ اللَّهَ شَدِيدُ الْعِقَابِ "
|
| الساعة الآن +4: 09:45 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.