|
لقيت مع شغالتنا شعر ساعدوني
السلام عليكم ،،،
أخواني أنا متابعتكم من زمان بس حصلت لي المشكله أكتب لكم وأنا أبكي قلت مالي الا الله ثم أنتم وأنا أدور فوق بغرفة الفرش والشغاله لقيت شنطه صغيره مدسوسه بزاويه أخر شي وهي حقت الشغاله المهم قلت ابفتحها أشوف وش فيها لقيت شععععر كثييير واقسم بالله أننا طيبين معها لأخر درررجه وأبوي معطيها هدية رمضان ميتين عاد اللحين أخذت الشعر وأخاف تفقده وتقتلنا بس أنا متوكله على ربي بس علمووووني وش أسوي والله خايفه خايفه تكفوون تكفون ردو بسرعه بسرررعه وش أسوي فيه أرجعه ونفتشها إذا جت تروح باقي لها شهر ولا أخليه وش أسوي فيه ؟ والله أبموت من الخوف وأبكي وش أسوي تكفون |
أنتظر حلولكم
|
اول شي هدي نفسك شوي وبسم الله على قلبس ولاترجعينه عطيه امس وهي اللي تصرف به اعانكم الرب |
يابعد قلبي دكتورة هناء أمي ماتدري بعد وش تسوي فيه
بس أهم شي أبي أعرف من قد صارت له وأخذه ولا صار لهم شي يارب ترحمنا والله العظيم يادكتورة هنا لو تشوفين الشعر وش كثررره انصدمت انصدمت |
الله يستر وقراءة الورد اليوم بالصباح والمساء مطلوب
وفيه رساله عندك على الخاص توجيه مناسب ان شاء الله تعالى بواقع سابق تجربه بعد اذن الادارة الموقرة طبعا |
^
الله يجزاك كل خير أخوي بس هي ماراح تروح الا بشهر شوال وأنا أخذت الشعر أرجعه لمكانه .. وإذا جت تمشي هم يفتشونه ؟ الله يعافيك وش أسوي أخاف تفقده وتسوي بلا أشنع وترسل شي مع شغالات أقاربي قبل تمشي . |
انتم إذهبوا فيها لإحدى أقاربك وفتشوا غرفتها..وأي شي معاه خذوه وجددو له من جديد.. ولما تجي تساافر لا تأخذ شنطته أنتم جهزوا له شنطة بملابس جديدة وإستعينوا بمفتشة الخدم..لكن ماجنسيتها؟؟ وقانا الله وإياكم شرورهن.. |
المتوكله سمي بالله أول شي وخوذيه لاتخلينه معه وحاولي اليومين ذي تفتشينه وهي ماتدري مثلا خلي أمك تأخذه معه للمسجد وانتي أجلسي فتشي كل شي علشان يوضح لكم كان معه شي من الحين وترا يمكن شعره جامعته يطيح ولا شي أذكر يوم كانت عندي شغاله اذا كنست الموكيت لبعض الغرفه بالمكنسه اليد الصغيره<<<أجي وأقوله روحي للمطبخ سوي كذا علشان اخذ الشعر الي طلع من الفرشه ويوم جت تتسافر ماخليت شي مافتشته كل شي حتى ملابسه كان مخيوط من تحته أفكه وبالأخير تحت سريره كانت علبه فكس بعيده يوم شفته فيها شعر قسم بالله صحت بوقته وهو شوي مو كثير عاد أخذت العلبه معي وعطيته جديد ولاسألت عنه المهم وأنا أختك فتشي زين حتى الشامبو أفتحيه وعلبه الفازلين دخلي أصبعك وأقلبيه كله شوفي فيه شعر وأنا يوم خلاص بعد يومين تتسافر جهت شنطته طبعا أنا فوق راسه كني أساعده وأنا أتطمن يوم سكرت شناطه كلهن قلت له جيبي شناطك بغرفتي ولا أخذتهن الا يوم جت تروح للمطار قدام عيوني وروشته وبملابس جديده راحت بعد<<<<<خوووفي من الشغالات ص1 |
الوضع إن شاء الله عادي حصل لنا كم مرة أهم شي تأكدي هو شعرها أو شعركم ولا تخافي إذا قرب سفرها تمنعونها من أخذه وأنا متأكد إنه شعرها وممكن تطرحون عليها سؤال عادي |
انا اعلمتس اسمعي ماتقعدونه عندكم ولا يوم من اليوم تسلمونه للمكتب والشي الثاني تنخلين اغراضه نخل وبعدين فيه حريم متخصصات لهالشي ولا زم تدخلين معه للحمام معليش ادري انه شي عيب وكذا بس كثير صارت ولقوه مغبيه اثر منهم بالاماكن الحساسه سبحيه مهب انتي اللي تسبحينه به حريم متخصصات وترا اكثر الشغالات مب عشان حاقده كثير منهن يسحرن علشانهن قد يكون فيه غيره منكم يعني غيرانه وان شاء الله اجيب لك رقم وحده ارسله لك بالخاص من اللي اقول لك وشكرا
|
اقتباس:
حنا ان شاء الله راح نسوي كذا بس ياطمووح ماتفقده وش تسوي بنا لو تفقده باقي شهر وترووح جنسيتها اندونسيه وخلاااص حنا تبنا ماراح نجيب ولا شغاله هذولي مايخافن الله فينا حتى لو كنا طيبين والله ماتخيلين ماعمرنا هاوشنها آآآآه بس كيف تسوي كذا الشنطه حجمه أكبر من الكف ومليااااااااانه شعر مو طبيعي ومدسوسه بالفرش مكانها مريب والله وش أسوي اللحين يارب تحفظنا الله يجزاك كل خير أختي طموح |
كفانا الله وإياك الشر كله
إذا كنت تشكين بتصرفات الشغالة ما لك إلى مكتب مكافحة السحر بهيئة الفايزية هم يحضرون الشغالة عندهم ويضغطون عليها الى ان تعترف |
راجعي بريدك الخاص فيه رقم حرمه تفتش الشغالات
وممكن تستفيدي منها بالاستشارة بالجوال فقط بواقع خبرتها |
اقتباس:
ياحبيلك أختي الله يجزاك خير نبي نجيب مفتشه بإذن الله بس أنا خايفه تفقده وتسوي بنا شي الله يجزاك خير ويسعدك يارب وخلاص حنا تبنا منهن وه يارب تكافينا شرهن |
| الساعة الآن +4: 12:40 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.