العقلانيه يااهل بريده
 

ابدخل بالموضوع على طول

من القهر اللي شفته لماذا هذا العنصريه يااهالي بريده

لماذا هذا التفريق حنا مو بشر واحد كلنا ابناء ادم ليش تقولين حضر وبدو

ليش الواحد يطلق زوجته علشانها بدويه او اذا هو عاش معها صح لازم الاهل يتدخلون بينهم

ويفرقون طيب اذا هي ماقصرت معك ليش تطلقها

اتمني القي الاجابه الشافيه عندكم

وبدون تجديع كلام جارح رجاء خاص

يمكن يكون السبب أنها بنت نشاما وأهلها ذوو لحى غانمه !!!
لكن ماعمري سمعت !!

تختلف العقليات ,,, ومن الخطأ أختي أن تعممي أهل بريدة بالتزام العقلانية ,,,

صحيح أن " أكرمكم عند الله أتقاكم " ولكن ليكن المرء مراعياً العرف قبل الإقدام ,,,

فالحضري يتزوج حضرية .. والبدوية تتزوج بدوي ,,

وليس عيباً ولا محرماً ,, ولكن هذا عرف , ومن خالفه فليتحمل عواقبه .

لاومن قال بالعكس فيه حضر يبون بدو

وليش نراعي الفوراق ياللي تقول لازم نراعي العرف

وش فيها اذا اخذ بدو

اذا طلقها عشان حضرية او بدوية ليش من الاساس تزوجها

انا حضرية وزوجي بدوي لكن تاج على راسي وافتخر فية بكل مكان وعايشين عيشة الامراء

اللهم لاحسد ولا بيننا اي عنصرية والحمد لله

ليش ماتسمع وش فيها اذا اخذ بالعكس ياكثرهم اللي اخذوا

بس التخلف واراد

الله يديم عليكم اختي والله يتتمم عليك

انا اقصد الحضري ليش مايبي بدويه

والا هين البدو عادي ياخذون ومافيها شي عندهم ويحطونها فوق الراس

شوفي ياعمري انتي يمكن صادقتي عينيات لاتبنين كلامك على الكل

انا مثلاصادقت بنات قمه في الغرور والغطرسه ماادري على ايش

وبالاخير هن بنفسهن يعترفن انه البدو افضل بكثير من نواحي كثير

انتم يالحضر العنصريه عندكم بزياده واذا جلسوا بمجلس الحريم قالت ايه بدويه ماتفهم ليش هذا تخلف

بالعكس البدوات الشهادات بالهبل عندنا واغلبيه مدرسات بريده بدويات وللك ان تسالي

الله يرضي عليك ويسعدك ليتك تفهمون الكلام صح انا امي حضريه واتكلم من الواقع اللي عيشته

انا بنت اختي اخذت حضري وشهو وطلقها ليش بدويه هو طبعا يبيها بس حضره اخوه المهم ماعلينا بنت جيرانننا بعد اخذت حضري وماله داعي اذكر العوائل انا حبيت نتناقش بالفكره هذا

البدو صاروا مايرفضون هذا اول لكن الحين عادي
وبالعكس الحين تحضروا البدو عكس قبل