|
تـــــــــريك (كشاف - ضواي) كهربائي .. اين يوجد ببريــــده ؟؟
ارجوكم اي احد عنده خبر وين احصله ؟؟
يخبرنــــــــــــــي ضروري مشكورين |
عند ساكو مجموعة كبيرة من الكشافات المتنوعة..
وكذلك عند السنيدي في فرع طريق الملك خالد (جوار اكسترا) وهناك أيضا عدد كبير من الكشافات منها التريك على ما أظن |
مشكور اخوي
انا طلبي كشاف يشحن عن طريق الكهرب لااريد كشاف بالبطاريه او يشحن عن طريق شحن بطارية السياره السنيدي لايوجد عنده |
لو تحددين وشهو من كشاف بالضبط او تحددين الهدف منه ان شاء الله افيدكم
<< محسوبك خبرة كشافات وكبوس وضوايات والله يخلف بالخساير |
هلا اخوي جزل العطايا الله يخلف عليك ويرزقك من واسع فضله
اجل خبرة ماشاء الله مثل اخوي الله يهديه يحب هالاشياء وودي اشريله هالكشاف واسوي له مفاجاءة سمعته يتكلم عنه وجايزله مره يقول ان لونه اسود ويشحن على الكهرب ونوره ساطع مره لابعد مسافه اعذرني بس هذي المعلومات اللي عندي >>>> ساعدني اذا كنت عرفت وين احصله تعرف مانعرف بمحلات اللي تخص الرجال |
هلا اختي ام فيصل شوفي بشارع الخبيب محل اسمه العمار للاكترونيات عندهم كشاف اسمه ميجالايت لونه اسود ويجي منه مقاسين المقاس الكبير بسعر 110 على مااظن والشاحن حقه كهرباء 220 وان بيغيتي شاحن سياره12 فولت يبيعون لك واحد بسعر اخر والصغير بسعر 80 ريال ويركب له شاحن الجوال اما بيت والا سياره كله يمشي ووهو صغير حجمه ونوره قوي ويناسب لكل الاستخدامات بالرحلات البريه وغيره ( طبعا صيني مواصفات المانيه) http://www.maglite.com/images/rechargeable.jpg اهم شي تكون الاضاءه من نوع led http://up.arab-x.com/pic/dR635842.jpg http://up.arab-x.com/pic/0Ck36113.jpg واذا بغيتي تفحطين على الريال علمتك عنك الغالي وين يباع ووش اسمه |
اخوي الحين هذي الصور كلها شحن كهرباء ؟؟
بعدين بصراحه اظن ان شكله مربع كبر الكف تقريبا مو زي اللي بالصور انت علمني بس وين احصله ومايهم السعر جزااااااااك الله خير ماقصرت وسامحني كلفت عليك |
ساكو عنده اتوقع
|
مشكور غريب احساس
راح اشوف ان شاء الله |
ههههههههه أم فيصل أخاف إلآك بو فيصل .. قبل هالمره سألتي عن مرآية البلوتوث والحين ضوآيه عموماً مادري بس حبيت أمزح معك شوي > |
ههههههههههههههههه غموض ضحكتيني لا والله اني صبيــــــــــه
وش اسوي ابهدي اخواني بهالعيد وشفت اللي هم محتاجين وبلشت ماعرفت منين اجيب هالاغراض خخخخخخ لاعمرك تعيدينها هالمزحه على فكره عجبني توقيعك ماشاءالله |
| الساعة الآن +4: 04:09 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.