بريدة ستي - شي ماخطر على بال احد

السلام عليكم ورحمة الله وبركاته

كلنا شفنا حلقة طاش ماطاش عن عفيف وماراح اتكلم عن بقية الاحداث اللي دارت بالحلقه

لان صميم موضوع الحلقه كان له هدف بعيد وابعد مماتتخيلون

حق اريد به باطل

صح ان عفيف مهمشه بس موب لوحدها في غيرها كثير

لكن ذكرها بالذات في حلقه من طاش ماطاش اللي له شعبيه كبيره او لنقول عدد مشاهدينه كثير جدا

من مواطنين ومسؤولين

وصراحة ماخش مخي سالفة تركهم لمواضيع اهم في البلد وتركيزهم على عفيف

وقلبت الفكره براسي وقعدت اسولف عن الحلقه مع كذا واحد

منهم من قال يبون البنات يسوقن

ومنهم من قال يبون يلفتون انتباه الحكومه لاماكن مهمله وكلن يقول اللي عنده

بس انا جا براسي فكرة ثانيه وتذكرت اشياء قبل سنين مرت تم طرحها والنقاش حولها

وطلعت بنتيجه مهمه جدا فسرت فيها سالفة ذكر عفيف وتهميشها اللي انذكر بحلقة طاش

http://www.m5zn.com/uploads/2010/9/5...912vob9igb.jpg

الحلقه هذي كانت محاوله اعلامية اخيره للتجمع وشن حملة منظمة للمطالبة بتغيير مسار

طريق القصيم - مكه الجديد اللي يتوقع ان تكون مسافته 600 كلم اذا تم تنفيذه على المخطط

الموضوع واللي بيكون بشكل مستقيم من القصيم الى مكه بدون تعرجات

واللي فيها اهالي مناطق اخرى يريدون تحويل مساره ليمر على ديارهم ضاربين بعرض الحائط الهدف

من انشاء هالطريق بهالمسار المستقيم

فالطريق سيستفيد منه ليس سكان منطقة القصيم فحسب

بل حائل وجنوب منطقة الحدود الشمالية وشمال المنطقة الشرقية والقادمين من الكويت والعراق

يعني بيخدم امم كثيره بالاضافه انه بيخفف الزحام على طريق الشرقية - الرياض - الحجاز

وباذن الله بتقل الحوادث اذا خفت الزحمه

ومن هنا اناشد المسؤولين عدم الرضوخ لهذه الضغوط والتي ستزيد فيما يخص تغيير مسار الطريق

والله قهر يعني تزيد المسافه 150 كلم والا 200 عشان ديره ماراح تستفيد الا ان كثر ان توقف تعبي بنزين وتشري قارورة مويه

اما الناس اللي بيطول عليهم الطريق ماهمهم التعب اللي بيجيهم

ياناس الطريق هذا خرافي بيختصر شي كبير

طريق سريع مسافته 600 كلم

يعني مقارنة بسيطه بين انك تروح بر معه والا تركب الطيارة شوفو وش بيكون نتيجته

بعد اكتمال الطريق السريع بين القصيم ومكة سيصبح السفر بالطائرة من القصيم إلى مكة عن طريق

جدة خياراً ثانوياً للكثيرين، حيث يستغرق السفر من القصيم إلى جدة ثم مكة (من الباب إلى الباب)

بالمتوسط حوالي أربع ساعات ونصف إلى خمس ساعات، بينما بالسيارة و (من الباب إلى الباب) أقل

من ست ساعات بدون توقف، إضافة إلى ميزة كبيرة وهي أن معك سيارتك الخاصة وأغراضك بالحجم

والوزن والشكل الذي تريده، وميزة أخرى أيضاً أن قرار السفر والعودة تحدده أنت وليس غيرك، أضف

إلى ذلك سقوط عناء الحجز والانتظار في مكاتب الخطوط والطيران، وتتعاظم ميزة السيارة كلما اتجهنا

إلى غرب منطقة القصيم حيث تزداد المسافة إلى المطار وتتقلص إلى مكة

وهذي بعض الصور الاشافيه والمقترحه واللي اتمنى ان تثري الموضوع وتوضح لكم الصورة

http://www.m5zn.com/uploads/2010/9/5...0mqlmwfor7.jpg

http://www.m5zn.com/uploads/2010/9/5...55xfhblnvx.jpg

http://www.m5zn.com/uploads/2010/9/5...o34fno2fs8.jpg

http://www.m5zn.com/uploads/2010/9/5...cgcqwsrwwl.jpg

http://www.m5zn.com/uploads/2010/9/5...rhk06it18v.jpg

http://www.m5zn.com/uploads/2010/9/5...15ztiybtsb.jpg

http://www.m5zn.com/uploads/2010/9/5...tyvolo3asg.jpg

والله تعالى اجل واعلم

والسلام عليكم

.
.
.
.
.
.
.