|
شركات ملابس النساء والاطفال ليش اللي قاعد يصير
اولا الحمد لله رب العالمين انا اشتريت اغراض العيد المهمه من الرياض وارتحت ونقص عندي بعض الاغراض قلت اشتريها من ديرتي الغاليه بريدة وياللأسف بصراحه انا مادري داخل شركات مشهورة او مانب قايل احترام لاذواقكم قسم بالله ماهي ملابس وصلنا الى هالحد يجبروننا نشتري البضاعه السيئه بضاعه والله ماتستاهل ولا نصف قيمته ومتكرره ومعروضه من قبل رمضان . ليش كذا يعني حتى الملابس صرنا ننغش فيها ومقلده انا الله يكرمكم رحت ادور جزمات وشرابات حاجات خفيفه بس قسم بالله نص البضاعه تقول جايه من الشمس بالنسبه للجزم اللي يابسه كانها حصاة واللي مفكوك الجلد اللي تحت القدم وتعال يازبون تبي ولا بكيفك . وصل فيهم الاستغلال الى هذه الدرجه لكن في الاعوام القادمة ان الله احيانا واحياكم تعالو قبل العيد ب3 اسابيع واذا كانت البضاعة لاترتقي للذوق المطلوب ياقربك يالرياض ساعتين وانت بقلب الرياض خذ اللي تبي وزر اللي يعز عليك وخلها حج وقضا حاجه. اعيد واكرر والله اللي قاعد يحصل انه استهتار بالعميل وتلاعب ماله حد ويحتاج الى وقفه منا كعملاء الشركة اللي ماتحترمني وترضيني كل مادخلت فيها لاخرابه وفلوسي اخليها للي يستاهلها ويرضي ذوقي . اما بالنسبة للفساتين وغيرها بالرغم انها لاعت كبدي ونا اتفرج عليها والحمد لله اني مشتري وخالص لكن يهمني رايكم واللي لاحظ هالشي لايتأخر علينا ويشارك برايه. (ودمتم بعز) |
من العايدين قبل الزحمه
|
أنا اللي شفت عادي بضاعه جديده بس يمكن أسعار الملابس رافعينه عشان هذا موسمهم و هو العيد وشكرا لك |
:rolleyes: وش نسوي
|
انت لأي سوق رااااايح؟؟؟؟؟؟؟؟؟؟؟؟؟؟؟؟؟؟؟؟؟؟
انا الي أشوف عكس كذا الواحد اذا صار عنده ذوق يقدر يطلع اللبس من تحت الأرض؟؟؟؟؟ وبعدين الناس ماااااااايفكرون ؟؟!! متنا وحنا ننصح لا تشرون بشهر رمضان <<1 زحمة 2 ماتلقى شي حلو |
صادق عداك العيب
فعلا هنا فضله الماركات وزبالة التجار لبضاعة اللي تطيح بحلقهم يجيبونه للقصيم قيلة المحلات الي تهتم ببضاعتهم اللي هنا شوفو زارا لقصيم وزرا الرياض مير زارا مان علينا بزبالته شوفو مكس ونكست وفيه ماركت ما فتحت فروع اصلا هنا زي ا يكس للطفل اما الجزم فحدث ولا حرج ليت فيهن وحده صاحية!!! اللع ياجرنا وبس |
أسأل الله أن يصلح أحوالنا وأحوال المسلمين في كل مكان وأن يحفظ نسائنا من التبرج والسفور
|
كل كلامك غير صحيح شكلك انتي رايحه لسوق السمن او رايحه لحراج المقاصيص
اكبر دليل انك تنصبين اجل الرياض ساعتين الرياض 30--3 اقل شي بعدين كم بصرف في الخط كم بصرف في السكن خلي عنك البربره على شان يقولون ام افلان متقضيه من الرياض وقوني بعدين حددي انتي ذكر او انثي |
غريبه مااشوف اللي تشوفينه
|
لا تعليق ؟؟؟
|
فقط للمعلومية للي ما يعرف
بالسعوديةبعض الماركات أول ما تنزل تنزل بجده وبعدها بسنه أو ثنتين ينزلون بالرياض وبعدين بريده (حصلت معي تنوره شريتها من جده ولقيتها بعد سنتين تقريبا بالرياض وتوها تنزل لبريده) المشكلة ينزلزن بالسعر الأصلي مو التخفيض والبعض الآخر بالعكس تماما ينزلون بوقت واحد |
برضه اعيد واكرر من حقي كعميل اذا دخلت الشركه اللي تعتبر انها شركه قوية او محلات الماركات اني احصل شي يرضي ذوقي يعني مو معقول ان البضاعه اللي اشتريتها القاها على اكثر اقاربي ومعارفي الناس عندها ذوق وتحب
الزين لكن ادخل المحل او الشركه او اي كان وبعدين اسأله وين الجديد يوريك صنف او صنفين او خمسة من 10الاف صنف والباقي والله ماغير اخذ مكان واللي يبط قلبي عاد البضاعه اللي حاطين عليها ( مخفضه او القطعه ب 15 او 10 او 20) ونا مشتري منها قبل شهر ب 55ريال او 70 . بالنسبه لك يا علوش بلوش احب اهديك ارق العبارات الراقيه على الاسلوب والذوق على الرد اللي انت مسجل وفعلا على قولك ماعندني سالفه تصدق انا كنت مودي عيالي ومن زود الدلاخه رحت بهم للتشليح قلت اغدين القى عنده ترنقات للصغار قالو لي التشليح مستحيل تصير خفيف دم زي ( علوش بلوش ) يحسبوني استهبل. على العموم البضاعة تحوم الكبد وتوبه واخر نوبه اتقضى من هنا . |
بدل ساهر اللي رازينه على عيالنا
يحطونه على عيون هاللي منب قايله ويشوفون التلآعب |
والله انك صادقه |
| الساعة الآن +4: 01:19 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.