|
ماهي تجهيزاتك بالعيد
ومن العايدين ومن الفايزين..
إن شا الله.. أحباب أحباب هذي ان ما سمعتها ما احس انه عيد بذاك اليوم عيدنا يوم حنا اصغار بزارين يعني له فرحة ونختب الحين العيد شي عايدي صار عندي يعني ما اروح اشتري ملابس او اغراض خاصة لي زي البنات و البزارين الثوب من الدولاب والملابس الداخلية الى ان كنت ابي شي جديد من ملابس داخلية شريتها ولا بعد البسها بعد العيد مدري انتم زيي الحين او لا :09: بالعيد هذا ما فصلت الى ثوم ولا من نصف شهر 8 مفصلة اول ما جيت من الكويت شاري لي طاقة وفصلت 8 اثياب :113: بس مو لي كلهن مالي الى واحد منهن والباقي تم تقسيمة جدعت الطاقه عن الخياط واعطية ارقام الجوالات وهو يفصل والله الخياط فلة اتصل علية وش عندك اقمشه عاد هو منصح ويدبرن بالزين دايم بس اعطية رقم جوالي ويفصلي الثوب ولا مسنتر ارقام اخواني و عماني عنده وجدي بعد حاط له رقم الثابت ما معه جوال :113: وباقي الاغراض من الدولاب وشايل هم الحلاق بكرى على ان ما يبيلي شي بس يشغل الاستشوار بوجهي ويطير الشعر من قلته ولاكن الزحمه والقلق ابي اجزم اروح اليوم واقي منه طيب يا عرابجة الكش كوووووووووووووول وش نضامكم انتم باليوم الي قبل العيد ووش رايكم ننزل خلاقين العيد او لا ؟ عاد مدري الاشراف يسمح لنا او يبي يسمح ان شاء الله ان سمح نزلتلكم ثوبي وبس :113: عاد لا تخلونا بردودكم مو زي موضوع * معانات شنب عظيم * مع اكيد مخلوق بالوجود * |
جروووووووووووووووووووووووووووح
وين التميز للموضوع :113: |
كل النا س الحين بالاسواق
|
الخطة يألبي باتسر ابروح اشري سروال وفنيلة داخليات
أما الشماغ والثوب والمات لهن شهر .. الخطة والاستعدادات للعيد : بكرا آخر يوم ماراح نسوي شي ألا الإنطلاق لبريدة . وسهر لين الفجر همن افصخ ألبس :113: والانطلاق إلى مصلى العيد .. همن عقب العيد افصخ ألبس :113: |
ابو سر
الهرجة تفصخ وتلبس وين الاخ عايش بدولاب مثلاً |
:090:
أمااا تجهيزات .. ياخي أانا كشختي مدرعمه :02: <== والله أنت المدرعم .. لآ بس صحيح أخ كايدهمـ .. ما يبي له تجيزات وقلق حريم .. :113: <== متعقد .. يعني الثياب ميب حكر للعيد .. :d والحلاقة .. بتلة تحلق .. أول مرة ؟ :d ما فيه جديد .. :d |
من أهم الاستعدادات أبسوي صنفرة لخشتي إن شاء الله :d
< الحقيقة :113: |
اقتباس:
أخ كآيدهمـ ,, تكفى طلبتك إذا جيت تكتب موضوع هوّن عشآني بس .. )= |
بالنسبه لي ما شريت إلا ملابس داخليــه ,, مثل : سروال نص و و و :p بس مدري الإشراف يسمح أنزل صور للملابس الداخليــة أو مخالف للشريــعة :oo |
بسم الله
تجهيزاتي هي ثوبين من خياط الوسام مع شراء ما يلزم الثوب من [ كبكات من next ] ملابس داخليه من برومان تبون المقاسات :d:d وشماغ البسام مايفير [ وطاقية ] وكنادر برازيليات اللون أسود جلد من الموسى [ وشراب ] و عطر من درعة لينك الأسود و نظارات راي بان ... وش بقى :d:d:d إذا بقى شيء حطيته ورحت :113: |
^
^ ^ ولو مشرفنا ذا فخم :113: |
^
تحرجنا ذذ :113: نسيت والطرطعان بالمخبات :d:d:d |
^^
انس الصدز انك صح انا تو بغيت احذف المشاركة احسبه اشسمه مشاركة مهب معقوله كل ذولي انت :113: انا بالنسبه لي مفصل ثوب قبل شهر تسذا وشاري غترة وطافيه وعقال قبل رمضان وعطر مادري وش اسمه بس ريحتة زينه :d عاد مابقى شيء ولا :09: الطرطعان منب راعي طرطعان :d ايه وقبل امس رحت للحلاق وخلصت مهب زي العام محلق الساعه 1 قبل العيد خطتي بيوم العيد عادتي اني اواصل ما انام وبعد صلاة الفجر نروح لزبرة العيد ونصلي ونجتمع مع العمومه وناكل العيد وبعدين انطلق انا إلا الفراش :d وبس شكرا كايدهمـ :d |
يا رجال رح شف مغاسل الرهدن
والله يا هي زحممممممممه اللي يغسل سراويله خههخ وفنايله وثيابه وبلااوي العيد والله الصراحه ضحكت <<<<< اول كانو الناس ما يفارقون الاسواق الى يوم العيد والحين تغيرت الناس واقتنعت بالواقع وحتى صار الواحد مو فاضي للعيد وانا امس رحت للخياط ابفصل ثوب وقال اخيط لك ثوب واطلعه قبل 24 ساعه غريبه وين الناس خهخه يعني ما شا الله ما نعرف الخياطين الى يوم العيد خخ اكثر الناس اتجهوا للمغاسل والمشكله ما تلقى مغسله فاضيه قبل العيد بيومين او اكثر ومثل ما قلت العيد صار شي عادي ما يستاهل انك اطامر وتتعب ورى الاسواق عندك ملابس زينه ,,, اقرب مغسله وانتهت المشكله ( لا تعب ولا مصاريف ولا اي شي < ) وعقبال الحريم اللي ازعجونا بالاسواق وبعضهم الله يهدين يتعبن ورى ذا الاسواق والحاصل تتكشخ داخل البيت ولا تطلع ولا شي وبالنسبه عن نفسي انا متكشخ 24 ساعه بالعيد او غيرة تحياتي لك يا كـايدهمـ |
| الساعة الآن +4: 02:05 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.