ماهو افضل طريق لمدينة ينبع
 

المدينه السريع ثم سريع ينبع

وتوصل بالسلامه.

مثل ماقال اخوي عبدالله الصالح جزاه الله خير.

[b]عليكم السلام اخوي سامي ..

طريق ينبع طول الله عمرك توصيف اللي ابقوله لك ماتدخل المدينه تخليها على يمينك (( بريده المدينه السريع الين يجيك اول كبري في المدينه هذا الكبري هو الدائري الشرقي للمدينه اطلع مع الكبري طريق جده مكه المخرج الثاني في نفس الكبري على اليمين ثم يصير وجهك جنوب رح سيده الين تجيك اول اشاره انتبه لهذا الطريق ترا فيه صيانه وتحويلات .. المهم اذا جتك الاشاره اللي اتكلم عنها اطلع سيده لانه اذا رحت يمين يوديك للمدينه واذا رحت يسار يوديك لجده ومكه .. انت اطلع سيده الين يجيك كبري وتشوف السريع قدامك رح مع الكبري يسار هذا هو سريع المدينه ينبع بس يكون في علمك تراه مقطعه مافيه محطات عب من المدينه .. وترا فيه منحنى خطييييييييييير جدا بعد مايجيك المسيجيد على يمينك انتبه من هذا المنحنى .. تمشي حوالي 200 او اقل والله اني ناسي كم كيلو علمي في ههذا الطريق قبل 3 سنوات .. امشي سيده مع هالطريق الين يجيك ينبع يمين ورابغ وجده يسار ...


واذا بغيت تدخل المدينه اسال هناك ويدلونك على طريق المدينه ينبع السريع ..[/b]

.. اي خدمه ابشر واذا ماهو واضح التوصيف علمن ...

تروح وترجع بالسلامه ..

الحين حطوا طريق سريع بين المدينة وينبع قبل شهر رحنا لينبع
ماأعرف أوصف إذا جيت المدينة أو مكة أسأل , ديرة الحروب كلها دروب

الطريق << طريق المدينه السريع + طريق المدينة _ينبع السريع ..
*معلومات يمكن تستفيد منه*
_أحسن مطاعمهم من ناحية الرز <<< جريف <<وله فرعين بوسط ينبع وبالهيئه الملكيه
_ومن ناحية الوجبات << البيك بالهيئه + الكراز
_ومن ناحية السمك << آلقرافي
_استراحاتهم<<الصفوة حلوه قسم الحريم فقط بس أتوقع يأجره بلحاله+ استراحة الأحمدي
_ الشاليهات
<< آراك ينبع + موفنبيك بالهيئه
_الشقق << الساعاتي + رؤى ينبع
_ محلات الحلويات << آنستال
_الشواطئ << الشرم + الهيئه الملكيه