|
اخواني الله يجزاكم خير من جرب عملية زراعة القرنية للعين ؟
السلام عليكم
من جرب عملية زراعة القرنية للعين انا مصاب بالقرنية المخروطية والشوف شجرالله يكافيكم الشر وانا الان لي خمس سنين اراجع مستشفى الملك خالد للعيون وسويت اربع عمليات سويت زراعة حلقات ولا نجحت وسويت ليزر تصحيح نظر ولانجحت وسويت زراعة حلقات مره اخرى ولا نجحت وسويت ليزر تصحيح نظر مره اخرى ولا نجحت طبعا لكل العينين يعني المجموع ثمانية عمليات والان اقول للدكتور صلح لي عملية زراعة القرنية ورفض يقول انها خطرة وممكن ترفضة العين القرنية وتفقد نظرك وقال لي اذا تبي تجبرني اصلح العملية صلحته بس ممكن ترفض وانا الان محتار ما ادري ايش اسوي ان كان فيه احد مسوي العميلة ينصحني الله يجزاكم خير وانا عندي موعد بشهر 11 وشكرا لكم |
يااخي بما ان الدكتور مانصحك فيها لاتسويها
حتى لو كان على مسؤليتك يمكن تضر عينك اكثر وتتعب بدل شجر ماتشوف الله يستر العين مكان حساس جرب رح اكشف عند استشاريين الحبيب شوف رايهم ان كانت خطر لاتسويها |
اقتباس:
اي والله كلامك صحيح بس المشكله اني لابغيت اسافر ما اقدر اسوق السياره والان انا عمري صغير وبعد طولة عمر ان شاء الله اذا شيبت يكون نظري اضعف من قبل هذا كلام الدكتور يعني النظر يضعف سنه بعد سنه فاء قلت للدكتور يجرب زراعة قرنيه بالعين الضعيفه وان شاء الله تنجح باذن الله تعالى وشاكر على مرورك والله يجزاك خير |
الله يشفيك ويعافيك وجميع مرضى المسلمين صراحه ماعندي حل لأنك عند مستشفى الملك خالد ولا فيه احد احسن منه بس اللي انا مستغربته ليه كل عمليه تفشل ترجع تسويه من جديد ؟ يمكن لو تغير دكتورك احسن فيه الدكتور عبدالله الطرباق موجود بالمستشفى<~ كثير مدحوه من ناحية القرنيه والا أنا ماجربته وتقدر تراجع عنده اذا جا زياره للحبيب بريده أعرض له حالتك وشف كلامه وفيه الدكتور عمار مقيم بالمستشفى كان عندي موعد بشهر 7 وقال انهم بيفتحون عياده متخصصه للقرنيه والانحرافات ولا ادري عنهم والمستشفيات الخاصه مانصحك الا لأستشاره أما عمليات ابعد عنهم واذا رحت خذ كل تقاريرك عشان مايبلشونك بالاشاعات وغيره وقبل كل شي استخر ربك والله يكتب لك اللي فيه الخيره |
اقتباس:
بنت عمي مسوية زراعة قرنيه بمستفى الملك خالد وماشاء الله ناجحه لكن حالتك ان عملياتك تفشل وتعيديها ان شاء الله يكون المشكلة بالدكتور نفسه راجع الحبيب يمكن عندهم كلام ثاني واكثر تطور من غيرهم بالطب الله يشفيك يااااارب |
الله يشفيك وتجاوز عنك ..
طيب تقدر تصلح زراعة بعين وحده بس ..؟؟ اذا تقدر توكل على الله .. وانا انصحك ان تتوجه الى مصر .. ففيه مستشفيات متخصصين بهذا الموضوع .. واذا جزمت ع مصر خبرني اعطيك عناوين هناك .. الله يشفيك .. |
اقتباس:
لا انا مسوي عملية زراعة حلقات جراحيه يدويه ولانجحت بس سويت عملية زراعة حلقات بالجهاز وتحسن خفيف مره مره والحمدلله والشكر على فكره دكتوري عبدالله الطرباق استشاري بمستشفى الملك خالد وجاء مره لمستشفى الحبيب اعاره واصله من مستشفى التخصصي ببريدةوالدكتور ممتاز مره مره ما شاء الله عليه وشاكر على مرورك |
اقتباس:
الدكتور الي كنت ارجع عنده جاء اعاره بمستشفى الحبيب ورحت لمه وكشف على الصراحه عندهم اجهزه خياليه بس ماهي على الاجهزه ولا على الدكتور هي على اذا زرعت القرنية بالعين هي ترفض ام لا والدكتور الي انا اراجع عنده اسمه عبدالله الطرباق ممتاز مره مره ماشاء الله عليه وانشاء الله اني راح اسويه بس راح افكر واستخير شاكر لمرورك |
اقتباس:
لكن العمليه هاذي ماهي على الدكتورهي على انه ترفض ام انه ان شاء الله تنجح عرفت والدكتور به الخير والبركة واستشاري ومعروف الله لايضره لكن مثل ما قلت لك هي على انه العين ترفض ام لا وشاكر لمرورك |
كنت اود مراسلتلك ع الخاص ولكن لا يسمح لى................زرعت قرنية ممكن اساعدك ع الايميل... |
اقتباس:
طيب ليش ما تساعديني هنا احسن شاكر لمرورك |
هلا ابو فيصل ولايهمك... انا اصلا سجلت بالمنتدى علشان خاطرك ...كنت ببحث بجوجل وصدفة لقيت مشكلتك زرعت قرنية من 3 سنين تقريبا... نتيجة التهاب لعينى او قرنيتى بالاصح وذابت القرنية لم يتبقى الا جزء قليل منها وخضعت لفحوصات حتى تتطابق انسجتى مع انسجة الجسم الغريب او العضو الجديد ..... ولله الحمدلله تمت بحمده....بعد سنة ونصف تقريبا من العملية ...قال لى الدكتور احتمال انه الجسم يرفض القرنية طبعا مارفض الجسم والحمدلله انا تمام مثل الفل .... النظر يتغير بين الفينة والاخرى ولكن لازالت الرؤية غير واضحة بعين واحدة ولكن بالعينين النظر جيد جدا... ولكن حالتك مختلفة عنى أنا خضعت لعملية واحدة وهى الزراعة ثم بعد ذلك عمليات تثبيت القرنية (تخييط)... وقرنيتى عادية ليست مخروطية.... الأفضل أن يدرس الدكتور حالتك جيدا ... الأردن ربما أفضل من مصر بالقرنيات ........ خضعت عمليتى فى اسرائيل وعلى ايدى دكتور يهودى....(الوضع صعب وليس لدى امكانيات هنا فى فلسطين) الحمدلله انا جيدة....وتكون القرنية بعد العملية لون داكن ثم بعد شهر او اقل تأخذ اللون الطبيعى بعد دراسة حالتك من قبل دكتور اجرى عملية فى عين واحدة واتمنى لك الشفاء اختك فى الله/ زهرة قدمت هنا كى اساعدك وربى يشهد |
فيه شخص اعرفه جدا .. مسوي العملية بالاردن ..
عند دكتور مخصص .. تدق عليه وتحجز موعد ويقولك لازم تاخذ شخص معك عشان يرجعك وششششششغله تمام التمام .. ويعطيك مراجعات مجاناًً .. واذا تبي رقمه ياخوي .. نعين ونعااون .. وندعي لك بالشفاء العاجل |
اقتباس:
الحمدلله على السلامه اللهم اجعلها سلامه دائمه مشكوره اختي والله يجزاك الف خير والله يوفقك ان شاء الله بالدنياء وبالاخره والله ما قصرتي كفيتي ووفيتي لكن انا سويت العمليات هاذي كله بامر من الدكتور قال لا تصلح العملية (زراعة القرنية) اول بل صلح العمليات هاذي(زراعة الحلقات) و(تصحيح النظر) وبالنسبه( لزراعة القرنية) سوف تكون اخر حل لاجل كذا سويت العمليات هاذي وانا ان شاء الله راح اسوي العمليه (زراعة القرنية) اذا نجحت الحمدلله والشكر واذا ما نجحت هذا مقدر ومكتوب وجزاك الله خير اختي والله يعطيك العافيه على التسجيل بالمنتدى من اجلي ومساعدتي وشكرا |
| الساعة الآن +4: 09:44 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd.