[POEM="type=2 title="الدمع ساكن جفوني" font="bold x-large 'Traditional Arabic', Arial, Helvetica, sans-serif""]كلٍ يقول الهـم ساكـن جفونـي=وكلٍ يقول الجرح جرحي وإنا غير
ياصانعيـن الهـم لاتجبـرونـي=أحكي جروحاً منّها يبكي الطيـر
رسمت جرحي وسط دمعة عيوني=وبقلبي درست الهم معنى وتفسيـر
وليته قبل تحكون عنـي ودونـي=تدرون جرحي بالحشا ماهو بخير
خلوا كثير الهـرج لاتجرحونـي=يكفي جروحي باكيتها الأساطيـر
وإذا نويـت أرتـاح لاتمنعونـي=كلٍ وراء جرحه يجر المخاسيـر
هذي سكاكينـي وهـذي طعونـي=سلمتهم ظهري على غير تقصيـر
ودرب الوفاء دربي ولاتعذلونـي=أمشي على دربي ولا احتاج تخيير[/POEM]



هذه قصيده جديده من احدى قصائد الشاعر فهد الغنيم

المصدر موقع الشاعر الرسمي فهد الغنيم

راااااائعه

شكرا لك ...